⛔"L'amore" غير مباح⛔
الفصل الثاني: اللعب مع الكبار🔥
جلسات جنب اصالة اللي مكمشة مكانها خايفة تا تعلي عينيها و يجيو مع عينين شاهين، شدات فيها معبسة و تمتمات بخفوت
عائشة: مالك باينة فيك مقلقة؟
اصالة: (كاتصرط فريقها) والو!
عائشة: البنوتة ديالك زوينة بزاف
اصالة: (تبسمات و شافت فيها) ش شكرا
تنهدات و علات راسها لقبالتها، غير علاته بانلها واقف مع سرية، هاز كاس مشروب .. غير شافت فيه تبسملها و حنات راسها بسرعة خوفانة منه
تأفأفات محاملاش الموقف اللي حطها فيه مهيار، شحال مباسها و مللي تجرأ و دارها .. دارها قدام شاهين اللي يقدر يقتلها بسباب هادشي .. شداتها البكية .. غززات سنانها و ناضت وقفات
اصالة: غانمشي نشرب شي حاجة فيا العطش
عائشة: سيري احبيبة سيري
مشات حاسة بالعرق كاينزل مع ضهرها بارد، الخوف و القلق متمكنين منها بطريقة رهيبة، وقفات جنب البوفي كاتشوف شنو خاصها، بغات تاكل و لا تشرب شي حاجة، حتى قفزات اول ماسمعات همسه فوذنها واقف جنبها و هاز طبسيل كايختار تا هو شنو ياكل
شاهين: جوج سيمانات اللي بقاتليك، تكملي تقحبينك معاه هاكا، حسبي داك الراس اللي عندك تفرگع برصاصة من رصاصاتي (هز واحد المورصو دالشكلاط و حطو فوسط طبسيلها) مابقيتش غانساينك فوقما تكملي و تا ديك الضربة اللي كليت من عندو بسبابك تجيك مضوبلة مللي تكملي معاه (تبسم و حطلها مورصو آخر) عارفاني مكانصبرش ياك؟
اصالة: (بخفوت) ش شنو انت غاتستافد من هادشي علاش انا بالضبط اللي نخليه يوقع و و زايدون اشنو غاتستافد من داك التوقيع؟
شاهين: غانستافد بزااف و غير ناخذو عرفتي شنو غاندير؟ (شافت فيه باستغراب و هو يهمسلها عينيه فعينيها) غانقتلو (تبسم ابتسامة جانبية) يقدر يبوس فيك كيفما بغا دابا و لكن فاللخر نهايتو غاتكون على يدي
جبدات فيه عويناتها مصدومة من شنو قالها .. مشا من جنبها خلا صدى ديك الكلمة كايتردد فعقلها! غايقتلو! مهيار يموت! و بسبابها!
صرطات ريقها بصعوبة حتى دارت بداك الطبسيل بين يديها، مع دورتها بانلها خارج من لداخل التليفون بين يديه، ديك الوقفة الثابتة و دوك الملامح الرجولية .. قربات عنده بسرعة كاتشوف فيه عينيها مدمعين ..
مهيار: (شاف فعينيها باستغراب) مالك ؟
اصالة: (بخفوت) مابغيت تا حاجة تصيبك بسبابي
مهيار: شنو؟ اش كاتقصدي؟
YOU ARE READING
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
