⛔"L'amore" غير مباح⛔
الفصل الثالث: ايكادولي "أحبك" 💕
تسمر فمكانه لثواني .. شوية هز قبضة يده .. و خشاها بعنف وسط زاااجة قريبة ليها تا تشققات .. عاود جرها عنده مكرر العماية تا هرس الزاااجة بقوته و صرخ صرررخة عنيييفة كينهج
عابدين: بغيييتي نتفاارقو؟ نطلقك و نقطعو هاد الخييط اللي بيناتنا؟ بغيييتي نخليك تعيشي الحياة اللي بغيتيها مع ناس اخرين من غييييري؟
عائشة: (كاتشوف فيه بضعف و وهن) شفتها باااستك، شفتها كاتقوليك كاتبغيييك ديما كنتو كاتوقفو مع بعضياااتكم، انت هرستي قلبي بخيااانتك ليا وانا مغانبقاش معاااك
عابدين: (حركلها راسه بالايجاب) واخا! مابغيتيش ثيقيني؟ مابغيتيش تسمعيليااا؟ مابقيتيش حاملاني و باغاني نبعد منك و نطلقك! (سكت شوية كايحرك راسه بالايجاب و نطق بانفعال) و سيييري دابا راك مطلقة .. زيدي ناخذك عند خوك ولا ماعرفت اش يكون
مشا من قدامها خلاها مخرجة فيه عينيها! رمى عليها يمين الطلاق!
بسهولة خرجات من فمه!
بدون تردد قالها!
تسائلات دارو فذماغها، كانو كثار .. متناسية انها هي اللي طلبات منه الطلاق!
هي الاولى اللي دارتها لراسها و دابا مصدومة!
ماتوگضات تا سمعات الزدحة ديال الباب بعدما خرج منه، تنهدات تنهيدة مسموعة كاتحاول تشد فراسها و مشات خارجة تابعاه!
هادشي اللي بغاتو اه و لكن باش تتحط امام الامر الواقع بهاد السهولة جاتها صعيبة!
الهضرة ساهلة و التنفيذ ديالها صعيب!
تأفأفات بصوت مسموع و حلات الباب خارجة من الدار ناحية الطموبيل اللي ركب فيها، غير طلعات جنبه ديمارا بلا ماينطق و لا يتكلم .. خلاها متبعاه بنص عين و كاتفكر فاليمين اللي لاحو عليها! الطلاق يلوح لها فالافق و مابقاشش بزاف تاخذ حريتها منه و ماتبقى لا هي محسوبة عليه ولا هو محسوب عليها!
...............
بعد عشية صعيبة و مهلكة .. و بعدما كملات العملية بنجاح و لكن اصالة بقات تحت المراقبة الطبية .. اخيرا وصل الليل و طلع لغرفته عيان .. دخل كايتأفأف عضامه مدگوگين عليه حتى بانتليه فوق السرير ناعسة بعمق .. لابسة ديباردور و سليب فقط، النص فكرشها باين و رجيلاتها تا هوما عريانين و بلقين، فيهم اثر الحكان د ضفارها باين حبالتها شوية معذباها من هذه الناحية .. وقف لثواني مكانه كايتبسم لهاد المنظر اللي كايشرح النفس .. جبد التليفون ديالو من جيبه و قرب ناحيتها، كايصورها و يعاود مبسم بدفئ حتى صورها مجموعة دالصور عاد تقاد فوقفته كايحيد حوايجه، بقا بالكالصون فقط
أنت تقرأ
l'amour (غير مباح)
Romanceإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
