កម្មវិធីបង្ហាញម៉ូត របស់ក្រុមហ៊ុនលំដាប់ពិភពលោក Celine ក៏កៀងនិងឈានចូលជិតបញ្ចប់ ទៅហើយដែរ ជុងហ្គុកអង្គុយនៅកៅអីមិនស្ងៀម ចិត្តរំពៃ នឹកឃើញតែកូនស្រី ព្រោះនាងសុំចេញទៅបន្ទប់ទឹក យូរដែរណាស់ហើយ នៅឡើយមិនទាន់ត្រឡប់មកវិញ ភ្លាមនោះនាយលើកនាឡិការម្លៃថ្លៃឡើង សម្លឹងមើលទ្រនិច ចង្អុលបង្ហាញ ពេលវេលាកន្លងទៅជាង៣៣០នាទីទៅហើយ ៖
" ឯងចង់ទៅណាប្រុសតូច " ថេយ៉ុងចាប់ដើមដៃ ប្អូនប្រុសជាប់ដោយសួរនាំប្អូនព្រោះឃើញឫកពាគេចម្លែកៗ អង្គុយអារម្មណ៍មិននឹងនរ ចេះតែក្រឡេកទៅខាងក្រៅរហូត។
" ហ្វីយ៉ា កូនស្រីខ្ញុំ នាងទៅយូរដែរហើយបង នៅឡើយមិនទាន់
ត្រឡប់មកវិញ " បើសិនត្រឹមតែទៅបត់ ជើងតូចម្លេះមកវិញយូរហើយ តែនាងចេញទៅយូរគួរសម ល្មមឱ្យជុងហ្គុក ព្រួយបារម្ភពីកូន។
" ប្រហែលនាងទៅលេងខាងក្រៅទេដឹង តោះឯងទៅមើល
នាងនៅបន្ទប់ទឹក បងទៅមើលខាងក្រៅ "
" បាទបង " ថាចប់ ជុងហ្គុកក៏រូតរះ បោះជំហានវែងៗសម្តៅទៅបន្ទប់ទឹកនារី ពេលទៅដល់ នាយឈររងចាំនៅខាងមុខបន្ទប់ទឹក យូររៗម្តង ក៏លួចបន្លឺហៅឈ្មោះកូនស្រី ពីខាងក្រៅទៅ តែហាក់មិនមានការឆ្លើយតប ដ៏តែសោះ។
បន្ទាប់មក នាយកំលោះក៏ដាច់ចិត្តចូលក្នុងបន្ទប់ទឹក គោះទ្វារបន្ទប់ទឹកផាំង!! ផាំង!! គ្រប់បន្ទប់ ដោយបន្លឺហៅឈ្មោះនាងតូចដដែល តែគ្រប់យ៉ាងទទេស្អាត ក្នុងបន្ទប់ទឹកស្រីនេះ មិនមានវត្តមាននាងតូចហ្វីយ៉ាទេ ក៏មិនដឹងថានាងវង្វែងដើរចេញទៅណា ដែរ។
" ហ្វីយ៉ាកូន "
" ហ្វី..."
" ហ្វីយ៉ាកូន ពូធ្វើស្អីកូនខ្ញុំ " ម្ចាស់តូចគ្រាន់តែដើរចេញពីបន្ទប់ទឹកមក បានរត់ចេញមកខាងក្រៅ កន្លែងសួនខាងក្រៅ ស្រាប់តែឃើញហ្វីយ៉ានៅជាមួយបុរសម្នាក់ មាឌមាំសង្ហា ម្ចាស់តូចទៅដល់ ក៏ចាប់លើកពរកូនចេញ រួចថាឱ្យបុរសម្នាក់នោះ គឺជាបុរដែលខ្លួនធ្លាប់ស្គាល់ ធ្លាប់មានទំនាក់ទំនងល្អ ជាមួយគ្នា កាលគ្រាកន្លង។
" ប៉ាតូច " នាងល្អិតញ័រខ្លួនភិតភ័យជ្រុះ កញ្ចប់សូកូឡាពីដៃ
មុននេះលោកអ៊ំសង្ហា បានឱ្យសូកូឡានាងញ៉ាំ ពេលនាងមកអង្គុយលេង នៅខាងក្រៅនេះ។
" នាងជាកូនឯង? " លោកឆេហ្គូន មានវ័យជាង៤០ឆ្នាំ ប៉ុន្តែស្ថិតក្នុងវ័យមួយ ជាបុរសវ័យចំណាស់ ចាស់សង្ហា តែងខ្លួនសុីវិល័យ
ហៃសូរ ចូលរួមកម្មវិធីល្បីៗ មានមុខក្នុងសង្គម មិនចាញ់ជុងហ្គុកប៉ុន្មានទេ ម្ចាស់តូចហៅលោកឆេហ្គូនថាពូ ព្រោះតែធ្លាប់មានសម្ព័ន្ធភាព ជិតស្និតជាមួយគ្នា។
" .... " ម្ចាស់តូចមិនតប ចម្លើយ បែរជាពរកូនរួចបោះជំហានចាកចេញទៅ បានតែ២ជំហាន លោកឆេហ្គូនក៏បោះសម្តី ថាឱ្យកំលោះវ័យក្មេងជាងខ្លួន។
" បែកគ្នាច្រើនឆ្នាំ ឯងនៅតែសម្តីឈ្លើយដដែល " បែកគ្នាច្រើនឆ្នាំពិតមែន ជុងហ្គុកមិនដែលខ្វាយខ្វល់ ថាទាក់ទងចងសម្ព័ន្ធភាព ជាមួយលោកឆេហ្គូនទៀតទេ ព្រោះមនុស្សដូចលោកឆេហ្គូន ជាខ្លាលាក់ក្រចក។
" ខ្ញុំគ្មានអ្វីត្រូវនិយាយជាមួយពូទេ អគុណដែលមិនធ្វើបាប
នាង " ម្ចាស់តូចបម្រុងនិងចាកចេញទៅហើយ ក៏ត្រូវបង្វិលខ្លួន ងាកមកនិយាយ ថាឱ្យលោកឆេហ្គូនវិញ សំណាងបំផុតដែល លោកឆេហ្គូនមិន បានធ្វើបាបហ្វីយ៉ា ម្លោះហើយនិងមានរឿងធំជាមួយគ្នាមិនខាន និងមិនទុកមុខថា មនុស្សធ្លាប់រាប់អានគ្នាឡើយ។
" ឯងរៀបការពីពេលណា ម្តេចយើងមិនដឹង? " លោកឆេហ្គូន
ដើរចូលទៅជិត រាងក្រាស់ សួរនាំដោយការចង់ដឹងចង់ឮ កែវភ្នែក
ពិឃាត តាមសម្លឹងមើលជុងហ្គុក ឆ្លាស់គ្នានិងកូនស្រីរបស់គេ ចំណែកហ្វីយ៉ា ឃើញឫកពាលោកឆេហ្គូនដូច្នេះ នាងនៅស្ងៀម ឱបក្រសោបលោកប៉ា ត្បុលមុខចូលអាវលោកប៉ា លាក់មុខជិតឈឹង។
" រឿងផ្ទាល់ខ្លួនរបស់ខ្ញុំ ពូចាំបាច់ដឹង សង្ឃឹមថាយើងនិងមិនជួបគ្នា ម្តងទៀត លារសិនហើយ " ឫកពាមានអំណាច ខ្លួនតូចតែចិត្តធំជាងលោកឆេហ្គូន ម្ចាស់តូចបង្វិលខ្លួនពរកូន ចាកចេញទៅ ដោយចងកំហឹង ស្អប់ចងគំនុំជាមួយលោកឆេហ្គូន មិនចង់ជួបមិនចង់ឃើញមុខ ស្អប់លើសពីអ្វីរំពឹទុកទៅទៀត ជាពិសេសស្អប់ចរិតលោកឆេហ្គូន។
" សម្តីថ្លោសណាស់ អាល្អិត អាកូនឆ្កែ " លោកឆេហ្គូនដកបារីមកបង្ហុយផ្សេង សម្លឹងមើលរាងក្រាស់ ចាកចេញទៅ ដោយញញឹមចុងមាត់ និយាយសម្តី ចំអកឡកឡាយ ដាក់ម្ចាស់តូចថែមទៀត ក្នុងក្រសែភ្នែកគេ គិតត្រឹមថាម្ចាស់តូចជាក្មេងប្រុស ដែលតូចញ័រ តែមួយ មិនអាចមានសម្ថិភាពយកឈ្នះខ្លួនបាន។
ចំណែកថេយ៉ុង ឯណ្ណោះវិញរត់ ឆោឡោ ដើរស្វែងរកម្ចាស់តូច រហូតដល់ពួកគេ បានមកជួបគ្នា នៅមុខអាគារ ជាប់និងកន្លែងកម្មវិធី
មុននេះ ម្ចាស់តូចបានមកដល់ចំណតឡាន កំពុងតែត្រៀមបើក
ត្រឡប់ទៅវិមានវិញ តែត្រូវថេយ៉ុងឃាត់ ៖
" ចុះសិនមក ប្តូរឡានជិះឡានបង មានជំនិតបងជូនឯងទៅ "
" មិនអីទេខ្ញុំអាចត្រឡប់ទៅវិញ ខ្លួនឯងបានបង "
" កុំប្រកែក ឯងមើលស្រាលពូឆេហ្គូនតិចពេកហើយ សុវត្តិភាពជាចម្បង បងនិងបើកឡាននេះតាមក្រោយឯង ទៅដល់វិមាន "
" ហ្អឹម...អូរខេ " ជុងហ្គុកងក់ក្បាលយល់ស្រប បន្ទាប់មកបីកូនស្រីដែលគេងលក់ ចូលឡានស្ព័ររបស់ថេយ៉ុង រួចបើកចាកចេញទៅ ក្នុងទិសដៅផ្សេងគ្នា ពីថេយ៉ុងដែលជាអ្នកបើកឡានជុងហ្គុក ជំនួស ពួកគេនិងទៅជួបគ្នា នៅ្រកផ្លូវមួយ សំខាន់ចេញពីទីនេះ ឱ្យបានសិន។
ប្រមាណជា១០នាទីក្រោយមក មានក្រុមម៉ូតូធំ៤គ្រឿង បើកប្រដេញនិងឡានស្ព័រ ដែលជុងហ្គុកកំពុងតែជិះ ដកហូតកាំភ្លើងចេញមក តម្រង់កង់ឡា ផាំង!! ផាំង!! ពីគ្រាប់ស្ទួនគ្នា រួចបើកម៉ូតូវ៉ា ទៅដល់ខាងមុខ រាងឆ្ងាយបន្តិច ចតម៉ូតូបាញ់សម្តៅកញ្ចក់ឡាន
ខាងមុខ ផាំង!! ចៃដន្យកញ្ចក់ឡាន កាពារគ្រាប់មិនអាចបាញ់ទម្លុះបាន ឡានជុងហ្គុក បន្តបើកទៅមុខទៀត បើកគេចចូលផ្លូវស្ងាត់ ដោយកូនចៅថេយ៉ុង ជាអ្នកបើកបរ។
" ចង្រៃយ៍អើយ ពួកវាជាក្រុម កូនចៅអ្នកណា? " ជុងហ្គុកជេរប្រទិចខ្មាន់កាំភ្លើងដែលបើកម៉ូតូធំ ដេញបាញ់ខ្លួន ខណៈដែលដៃឱបក្រសោបកូនស្រីជាប់ខ្លាចនាងភ្ញាក់ដឹងខ្លួន។
" មិនដឹងទេម្ចាស់តូច ប្រយ័ត្នផង " ជំនិតថេយ៉ុងបើកឡានេរចង្កូតទៅឆ្វេង ទៅស្តាំមព្រោះតែគេចនិងគ្រាំ កាំភ្លើងតាមបាញ់មកដូុចដំណក់ ទឹកភ្លៀងអ៊ីចឹង ពួកវាប្រម៉ាញ់ មិនសម្ចៃដៃ។
" ប៉ាតូច ហ្អឹក!!ហ្អឹក!! "
" កុំភ័យកូនប៉ានៅជាមួយកូន "
[ ផាំង!! ផាំង!! ] ម្ចាស់តូច បង្ហើបកញ្ចក់ឡាន ដកកាំភ្លើងបាញ់តម្រង់ទៅខាងក្រោយឡាន ពីគ្រាប់ស្ទួនគ្នា ធ្វើឱ្យម៉ូតូទាំងនោះ ដួលរបួស ដោយសារត្រូវគ្រាប់ បានឱកាសកូនចៅថេយ៉ុង ក៏ជាន់ហ្គ្រាឡាន បើកក្នុងល្បឿនលឿនចូល តំបន់ទឹកដី ហាមឃាត់ ជាតំបន់សេដ្ឋកិច មានលំនៅស្ថានភូមិគ្រឹះ វិមានធំស្គឹមស្គៃជាច្រើន វិមានមីនក៏នៅ ក្នុងចំណោមនេះដែរ ទើបពួកគេ មិនហ៊ានជិះចូលតំបន់នេះ ត្រឡប់ថយក្រោយទៅវិញអស់ ។
_______
និពន្ធដោយ: មីនស៍ហ្វា
To be continue