មើលទឹកមុខចុះ កម្សត់សម្បើមណាស់ អាងតែជាកូនពូជសំណព្វចិត្តលោកប៉ាតូច ងើបមុខសម្លឹងមុខលោកប៉ា យកដៃអង្រួន ទទូចសុំលោកប៉ាជិះកន្ត្រកហោះនោះ នាងធ្វើមុខគួរឱ្យស្រលាញ់ បើកភ្នែកភ្លឹះៗ កម្សត់ដាក់លោកប៉ា ថែមទាំងលើកដៃមួយ សន្យាថា នាងនិងជិះវាតែ១លើកនេះទេ ព្រោះនាងចង់សាក រស់ជាតិថ្មី បើមិនបានជិះលើកនេះ លើកក្រោយក៏នាងមិនបានជិះដែរ ក៏ព្រោះតែ
ប៉ាយ៉ុនស៍នាង ក៏មិនយល់ស្របឱ្យនាងជិះ របស់លេង ផ្សងព្រេងដូចច្នេះដែរ។
" ហ្អឹម!! ពួកយើងទៅទិញសំបុត្រសិន អូរខេ "
" ហិហិ ស្រលាញ់ប៉ាតូច "
ថាទៅ ធ្វើជាលោកប៉ាគេ ម្តេចនិងដាច់ចិត្តជាមួយកូនស្រី
ជុងហ្គុកទៅទិញសំបុត្រ ២សន្លឹកដើម្បីបានជិះកន្ត្រកជាមួយកូនស្រី អ្នកកំលោះក៏បានទិញបូរណ៌ពាក់លើក្បាល ដូចក្មេងដ៏ទៃ ពាក់លើក្បាលឱ្យកូនស្រី និងពាក់ខ្លួនឯងដែរ បន្ទាប់មក ក៏ដើរសំដៅទៅ តាមការបង្ហាញទិសដៅរបស់បុគ្គលិកសួនកម្សាន្ត ពីរនាក់ឱពុកកូន ចូលអង្គុយក្នុងកន្ត្រកហោះ អង្គុយទល់មុខគ្នា ជុងហ្គុកបានដកវ៉ែនតាខ្មៅ ចេញពីហោរប៉ាវអាវក្រៅ យកមកពាក់ ឯដៃម្ខាងកាន់ក្រសោប ប្រអប់ដៃតូចជាប់ ៖
" លោកប៉ាធ្លាប់ជិះដែរទេ? " រាងតូចល្អិត សម្លឹងមើលមុខលោកប៉ា នាងញញឹមញញែម ត្រេកអរសប្បាយរីករាយ ពេលបានជិះវា ខុសពីលោកប៉ាអង្គុយស្ងៀមឈឹង មួយសន្ទុះមិននិយាយស្តីអ្វី ដ៏តែសោះ ធ្វើឱ្យនាងឆ្ងល់។
" មិនធ្លាប់ទេ លើកដំបូងរបស់ប៉ា " ជុងហ្គុកតបស្នាមញញឹមទៅកូនស្រីវិញ ល្បឿនកន្ត្រកកំពុងសន្សឹម ឡើងទៅខាងលើបន្តិចម្តង ខណៈឳពុកកូន កំពុងសន្ទនា សាសងគ្នា។
" កូនយ៉ាក៏មិនធ្លាប់ដូចគ្នា ហេតុអីដៃលោកប៉ាត្រជាក់ អ្ហា៎!!
កន្ត្រកទៅហើយ " នាងល្អិយពូកែសម្គាល់ តាមចាប់ចំណុចលោកប៉ាខ្លាំងណាស់ ធម្មតាអ្នកចង់ជិះ និងអ្នកមិនចង់ជិះខុសគ្នា ដៃលោកប៉ានាងត្រជាក់ស្រេប ដូចទឹកកក រាងតូចក្រសោបដៃលោកប៉ា ច្របាច់ ចុងដៃលោកប៉ា តែពេលនោះនាងភ្លេចខ្លួនថាកន្ត្រក ដែលនាងកំពុងជិះបាន មកដល់កំពូលតាំងពីពេលណា ហ្វីយ៉ាលាន់មាត់ភ្ញាក់ផ្អើល ខ្ញាំជាយអាវលោកប៉ាជាប់។
" កូនភ័យឬ? "
" គឺខ្ពស់ណាស់លោកប៉ា អ្ហាយ!! អ្ហឹក!! អ្ហឹក!! "
" ឱបប៉ាឱ្យជាប់មក កុំភ័យ " មុននេះអង្គុយកៅអី ម្ខាងម្ខាងតែពេលកន្ត្រក ផ្តើមវិលតាមចង្វាក់បទភ្លេងពីយឺតទៅលឿន រាងតូចផ្លាស់ទី ប្តូរខ្លួនមកអង្គុយលើភ្លៅលោកប៉ា ឱបកលោកប៉ាជាប់ ជុងហ្គុកញញឹម ក្រសោបកាយតូចកូនស្រីជាប់ទ្រូង។
" អ្ហាយ!! លោកប៉ា ហ្អឹក!! ហ្អឹក!! ទៅហើយ អ្ហាយ!! " មុនឡើងជិះរាងក្លាហាន តាំងចិត្តជាអ្នកខ្លាំង ហានជិះ ក៏ប៉ុន្តែពេលបានជិះ កន្ត្រកវិលបួនប្រាំជុំ ទើបដឹងថាវាគួរឱ្យខ្លាចដូចលោកប៉ាថាពិតមែន នាងមិនហ៊ាន សូម្បីតែបើកភ្នែកសម្លឹងទៅក្រោម ផ្ទប់ផ្អឹមមុខនិងដើមទ្រូងមាំលោកប៉ា ខ្ញាំជាយអាវលោកប៉ាជាប់។
" ហ្អឺស!! ប្រាប់អត់ជឿថា កុំចង់ជិះមិនជឿប៉ាទេ? " ជុងហ្គុកអង្អែលក្បាលកូនស្រី អស់សំណើចដើមក នាយផ្ទាល់ក៏ស្រៀវស្ញើបខ្លះដែរ តែនៅតាំងស្មារតី ខ្លាំងជាងកូនស្រី គ្រាន់តែមិនហ៊ានសម្លឹង មើលក្រោម បានវ៉ែនតាខ្មៅបាំងបិទ ទដ្ឋភាពពីទីខ្ពស់ទៅ។
" អ្ហាយ!! លោកប៉ា ហ្អឹក!! ហ្អឹក!! ស្រៀវណាស់ អ្ហាយ!! " ហ្វីយ៉ាស្លុតចិត្ត ស្រែកយ៉ៃៗ នាងភិតភ័យខ្លាំងណាស់ យំផងស្រែកផង ល្បឿនកន្ត្រក កាន់តែលឿនថ្វេដង នាងកាន់តែស្រែក ខ្លាំងជាង មុនរហូតដល់បទភ្លេងបញ្ចប់។
ក្រោយកន្ត្រកឈប់វិល បុគ្គលិករងចាំចាប់កន្ត្រក បញ្ឈប់រាល់សកម្មភាព ដើម្បីឱ្យអ្នកផ្សេងចូលជិះម្តង ហ្វីយ៉ារត់ចេញពីកន្ត្រកយ៉ាងលឿន សំដៅទៅកៅអី អង្គុយសម្រាកក្បែរនោះ អួលដើមក ក្អួតចង្អោរ ក្នុងពេលតែមួយ ៖
" អ៊ួក!! អ៊ួក!! " ចុះពីកន្ត្រកភ្លាម អ្នកក្លាហាន ខ្លួនតូចរត់មកក្អួតចង្អោរក្បែរកៅអី អង្គុយលេងជិតកន្ត្រកហោះ ហ្វីយ៉ារឹតបំពង់កខ្លួនឯង ប្រឹងក្អួតចង្អោង ដល់ថ្នាក់មុខក្រហម រងាលឃើញដូច្នេះ លោកប៉ាក៏រត់មក ជួយរឹតខ្នងកូនស្រី។
" កូនទៅរួចដែរទេ យ៉ាយ៉ា "
" កូនអូខេលោកប៉ា អ៊ួក!! អ៊ួក!! "
" ចាំត្រង់នេះ ប៉ាទៅទិញស្ករឱ្យញ៉ាំ " លោកប៉ាឆ្លេឆ្លាដកកូនកន្សែងដៃតូចមួយ ចេញពៅហោរប៉ាវខោរ មកជូតមាត់កូនស្រី នាងប្រឹងក្អួតរហូត បែកញើសថ្ងាស មុខស្លេកស្លាំង ជុងហ្គុកអង្អែលក្បាលកូនរួច ក៏រត់ទៅហាងក្បែរនោះ មានលក់អាហារសម្រន់ និងរបស់ញ៉ាំផ្អែមៗ ទ្រាប់ពោះ នាយក្រឡេកឃើញស្ករសម្លី ក៏សម្រេចចិត្តថាទិញ យកទៅឱ្យកូនស្រីញ៉ាំកាត់បន្ថយ ក្អួតសិន បន្ទាប់មកក៏ រត់ត្រឡប់មកក្បែរកូនស្រីវិញ។
" អគុណប៉ាប៉ា ហិហិ ហេតុអីប៉ាតូចមិនក្អួតដូចកូន? " រាងក្រាស់លើបីកូន មកអង្គុយលើភ្លៅ នៅលើកៅអី បំណងឱ្យនាងសម្រួលអារម្មណ៍ ញ៉ាំស្ករសម្លីកាត់បន្ថយ ការក្អួតបានខ្លះសិន ដៃតូចច្បិចស្ករសម្លី ដាក់ទំពារញ៉ាំចូល ក្នុងមាត់ នាងងើបមុខសើចដាក់លោកប៉ា បើទោះជាវិលមុខ ពិបាកទ្រាំយ៉ាងណាក៏ដោយ បំណាច់ថាចិត្ត ចង់ជិះទាមទារ លោកប៉ាជិះតាំងពីដំបូង។
" មកពីប៉ាមាំមួនជាងកូន ប៉ាឧស្សាហ៍ហាត់ប្រាណ " រាងក្រាស់ញញឹមពព្រាយ អង្អែលក្បាលកូន យូរៗម្តងឆ្មក់ថើបក្បាលនាង ឱនសម្លឹងមើលកាយវិការ កូនស្រីញ៉ាំទំពា ស្ករសម្លីទំនងដូចជាឆ្ងាញ់ណាស់។
" ប៉ាតូចពូកែគ្រប់យ៉ាង ប៉ាប៉ាចាស ពួកយើងទៅលេងអ្វីទៀត? " ហ្វីយ៉ាញ៉ាំបណ្តើរ សួរនាំលោកប៉ាបណ្តើរ កើតមកជាក្មេងពូកែឆ្ងល់ច្រើន តែងតែសួរលោកប៉ាគ្រប់ពេល អង្គុយមិនទាន់បាត់ហត់ផង ក៏សួររកកន្លែងលេងថ្មី គិតទៅក្មេងតូចដូចជានាងឆាប់ភ្លេចរឿងពិបាក មុននេះណាស់ ហ្វីយ៉ាជាក្មេងដែលពូកែ អត់ធ្មត់ជាថែមទាំងចង់សាករបស់ថ្មី។
" ផ្ទះខ្មោចឬស្គីទឹកកក? ថែមទាំងមានអាងត្រីទៀតផង "
" ផ្ទះខ្មោចកូនមិនហ៊ានលេងទេ យកស្គីទឹកកក និងអាងត្រីចុះ"
" អឹប!! តោះ " និយាយចប់អ្នកកំលោះ ក៏លើកពរកូនក្នុងដៃ ដើរតម្រង់ចូលទៅ ទិញសំបុត្រជិះស្គីទឹកកកបន្ត គេនិងនាំនាងដើរលេងគ្រប់កន្លែង មុននិងនាំនាងទៅញ៉ាំអាហារពេលយប់ ត្រូវជូននាងដើរលេង ឱ្យឆ្អែតឆ្អន់សិន ខណៈដែលហ្វីយ៉ានៅលើដៃលោកប៉ា នាងឱបកលោកប៉ា រួចបន្លឺសួរនាំលោកប៉ា នៅសំណួរមួយ។
" ប៉ាប៉ាចាស ប៉ាសង្ហារបែបនេះ ពរកូនដើរលេង មិនខ្លាចគេBullyថា កម្លោះពោះម៉ាយទេហ្អេស? មានតែកូនតែអត់
ប្រពន្ធ? " មិនយល់ថានាងល្អិតនេះ ក្មេងប៉ិនសំដីអីយ៉ាងនេះ លោកប៉ាពរនាងនៅនិងដៃ ហ្វីយ៉ាសម្លឹងបរិយាកាសអ្នកជំវិញខ្លួន មើលពីរនាក់ឳពុកកូននាង ដូចជនចម្លែកមកពីណាក៏មិនដឹង នាងស្រាប់តែកើត គំនិតខ្សឹបសួរលោកប៉ា ធ្វើឱ្យជុងហ្គុកសើចគ្រវីក្បាល អស់សំណើចនិង សំដីចេះរបស់កូន រួចក៏តបសំដីនាង។
" អ្នកណាហ៊ានថា មានតែកូនគ្រប់គ្រាន់ហើយ សម្រាប់ប៉ា មិនបាច់មានប្រពន្ធក៏គ្មានបញ្ហា សំខាន់ប៉ាសង្ហាក្នុងកែវភ្នែកកូន យ៉ាយ៉ាកូនសំណព្វចិត្តប៉ាតូច "
_____
និពន្ធដោយ: មីនស៍ហ្វា
( vote ឆើនៗណា ផុសជូនរាល់ថ្ងៃ សុំជាកម្លាំងចិត្ត🥹☹️)
To be continue