🍃⚘🍃رواية عيون النار🍃⚘🍃
داعش
⚘الحلقة -٦٥-⚘
⚘"الكاتبة: فاطمة علي"⚘
..🍃رأيكم+لايك🍃..
من تجسني شفايفك
تاخذني غيبة
ومن ترشني بمزنتك ولهان افز
عريان السيد خلف
.................
قبل الحادث بـ ثلاثة ايام ........
.... الكل كاعدين بيت خاتون ، وصوت عالي ، ضحك وسوالف ، والبيت متروس ناس ، ولد خاتون كلهم داير مدايرها عشر نفرات همه ونسوانهم و اولادهم ، واكو احفادها هم متزوجين ومخلفين مثل ماردين جايبه فطومه ....
خاتون : ادحك ولدي وبناتي واحفادي كلهم حدر ايدي ، كل واحد شايل قصه شكل بقلبو ، جانت هاي بس قصة واحد من وليداتي الي هو معاذ وبنتو وحرمتو ....
فيصل : اليوم جمعنا معاذ حتى يفتهم شنو الصار بفترة الي انخطفو بي احمد وماردين واميرة ، بوكتها انت جنت حاظر وتعرف شصار ، بس ماتعرف السبب الخلاني تطلك سراب شنو هو ....
معاذ : لا ماعرف ...
ماردين : بصفي كاعد ماجد كضبت ايدو هو دحكني وابتسم وكأنو يهديني ....
فيصل : بعد خبر استشهادو الاحمد بشهرين ، فجأه اختفت سراب ندورها ماكو ، المكان الوحيد المادورناهه بي هو المخزن ، دحكت ولكيتها هناك كاعده وتحفر بالارض ، سألتها ماجاوبتني ، سحبتها ايدها كلها دم ،وشي اسود بيدها ....
.... شنو هذا فهميني ،ضحكت وكأنو مو بعقلها وردت تحفر وتردد ...
سراب : انه السبب ، ابني انه ذبحتوو، انه السبب ....
فيصل : كضبتها من ايدها وضربتها راجدي ، فميني شنو هذا ، باوعت بعيوني جانت حالتها مدري شنو ، تبجي وتضحك ...
سراب : هذا العمل السويته الماردين حتى ماتتزوج احمد ، لان كام يشوفها وميباوعلي رادت تاخذ ابني وتالي اني بيدي بعدته من عيوني للابد ....
فيصل : كمت منها وترجعت ليورى ، وانه مصدوم من كلماتها ، وهي جانت تردد ....
سراب : اني الكتلت اسيل وخليتها تجيب من الشهر السابع وماتتت من وراي ، واني السحرت ماردين ، ماردتها تعيش ويا ابني ماردتها ماااردتها
.....
فيصل : كضبتها حيل وطلعتها من المخزن وشمرتها بنص البيت ، نجنيت شلون سوت هيج ، خلتني اخسر وليدي وحرمتو واختي ، بسبب اعمالها الشيطانية ....
.... من ورى انانيتها ذبحت وليدي ، وانانيتها خلت حرمة اخوية معاذ تموت وهي بعدها بعز شبابها ، انانيتها خلت الدواعش يبيعون بت اخوي ، انانيتها خلت الدواعش يغتصبون اختي ....
.... كل الصار بسببها من ثار امية ضدنا ، وهل اخذتو الثار من ابني ، كل الصار بيا وبعايلتي بسبب سراب
، اني كل يوم بليل اتذكر السويته بماردين وشلون جنت اقسى عليها لدرجه جانت يغمى عليها بين ايدي ....
ماردين : كمت ابجي ، سحبني ابوية الحضنو ويمسح على راسي ....
معاذ : كله مني القصور كله مني ، لوما اني عايفج جان مصار بيج هيج ....
ماجد : لا يعمي لاتحجي هج ، لوما عايفها انه مادحكها واخذ هج خبله وتصير حبيبتي وحرمتي وام بنيتي ....
ماردين : دحكت ماجد وابتسمت ، جرني وهو يمسح بدموعي ، كنو عندي ثنين ابو ، ماجد وابويه معاذ ....
فيصل : سامحيني عمي ، انه خجلان منج وعلى كلشي سويتو وياج ، جنت معمي العين والقلب ....
ماردين : دحكت ابوية ورديت دحكت ماجد ، ابتسم بوجهي ، ابتسمت الو ، رديت دحكت عمي ، انه بحياتي ماكرهتكم حتى تطلب المسامحه مني انه حتى ولا مرة دعيت عليكم ، انه مسامحه كل واحد اذاني بيكم ، دحكت عمي تحسين ، نزل راسو بخجل وسكتنا هدوء صار .....
معاذ : بما ان الكل منجمعين ، قررت اخذ اميرة وابنها يعيشون وياي بتركيا مالهم كعده هنا وهمين هي نفسيتها ترتاح ....
خاتون : بعدني ماشبعت من بتي ...
معاذ : تعالي ويانه همين تغيرين جو ، وصحتج تتعدل بعد الخمس السنين الاخيرة العشتوها يحتاج النه راحه ....
ماردين : كلنا نسولف الا عمتي ، ماخذه جهه وحده وصافنه بالارض ، كامت كلها دحكتها وراحت كعدت حدر الشباك ....
اميرة : كل لحظات حياتي السود معقولة خلصن ، اني هسه شلون راح اعيش ، شلون راح ارجع اميرة القديمة ، شلون انسى الصار وياي ، ابشع لحظاتي عشتها وياهم ، المنظر من الشباك الجنت اشوفه ، والذبح والدم الي يسيل ، والهلاهل والهوسات بنص ولد المنطقه ، ااااااخ قلبي .....
معاذ : اكو شي ثاني اريد احجي ، واني مكلف اوصله الكم ، ضافر ابن صديقي ، طالب ايد ناز للزواج ، واتمنى من فيصل ان توافق ،لان ضافر ولد مؤدب وحباب وعنده شغل وخير من الله وماعنده سوالف سرسرية ....
ناز : باوعت على ابوية ، ورجعت باوعت على عمي ، ابوية سكت وكأنو يفكر ....
فيصل : خل يتفضلون وان شاء الله خير ...
ناز : اخذت نفس ، الف الحمدلله ...
ماردين : واخيرا راح يصير عرس بهل بيت ، ظحكت ماجد سحب ايدي وباسها ، الله لا يحرمني منك ....
ماجد : ولا يحرمني منج يبعد قلبي ....
ماردين : ابوية طلع جايب ويا عائلة ضافر ، واجو وقابلو عمي فيصل ، بهل وكت كلو ماجد ماتركني بحيث حتى كام يبات وياي بيت جدتي ....
.... اتفقو هي خطوبة وهي زفه حتى يسافرون نهاية الشهر ، بدينه نجهز للحفلة ، ناز جانت طايرة من الفرحه ، جانت حالتي تتعب ، بس اسيطر على نفسي ومااوكع ، وبس ادحك ماجد ، احس كل التعب مني يروح ....
.... رديت للبيت بس حيل تعبانه ، كمت اختنگ ،
كام عمي كل يوم يقرا على راسي ايات يله ارتاح وانام ، ماجد اخذ شيخ البيت جدتي وراح طهر المخزن وحفرو كومه مكانات بي بس مالكو العمل ، على كلام الشيخ ...
.... (السحر انقلب تابع او جن عاشق ، لذالك مالكينا ، بس لكو مكان فارغ ، بي اثار مال شي محترك ) .....
..... كمت شوية شوية اذبل ، عمي هاشم ابد ماتركني ، اذا ماجد يلتحق اتخبل ، وهمه يضلون يمي بالحجرة مايفاركوني .....
.... بيوم ، فتحت عيني انه بنص الشارع ، دحكت يمنى يسرى محد ماكو ظلمممه ،وبس ضوى القمر ، اخذت نفس واحس انفاس حارة يم اذني ، كمزت من مكاني ،
دحكت ماجد ....؟!
.... سحبني من ايدي وضربني راجدي طير نص فجي ، وصرخ بيا ....
.... ( ايييي ماااااجد ) ....
ماردين : شبيك ، انت شلون تضربني ، كضبني من ايدي حيل ، بحيث مكان ايدو احسها حاارة جمر ،شبيك ماجد فهمني انه شسويت .....
.... ( انه اكرهج اموت منج ماريدج بحياتي ماريدج )....
.... شالني ودكني بالكاع بحيث انكطع نفسي ،
اريد اصرخ صوتي مايطلع ، نام على صدري كام حيل يضربني راجديات ، جرني من شعري حيل وصرخ بيا ...
....( ماريــدج بحياتي ، اكــــرهـــــج ، كلــــج امــراض ، مــاريــــــدج ) ....
ماردين : انه اكـــرهـــــك وخر مني ، لزم وكام يخنكني ، ماجد وخر منيي ،راح اموووت ماجد وخرررر ، دحكني وقرب وجهو مني وابتسم بمكر ، مدري شلون هدني كمت اركض بدون وعي وماعرف وين رايحه ....
ماجد : الدنيا فجر ورديت من الدوام تعبان ، محد بالطريق وامشي بسرعه اريد بس اوصل للبيت ، ماادحك الا حرمه اجت تركض على السيارة ، دست بانزين وفترت بيا السيارة ونضربت براسي .........
زهراء : دك تلفوني من الصبح باوعت امي ، صاير شي وداكه عليه من الصبح ،
ها يمه شلونج واسمع صوت عياط وبجي ، يمه شكو شصاير ....
العلوية : اخوج ماجد وحرمتو سووو حادث وهسه همه بالمستشفى ...
زهراء : شنوووو ، شلوون وينن بيا مستشفى ، كوليلي مــاجــد شبي يمممه ...
حيدر : صعدت على عياط زهراء ، طبيت للغرفه لكيتها تبجي ، شكو شصاير ...
زهراء : ماجد وماردين مسوين حادث ، بسرعه خل نطلع ، بدلنا وطلعنا للمستشفى ، وصلنا لهناك جان ماجد وجهه من الجهه اليسرى بي زراگ ، وايده لافينها وراسه مضروب ....
... وين ماردين ، وشلون صار ماجد ....
مصطفى : ماردين تعبانه عدها كسر بأيدها ، ورضوض بصدرها ، وحولوها هسه مفراس ، يتأكدون مصاير شي للجمجمه .....
زهراء : فهمني شنو صار وشلون صار الحادث ....؟
باقر : الكاميرات مال بيت ، شفنه التسجيل مالتها ، ماردين طلعت تمشي عادي ، ونامت بنص الشارع
وضلت تتمرغث بالكاع وعبالك مو هي ....
.... فجأه شفنه سيارة دخلت للفرع ، هي كامت وركضت على السيارة ، حاول ميدعمها بس انضربت بالسيارة .....
زهراء : باوعت عليهم ، لتكولها ، يعني ، منو الدعمها ، ماجد ؟!
باقر : اي ، ماجد ....
زهراء : لطمت على خدي ، يمممه شلووون منتبه عليها ....
باقر : جان جاي سريع ، وهي فجأه كامت ركضت ....
ماجد : فتحت عيني انه بالمستشفى ، واخوتي واهل فوك راسي ، ماردين ماكو ، يمه ماردين وينها ...؟
زهراء : واحد يباوع بوجه الثاني ، شنكولة ....
باقر : موجوده خوية بس تعبت لان سمعت بيك سويت حادث ...
ماجد : منو الحرمه الانه الدعمتها ....؟
مصطفى : مابيها شي بس رضوض عدها ....
سيد هاشم : بوية ، انت زلمه مؤمن وصايم مصلي ،ومو صغير حتى نضم عليك ....
باقر : يااابا .....
سيد هاشم : شني يابا ، الاي متى تضلون ضامين عليّ ، بوية الصار مو بيدنا ويشهد ربي انه وامك اخذنه حرمتك بحجرتنا منوميها هي وبتك ، بس تالي الليل طلعت وحنا نايمين غافلتنا ....
ماجد : اي وتالي ، كمت واتسندت ، انتجيت ، ماردين وينها ....؟
سيد هاشم : الحرمه الدعمتها انت ،
حرمتك ماردين ....
ماجد : شـنـــــــي ، لا يــــااابــاااا ، لا تكولها ، ويينهااااا ، وشلووونها ...؟
باقر : موجود بس بغرفه ثانية شوية تعبانه مو مثلك ، هي ضربتها قوية ...
ماجد : كمت على حيلي دايخ ، وطلعت وهم مجلبين بيا اريد بس اوصل الحجرتها ....
باقر : خوية رد الحجرتك ...
مصطفى : ماجد انت هم تعبان ....
ماجد : عوووفوني ، وخروو منييي مابيه شي ، ولكم انه شلون دعمتها شلون ماحسيت عليهااااا ، بعدوو منييي ....
باقر : زين بس اهدء ، منا حجرتها تعال ويانه ....
ماجد : وصلت الحجرتها ، دخلت ودحكها نايمه ، تقدمت عليها ، كضبت ايدها وبستها ورديت بستها براسها ، بنيتي ، اسمعيني ، انه ماجد ....
.... شلون صارت ، كلولي لاتضمون عليه ...
باقر : حاليا مابيها شي بس تطلع نتائج المفراس وان شاء الله مابيها شي ، اذا طلعت نظيفه خلص الخطر يروح ، بس اذا طلعت عدها خلل لو شي بالدماغ لازم عملية ....
ماجد : اااخ يابنيتي ، اويلي عليج يهم قلبي ، ضليت حدرها لليل ، حتى علاج اخذو وانه كاعد حدر راسها ...
ماردين : فتحت عيوني وانه خايفه ، كني جنت بحرب ، جسمي كنو مكسر ، ايدي حيل ثگيل ، دحكت يمنى يسرى دحكت ماجد غمضت عيني وخايفه منو ، كضبت ايد زهراء ودرت عليها ....
زهراء : ماجد ، ماردين كعدت ....
ماجد : حبيبتي ، ماردينتي ، بنيتي ، دحكي بيا ....
ماردين : كليلو خل يروح ماريدو ، ولا اريد ادحك وجهو ....
ماجد : انه اسف والله ماجان قصدي ، بس دحكي بيا ....
ماردين : ابعد عني بعد كل السويتو بيا وتعتذر ، خابر لي ابوووية هسه تتصلون بييييي بسرررعه ...
ماجد : والله اتصل بي ، بس دحكي بيا والله مو قصدي ، اسف ، الصار كلو مو بأرادتي ...
ماردين : خشعتي يعترف ان هو ضربني ....
ماجد : اسف حبيبتي والله اسف ....
ماردين : ماريدك ، بعد منييي لا تكضب ايدي ، زهره كوليلهم خل يطلعو منيييي ماريدووووو ، ماجد اكرهـــــــك .....
ماجد : شكد حاولت وياهه مافاد ، ثاني يوم من الصبح اتصلت بعمي معاذ ، گبل اجه للمستشفى ، يومين ماردين ماتقبل تدحكني ...
زهراء : ماجد تعال اكولك على شي ، اكو اثار ضرب على جسمها ، وحتى اكو طبع ايد بزنودها وبرجلها ، وبركبتها ....
معاذ : ومنين هذني الآثار....
ماجد : والله ماادري ...
معاذ : فهمني شنو الديصير ويااا بنتي ...
ماجد : عمي كلو من ورى العمل ...
معاذ : شهل عمل هذا المو راضي يفك بعد ، اااااخ ....
سيد هاشم : انه اكولن تخاذوها الجدي العباس وهناك تربطوها وتباتون بيها ٣ ايام ، وهي يفكها كن فيكون ....
ماجد : بس هذا الحل الاخير ، لان والله كومه ساده وشيوخ اخذتهم لمكان العمل وقرو عليه بس مافاد ....
ماردين : جنت احس روحي بغير عالم عايشه ، طلعوني من المستشفى للبيت ، كمت مااطيق ماجد ، كل مرة اتذكر شلون ضربني واذاني ، حتى كامت نفسي تلعب منو ، سبوعين انه على هل حالة ، فكو جبس ايدي ، ابوية ماتركني ابد .....
.... بيوم كاعده ، اريد اطلع ويا ابوية ، جان يجي ماجد ، صرت ورى ابوية ، وانه ادحكو ، لابس دشداشه سودة ولاف غترة خضره على راسو ، طالع يرهب صدك سيد ، بس كل هذا وخفت منو ....
ماجد : عمي كملت السيارة ، يله خلينا نمشي
ماردين : وانت تجي ويانه ...
ماجد : اي ...
ماردين : ماريدك تجي ولا اريد ادحك وجهك , يااخي ماعندك كرامه انه اكرهك ، صار عصبي اجه وكضبني حيل من ايدي وجرني للحوش ، تركنييي ، هد ايديييي ....
ماجد : دحكي هين يول ، انه ماجد ال شهم ، ماكو حرمه تكلي ماعدك كرامه افتهمتي والا لا ، دحكي بعيوني زين ، وامشي جدامي ، ومااخشع حسج افتهمتي ، طلعتيها من ماعووونها ، امشي جدامي ....
ماردين : مــــاريــد اروح ، كضبت ابوية حيل من ايدو ودمعتي نزلت ....
ماجد : عمي اكدر احجي وياهه ....
ماردين : لا يابا لا تعوفني ويا ...
معاذ : بنتي هذا ماجد زوجج وحبيبج شنو السالفه ، تخافين منه واحنه كلنا موجودين يمج ...
ماردين : بس لتروح بعيد ضل قريب مني ....
ماجد : عمي السيارة جاهزة ، تكدر تنتظرنا بالسيارة ....
ماردين : راح ابوية اجه تجاهي ماجد ، ابتعد منو ...
ماجد : فهميني شنو الصاير وياج ، صارلج سبوعين مادحكين وجهي ....
ماردين : كل السويتو وياي وتكلي شنو صاير وياج ...
ماجد : اي فهميني ...
ماردين : برطمت ونزلت راسي تقرب مني ولزم وجهي ودنك عليه ....
ماجد: سولفي اسمعج ...
ماردين : بيوم الحادث لكيتك مطلعين بنص الشارع ، وبيومها ضربتني واذيتني وكمت تصرخ اكرهج وكلج امراض ....
ماجد : تنعدم روحي من الدنيا اذا انه سويت هج بيج ، ولج انه اعشقج ، فد يوم اذيتج وضربتج ، الا هج راجدي وجان مو قوي ....
ماردين : ادري وهذا الخلاني اكرهك ...
ماجد : لاتكولين اكرهك ، لان انتي تحبيني ماتكدرين تعيشين بلاي ولا انه اكدر اعيش بلياج ، صارلي سبوعين عيوني ماضايگه النوم ، وانه ادحكج جدام عيني تتأذين انه هم اتأذه .....
ماردين : عجل ياهو الضربني اذا مو انت ، والله انت صوتك وشكلك انت ...
ماجد : اقسملج بالله مو انه ، صح انه دعمتج بس ماجنت ادري بيج لان فجأه طلعتي كدام السيارة ، اسف يبعد قلبي ....
ماردين : لا تتأسف ، ماجد انه اريد اخلص تعبت ...
ماجد : خلي ايدج بيدي وخلينا نتوجه لكربلاء وهناك تنگضي حاجتنا ونردج بخير ....
ماردين : ماشي ، باسني براسي وكضب ايدي وابتسم ....
ماجد : يله امشينا حبيبتي ....
ماردين : ابوية ليكدام كاعد وانه ليورى ، طلعو بيا الكربلاء ، جنت رافضه ادخل لاي امام وضليت اكمز ، تالي ماجد اخذ علگ اخضر وربطو بأيدو ورد ربطه بأيدي ، ودخلني من جهة الزلم للامام العباس عليه السلام ....
.... وهيج انه ابجي اعيط وهو مخليني بحضنو ، وحيل كاضبني ، احس شي بداخلي يرفض هل مكان ، كمت انتفض ، ماريد اضل هينا طلعووني ....
ماجد : كافي يبعد روحي انتي مؤمنه ، وتصلين ، على الاقل الخاطر بتنا فطومه ردي ماردينتي ، ردي يبعد قلبي ، لج انه احبج وايدي تنكسر اذا بيوم امدها عليج ، يله صيري قوية ورديلي ....
ماردين : ضلينا تلث ايام ، ماجد وابوية يتناوبون عليه ، رابع يوم بليل نايمه ، واحس هوى بارد دخل خشمي ، وعطر يجنننن، فتحت عيني اني عبالك بجنه ، دحكت بس العلك مربوط بأيدي ....
.... دحكت منا ومنا ، صوت اطفال يلعبون ، اخذت نفس كأنو واحد اجه اتجاهي و بحضنو طفل ، بس هذا الشخص هلكد ضخم ونور على نور ، كعد كبالي وحط الطفل بحضني ، مدري شلون صار كدامي كلاص كلو ايات وبي مي ...
.... وكالي ( اشربي ببسم الله الرحمن الرحيم ، ولا حولة ولا قوه الا بالله العلي العظيم ، اللهم صل على محمد وال محمد) ....
.... شربت المي ، حسيت ارتويت ، وجسمي كله كزبر وعبالك جان داخلي كلو ناااار وكلها طفت ....
.... فتحت عيني ، اني بالحضرة ، يم راسي ماجد مخلي ايدو على راسي والايد الثانية يقرا زيارة الامام العباس عليه السلام ، اخذت نفس مرتاحه راحه مو طبيعية ، سحبت ايدو وخليتها على وجهي وبستها ....
ماجد : اللهم صل على محمد وال محمد ، كنو صحيتي ورديتي العقلج ...
ماردين : دحكت حلم ، واحس ارتاحيت ...
ماجد : شنو هو الحلم ...
ماردين : دحكت ابوية عيونو دمعن ، وبديت اسولف الحلم....
معاذ : اللهم صل على محمد وال محمد ، الحمدلله والشكر لله ، و بركة الله والامام العباس عليه السلام بنتي تشافت ، مشكور يابو الفضل ماقصرت ....
ماردين : هسه جوعانه ...
ماجد : جنج على اكل ، كومو خل اعزمكم .....
معاذ : ابد والله اني اعزمكم ....
ماردين : ضلو ابوية وماجد يتداهرون على العزيمه ، وصلنا مطعم كولش حلو كعدنا اكلنا ، واني فد مرتاحه ....
..... رجعت لحياتي ، والحمدلله خلصت من هذا الجان لاكحني وين مااروح ، بدو ؤجهزون العرس ناز لان اجلو علمودي ، رحت البيت جدتي ، وهناك ولاول مرة ادخل كني ملكه بنصهم .....
..... كلها ترحب بيا ، اخ يابا وين جنت وين صرت ،
قبل يوم سوينا حنه بيناتنا ، اجن عبير وبراء وحظرن الحنه وامهاتنهن .....
.... هنا اني انطلقت ركص وهوسه ، تعبت لليل احنه مشغلين الدي جي ، ثاني يوم من الصبح اخذو ناز للصالون ، وللعصر رجعت ، تلكيناهه بالهلاهل والجكليت ....
..... جانت لابسه فستان لون وردي ، اجو اهل ضافر كلهم ، وعيالي حظرو ، واجه السيد عقد الهم ، لبسها الذهب ، صعدناهه فوك ولبسناهه بدلة عرسها ، ونزلت تجننن طالعه ....
.... طلعنا بالزفه بسيارة ماجد هو اخذنا ، والزفه من ديالى البغداد تجنن ، وصلنا للفندق زفيناهم كلها طشت لبيوتها ، ثاني يوم العصر جانت طيارتهم ، اخذني ماجد ودعت ابوية ، وعمتي امير وجدتي خاتون و ناز وزوجها ، وكلهم راحو سافرو ....
زهراء : دخلنا شهر ١٢ ، ٢٠١٧ نهايتها كولش ، كامت تظهر عليه اعراض حمل ، اخذتني منسا للدكتور ورحت حللت وفعلا طلعت حامل شهر ونص ، هنا جانت الفرحه ماسايعتني ابد ....
.... تصلت على حيدر واني اكوله ، حبيبي اكو خبر اذا سمعته راح تملك الدنيا كلها بين ايدك ...
حيدر : يالله ، اني ملكت الدنيا كلها من يوم الزفوح اليه ...
زهراء : لا هذا الخبر غير حبيبي ، يله منتظرتك ، سديت الخط وكمت لبست فستان ابيض بي ورد اصفر صغير ، وانتظرته يجي ، للعصر اجه من الدوام دخل تعبان ، رحت عليه وحضنته ، الله يساعدك حبيبي ....
حيدر : فديت عيونج الجنهن ياقوت ازرق ، ويساعدج يروح حيدر وقلب حيدر ، شريد من الله بعد كل هل جمال بين ايدي ، اااخ الله شكد احبج ....
زهراء : واني هم اعشقك اعشقك ياروح زهراء وقلبها ، جرني من ايدي كعد على الجرباية وكعدني بحضنه .....
حيدر : شنو الخبر الكلتي اذا اكوله الك تملك الدنيا كلها بين ايدك ...
زهراء : سحبت ايده وخليتها على بطني ، ودمعت عيوني ، باوع عليه بصدمه ...
حيدر : كولي والله ، انتي حامل
...؟
زهراء : ابتسامه وعيوني نزلت دموعها گبل ، هزيت راسي بـ أي ، شو هذا كام يكمز وفرح حيل ههههههه مخبل فضحتنه عيب من آصف الله عليك ....
حيدر : شنووو عيببب وخر منييي ولج اني راح اصير اب ، يعني انتي صدوك حامل ...
زهراء : اي والله شبيك ، وحتى هذاك التحليل ، حضني حيل وكام يبوس بيه وراح يصيح برا ،ههههههه ....
حيدر : ااااااااااا ، نزلت اركض واصيح ، آصف ، منساااا ولكممم راح اصيررر ااااااب ، ااااااا ....
منسا : اسمع المخبل اسمع شلون نزل يركض ...
آصف : ههههههه ، راح يوكع من الطابق الثالث ....
حيدر : زهراء ، زهراء حااااامل ، ولكم رااااح اصير اااااااب ، حضنتهم وابوس بيهم واشيل بالجهال ....
آصف : الف مبروك حبيبي يترب بعزكم ودلالكم ...
حيدر : مادري ليش كبل بجيت ....
منسا : ولك ليش هل بجي ، حضن اصف ويهدي بي ، ههههههه مخبل والله .....
ماردين : عرفنه زهراء حامل ، وعندنا ماجد ، عيونو دمعن وضم راسو ويمسح بعيونو ، وفرحتو ماتنوصف ابد ، خلصت ٢٠١٧ بحلوها وبمرها وبأحداثها ودخلنا ٢٠١٨ ، ياترى شنو الراح يصير بيها .....
..... العيد الصغير ، كلنا مجتمعين ، وكاعدين على سفرة وحده كملنا غده ولمينا ، والجاي صبينا وهوسه البيت والجهال يتراكضون
، اني هين حامل بولد وعليه خمسة اشهر ، وزهرة دخلت شهرها السابع ، ماجد الارض ماسايعتو بينا اني وفطومه .....
.... الحرب شبه انتهت وبقت اكثر شي على الحدود ، والناس نصها ردت لديرتها ، صارت الدنيا عصر وكل شوية جاينه خطار ونركض ، جاي وكليجه ...
.... اندك الباب ، كام هاشم وهو يصيح ....
هاشم : منو ....
ماجد : كومن منا وحظرن الجاي بسرعه ....
هاشم : تفضلي خاله ....
: هذا بيت السيد هاشم ، ابو ماجد ....
هاشم : اي خاله ، واني حفيدة ابن مصطفى ، شو هاي كامت تبجي ، خاله اصيحلج احد ....
:الف الحمدلله لكيتكم ، اي خاله ، اندهلي ماجد ....
هاشم : ماشي ، عمي ، عمي ماجد ...
ماجد : ها بوية هاشم ...
ماردين : دحكت من الشباك ماجد طلع ، وحرمه دخلت للحوش بس جبيرة بالعمر ، فتحت الباب بس صوتهم بعيد مو كلش مبين ، طلعو الولد ورى ماجد ....
ماجد : تفضلي حجية كولي ، كالو رايدتني ...؟
: انت ماجد ، ابو الحسن ....؟
ماجد : لا حجية ماجد ابو فاطمة ....
: لالا ، شلون انت مو حرمتك اسمها فاطمة ....؟
ماجد : صفنت بوجهه ، منين تعرفني هاي ، خاف جايه تكتلني ، او احد دازها ، اي حجية بس الله يرحمها استشهدت ، شو گبل بجت ولطمت على خدها .....
مصطفى : كولي حجية شنو رايده واحنه بالخدمه ، وكلها تعرفنه بيت سيد ال شهم ، نوكف ويا الكل ....
: انه عدي امانه الماجد ، وهل امانه محتفظه بيها من ذيج السنين ، وامانتك ييمه بالسيارة ، وصارلي سنين ادور عليك ....
ماجد : كنو قلبي اهتز ، دحكت السيارة ورديت دحكتها ، بعيون مدمعات ،
ليش ادورين عليه ، منين تعرفيني ، حجية بس لاتبجين واحجيلي شني هي الامانه .....
: انه ام عمر ...
ماجد : صفنت بوجهه وللحظه دمعتي نزلت بصدمه
، ام عمر ماغيرج ....)))))))
مگالب والليالي تريد وَسعــة بال
وهموم العــلي ما مـــرن بواحد
عريان السيد خلف
.
.
.
.
رأيكم بالبارت
توقعاتكم للبارت الاخير
الكاتبة : فاطمة علي