ဒါပေမယ့်စုန့်ထင်ယွီကသူမကိုမချစ်ဘဲအပြစ်တင်စိတ်ကြောင့်သာသူမဘေးမှာနေခဲ့လို့ရှိရင်အဲ့လိုယောကျာ်းမျိုးကမှပိုပြီးရက်စက်တာ။
ဒါပေမယ့်စုန့်ထင်ယွီအဲ့လိုမလုပ်ခဲ့ဘူး။သူမကိုသူမချစ်ဘဲသူဇနီးအပေါ်ကိုသစ္စာစောင့်သိချင်တဲ့အတွက်သူမနဲ့လမ်းခွဲခဲ့တယ်။
ဒါပေမယ့်သူနဲ့ငါးနှစ်တောင်အတူတူရှိခဲ့တာကိုဒီလိုရလဒ်မျိုးရလာတဲ့အတွက်ပိုင်ချီရွေ့လက်မခံနိုင်ဘူးဖြစ်နေတယ်။သူ့အနားမှာသူမတဝဲလည်လည်လုပ်နေပြီးအရင်ကအချိန်တွေကိုပြန်သွားချင်နေတယ်။
ဒါပေမယ့်လူတစ်ယောက်ကမင်ကိုမချစ်တော့ဘူးဆိုလို့ရှိရင်မချစ်တော့ဘူးဘဲ။သူမစုန့်ထင်ယွီကိုသူမအနားကိုပြန်ခေါ်ထားလို့မရနိုင်တော့ဘူး။
သူတို့နှစ်ယောက်ကြားမှာဘာတွေဖြစ်နေတာလဲဆိုတာကိုဒီလက်ထောက်ကောင်မလေးကသေသေချာချာမသိဘူး။ဒါပေမယ့်သူမှပိုင်ချီရွေ့ကိုမချစ်တာကိုပိုင်ချီရွေ့သူ့ကိုလက်လွှတ်သင့်ပြီလို့ထင်တယ်။သူမဘာဘဲလုပ်လုပ်ပြောင်းလဲလို့မှမရတာ။ဘာလို့ဇွဲရှိရှိနဲ့ကြိုးစားနေဦးမှာလဲ?
စုန့်ထင်ယွီစုရန်ကိုကြည့်တဲ့အကြည့်ကအချစ်တွေပိုင်ဆိုင်လိုစိတ်တွေနဲ့ပြည့်နှက်နေတယ်။မိန်းကလေးတိုင်းကစုရန်အားကျလောက်တယ်။
'သူစုရန်အပေါ်ကိုသစ္စာရှိချင်တယ်ဆိုရင်ငါကရော?ငါကိုကျတော့ရော?' ပိုင်ချီရွေ့သူမကိုယ်သူမလက်ညှိုးထိုးပြီးအေးစက်စွာမေးလိုက်တယ်။
'ဒါပေမယ့် ပိုင်မိန်းကလေး...' လက်ထောက်ကောင်မလေးတံတွေးမျိုချလိုက်ပြီး: 'အမနဲ့စုန့်ထင်ယွီကလမ်းခွဲပြီးပြီလေ...ပြီးတော့လဲ အမလက်လျှော့လိုက်သင့်ပြီလို့ထင်တယ်...'
'ဒါဆိုရင်နင်လဲငါခံရသင့်တယ်လို့ထင်နေတယ်ပေါ့?ငါသူ့ကိုလက်မလွှတ်နိုင်လို့အခုလိုတွေဖြစ်ရတာမို့ငါခံသင့်တယ်ပေါ့လေ?' အခုအချိန်မှာပိုင်ချီရွေ့ရဲ့မျက်လုံးတွေကကြောက်စရာကောင်းနေတယ်။
လက်ထောက်ကောင်မလေးကသူ့ရဲ့အခုလိုပုံစံကိုမမြင်ဖူးတော့ပိုင်ချီရွေ့ရဲ့အကြည့်တွေကိုကြောက်သွားပြီးပြန်ပြင်ပြောလိုက်တယ်: 'ပိုင်မိန်းကလေး ညီမကအဲ့လိုသဘောနဲ့ပြောတာမဟုတ်ပါဘူး။ညီမကဒီအတိုင်းဘဲ....အမအတိတ်ကိုအတိတ်မှာဘဲထားခဲ့ပြီးပိုကောင်းတဲ့ဘဝမှာနေသင့်တယ်လို့ထင်လို့ပါ...'
'ပိုင်ချီရွေ့ဆိုတဲ့ငါ့ကိုဘယ်သူမှလွယ်လွယ်နဲ့စော်ကားလို့မရစေရဘူး'
ပိုင်ချီရွေ့ပြောပြီးသူ့အခန်းကိုပြန်သွားတယ်။လက်ထောက်ကောင်မလေးလဲကြောင်ပြီးအဲ့ဒီမှာဘဲရပ်ကြည့်နေလိုက်တယ်။သူမပိုင်ချီရွေ့ကိုကြောက်လွန်းလို့တုန်တောင်တုန်နေတယ်။
အမှန်တော့တစ်ခါတစ်လေမှာမနာလိုစိတ်များပြီးအမုန်းတွေနဲ့ပြည့်နေတဲ့မိန်းမကတော်တော့်ကိုကြောက်ဖို့ကောင်းတာဘဲ။
ပိုင်ချီရွေ့လူနာအခန်းကိုပြန်လာတော့ချန်မိန်းကလေးကသူမကိုစောင့်နေတယ်။သူမတစ်ယောက်တည်းပြန်လာတာကိုတွေ့တော့: 'နက်ဘယ်သွားနေတာလဲ?စုရန်လဲဒီဆေးရုံမှာတက်နေတယ်လို့ကြားတယ်။နင်သူ့ကိုသွားရှာတာလား?'
ပိုင်ချီရွေ့စိတ်လွတ်ပြီးစုရန်ကိုပြဿနာသွားရှာမှာကိုချန်မိန်းကလေးကြောက်နေတယ်။
'ကျွန်မကအရူးနဲ့တူနေလို့လား?'
ပိုင်ချီရွေ့ခုံမှာထိုင်လိုက်တယ်။
သူမဘယ်လောက်ဘဲဒေါသထွက်နေပါစေ စုရန်ကိုပြဿနာရှာမှာမဟုတ်ဘူး။သူမအတွက်လဲမကောင်းဘူးလေ။
'အမမှာစီးကရက်ရှိလား?' ချန်မိန်းကလေးဆီကိုပိုက်ချီရွေ့လက်လှမ်းလိုက်တယ်။
'အခုနင့်ရဲ့အခြေအနေကဆေးလိပ်မသောက်တာပိုကောင်းမယ်' ပိုင်ချီရွေ့အလေ့အကျင့်မဟုတ်ပေမယ့်တစ်ခါတစ်လေဆေးလိပ်သောက်တတ်တာကိုချန်မိန်းကလေးသိတယ်။သူမစိတ်လှုပ်ရှားနေတဲ့အချိန် စိတ်အခြေအနေမကောင်းတဲ့အချိန်မျိုးမှာဆိုသောက်တတ်တယ်။
ချန်မိန်းကလေးကဆေးလိပ်သောက်လာတာကြာပြီဆိုတော့သူ့ဆီမှာအမြဲဆေးလိပ်ရှိနေတယ်။
'ကျွန်မကိုတစ်လိပ်လောက်ပေး' ပိုင်ချီရွေ့ပြောလိုက်တယ်။
ချန်မိန်းကလေးလဲမတတ်နိုင်ဘဲပေးလိုက်ရတယ်: 'အများကြီးမသောက်နဲ့နော်'
ပိုင်ချီရွေ့ဆေးလိပ်မီးညှိပြီးသောက်လိုက်တယ်။
သူမအနုပညာလောကထဲကိုစဝင်ကတည်းကချန်မိန်းကလေးကသူမရဲ့မန်နေဂျာဖြစ်ခဲ့တာဆိုတော့သူတို့တွေဆက်ဆံရေးကောင်းကြတယ်။
သူမပိုင်ချီရွေ့ဘက်ကိုအရမ်းတွေးပေး
တယ်: 'အခုစုရန်ဒီလိုဖြစ်သွားတော့စုန့်ထင်ယွီစုရန်ကိုရွးလိုက်မှာသေချာတယ်။သူဒီလိုမျိုးနောက်တစ်ခါထပ်ဖြစ်မှာကိုကြောက်နေမှာဘဲ။နင်တို့လမ်းခွဲလိုက်တာကိုသူကြေငြာတော့မယ်လို့ငါထင်တယ်...'
'အဲ့ဒီတော့?' ပိုင်ချီရွေ့မေးလိုက်တယ်။
'နင့်ကိုသူထောက်ပံ့မပေးတော့ဘူးလို့ငါထင်တယ်။အဲ့ဒီတော့ငါတို့လက်ဦးမှုယူမှဖြစ်မယ်။သူသာလမ်းခွဲလိုက်တာကိုအရင်ပြောလိုက်ရင်နင့်အတွက်မကောင်းနိုင်ဘူး။နင်ဘက်ကသာသူ့နဲ့လမ်းခွဲလိုက်ပြီလို့အရင်ကြေငြာလိုက်ရင်လူတွေဘာမှသိပ်ပြောတော့မှာမဟုတ်ဘူး။မဟုတ်ရင်ပြဿနာတွေကပိုဆိုးလာပြီးထိန်းလို့ရမှာမဟုတ်တော့ဘူး...'
ပိုင်ချီရွေ့သေချာစဉ်းစားပြီးမှပြန်ပြောလိုက်တယ်: 'ကျွန်မကြိုးစားပြီးသူ့ဘေးမှနေရအောင်လုပ်ထားတာကိုအခုလမ်းခွဲလိုက်ပြီလို့ပြောစေချင်နေတာလား?'
'ဒါကအခြေအနေတွေတည်ငြိမ်ရအောင်ပရိယာယ်သုံးလိုက်တဲ့သဘောပါ။နောက်မှထပ်ဆွေးနွေးကြတာပေါ့...' ချန်မိန်းကလေးသူမပုခုံးက်ိုပုတ်လိုက်ပြီး: 'ငါ့စကားကိုနားထောင်လိုက်ပါ။နင်မလုပ်ချင်ဘူးဆိုတာကိုငါသိတယ်။ဒီကမ္ဘာပေါ်မှာနင့်အနားမှာခစားချင်တဲ့ယောက်ျားတွေအများကြီးရှိပါတယ်။ဘာလို့သူ့ကိုဘဲဖက်တွယ်နေရတာလဲ?သူနင့်ဘေးနားကိုပြန်မလာတော့ဘူးဆိုတာကိုရှင်းရှင်းလင်းလင်းပြပြီးပြီလေ။အဲ့ဒီတော့နင်ဘာလုပ်မှာလဲ?နင်အနုပညာလောကထဲမှာဆက်ပြီးရပ်တည်ချင်သေးတယ်ဆိုရင်အခြားတစ်ယောက်ကိုရှာလို့ရပါတယ်။စုန့်ထင်ယွီဖြစ်နေစရာမလိုပါဘူး....'
ပိုင်ချီရွေ့တိတ်သွားတယ်။သူမစုန့်ထင်ယွီကိုကပ်ရတဲ့အဓိကရည်ရွယ်ချက်ကိုမေ့သွားတယ်။အစကတော့သူမအသက်မွေးဝမ်းကြောင်းအတွက်ပေမယ့်ကြာတော့သူ့အပေါ်ကိုခံစားချက်ရှိသွားတယ်နဲ့တူတယ်။
သူမစုန့်ထင်ယွီကိုချစ်နေတယ်ဆိုတာသံသယဖြစ်စရာမရှိဘူး။သူ့ကိုလက်မလွှတ်ချင်ရတာကသူ့ကိုဆုံးရှုံးရမှာကြောက်လို့ဆိုတာကိုအခုမှသိသွားတယ်။
သူမနဲ့ငါးနှစ်တောင်အတူတူရှိခဲ့တဲ့ယောက်ကျာ်းကအခြားမိန်းမတစ်ယောက်နဲ့နေသွားမှာကိုသူမလက်မခံချင်ဘူး။
သူမစုန့်မိသားစုထဲကိုဝင်ဖို့အကြာကြီးအနစ်နာခံထားရတာကိုလက်မလွှတ်ချင်ဘူး။
'ငါWei Boမှာနင်နဲ့စုန့်ထင်ယွီတို့လမ်းခွဲလိုက်ပြီဆိုတာကိုတင်လိုက်တော့မယ်' ချန်မိန်းကလေးသူမပုခုံးကိုပုတ်လိုက်ပြီး: 'ချီရွေ့ နင့်ကိုအောင်မြင်အောင်ကူညီပေးနိုင်တာစုန့်ထင်ယွီတစ်ယောက်တည်းမဟုတ်ပါဘူး'
ချန်မိန်းကလေးပြောတာမှန်တယ်။သူမကိုအောင်မြင်အောင်လုပ်ပေးနိုင်တာကစုန့်ထင်ယွီတစ်ယောက်တည်းမဟုတ်ဘူး။ဒါပေမယ့်သူကလွဲပြီးသူမဘယ်သူ့ကိုမှမလိုချင်ဘူး။
စုန့်ကုမ္ပဏီရဲ့အပေါ်ဆုံးအထပ်မှာ
ထန်ဇီချူအလုပ်အကြောင်းကိုတင်ပြပြီးတော့ တစ်ခုခုကိုပြောချင်နေသေးပေမယ့်တွန့်ဆုတ်နေတယ်။
စုန့်ထင်ယွီသူ့ကိုမော့ကြည့်ပြီးမေးလိုက်တယ်: 'မင်းပြာစရာရှိရင်ပြောလေ'
'ဒိလိုပါဥက္ကဌစုန့်' ထန်ဇီချူဖြေးဖြေးချင်းပြောလိုက်တယ်: 'ဒီနေ့လည်ကဘဲပိုင်မိန်းကလေးတို့အဖွဲ့ကသတင်းတစ်ခုကိုတင်လိုက်တယ်'
'ဘာသတင်းလဲ?'
'ဥက္ကဌစုန့်တို့လမ်းခွဲလိုက်ပြီဆိုတဲ့အကြောင်းပါ...' ထန်ဇီချူဆက်ပြောလိုက်တယ်: 'ပိုင်မိန်းကလေးကဥက္ကဌစုန့်ကိုစွန့်ပစ်လိုက်တယ်လို့ပြောနေကြတယ်....'
စုန့်ထင်ယွီသူ့ကိုကြည့်လိုက်ပြီး: 'အဲ့ဒီအတိုင်းဘဲထားထားလိုက်။သူလဲလမ်းကြောင်းတစ်ခုကိုလိုချင်လို့နေမှာ။သူ့အတွက်အကျိုးရှိမယ်ဆိုလို့ရှိရင် သူလုပ်ချင်တာကိုပေးလုပ်ထားလိုက်...'