#دُجى_في_جوف_البغي
#بقـلم_الراويه
#الخاتمة
بسـم الله ♥
صلوا على النـبي 🧡
.
جودي
لي في محبتك شهودٌ اربع
و شهودُ كل قضية اثنان
خفقان قلبـي، و اضطراب جوانحـي
و نحول جسمي، و انعـقاد لسانـي
باوعتله من الشباك لمن نزل من السيـارة و هو شايل الشمسية يختبى بيها مـن هطول المطـر
شقت ابتسامتـي ثغري
و اني اركض للبـاب افتحه حتى استقبله
اول ما فتحت الباب دلف و استقبلته و انـي ارمي نفسي بين احضانه
تعالت ضحكاته و هو يرمي المـظلة و يحشر انفـة برقبتي
بقينا على هذا الحال لدقائق معدودة قبل لا يبتعد و هو يطبع على شفتـي قبلة عميقة
وخر عني و هو ما زال يحتضن وجـهي بين ايدية و بأبتسامة گال
- مشـتاگلچ هواي، سنين عبالك مـفاركچ مو ايام
رجعت حضنت و اني اغـرس راسي بين صدره و جاكيته الي عليه قطرات مطر
طبگ الباب برجلة و دلفنا لـداخل شقتنا بالعاصمة الامريكـية
سحبت نفس عميق و هو بعد خصلات شعري الي تناثرت على گـصتي
و بخفوت همس
- خلصت الاختبارات، يعني ها هي بعد ماكو سفر اسبوع و اغيب عنچ
هزيت راسي فـرحانة و هو دنگ راسه على بطنـي
تلمسها بكف ايده و هو يگول
- حبيب ابوه شلونه خوما شالع گلبچ
- لا اهم شي خلصت من الوحام
حچيتها و هو دنگ طبع بوسه على بطـني الي شايلة داخلها جنين من ستـة اشهر
رفع راسه و گلتله و اني امسح على خده
- غير ملابسك بين ما اخليلك غدا جوعان؟
- ميت جوع ما اكلت بالقطـار حتى اتغدا بالدولمة
- عزاا يا دولمة
حچيتها و هو رفع حاجبه و گال
- الدولمة الي وعدتيني بيها، بي لا ما مسويتها
طگيتها ضحكة و اني اقرصه من خده خفيف و گلت
- لا سويتها بس ملگيت سلچ هنا سويتها بورق عنـب
- المهم شي مگمط
حچاها و اني گمت اضحك فرحانه برجعته
دخل للحمام اخذ دوش سريع بين ما خليت الغدا
و گعدنا نتغدا و هو يحچيـلي عن اجواء الاختبار
اباوعله و اني ابتسـم مرتاحة بحياتنـا
صح بغربة و بعيد عن احبابنا..بس ما طول اني وياه وي بعض هذا كافي
اول ما اجيت هنا چنت اضوج
مجتمع بتصرفات ما تعودت عليها و لغة ما متمكنه منها
بس مع الايام و مع ما دخلـت معهد لتعليم اللغة و تعرفت على بنات مسلمات من الهند و من الدول العربية
نشأت بينا صداقة و الحمد لله گدرت اتجاوز ايـام الملل وياهـن
و الأن بعد سنتين من استقرارنا هنا
انـي حامل بطـفلنا الأول و الي مقرر تسميته زكـريا
من اباوعله لـ رسلان اتذكر كلشي
من خطوبتي من رامي لحد ما صرنا اني و رسلان تحت سقف واحـد
منو چان يتخيل رسلان الي چنت كل ما اشوفه افر هاربة منه
هسا صـرت افر لأحضـانه بشوق و لهفـه
- كافي صافنه بوجـهي اكلي
حچاها و طلعني من شرودي
ضحكت و اني ارجع اخذ خـاشوگتي، و ابتسامتي على ثغـري داعيه مـن ربي مثل ما دام الي الصحة و العافية و الحياة الزينه يديـم الي رسلان
.
صفد
چـنت گاعده بكورنيش الاعظيمة
و بحضنـي سـدن بنتـي الي قبل يومين كملت عامها الأول
التفتت ناحية مجـيد الي خلاه گدامـي صحن الذرة المشوية و هو يگول
- اكليها هي حارة قبل لا تبرد
ابتسمت و هو اخذها لـ سدن من عندي و خلاها بالعربانة مالتها
و اجا گعد بصفـي، اباوع للنهـر و لضفته
و رانا اصوات العوائل و ضحكات الصغـاى، حسيت بنظرات مجيد عليه
التفتت عليهو رفعت حاجـبي متسائله عن سبب نظراته
هو ميل راسه عليه و همـس
- و لا شي بس احـبچ
دنگت راسي مبتسمه باحراج
و هو لزم ايدي الثانية و طبع بباطن كفها بـوسة و بقـى لازمها و هو يهمس
- عيـناكِ يا سيدتـي تشبه الاغانـي
تشبـه البيوت و افرع الـشجر، كـلما مضى عليها الزمـن
أصبحت اجمـل، عيـناكِ شهيـه مثـل حلويات العيـد
تغرس فـي القلب اجراس كنـائس المـسيح، فـ هل لي بـ نظرة تخـرس بهـا قلبي الشقـي؟
تركت صحن الذرة و اني احرك بأيدي على گلبي و ارجع اخليها على گـلبه و بأيدي اثنينهن سويت نفس العقـدة
ضحكت هو و رجع اخذ ايدي بين ايدية و گـال
- گـلبي و گـلبچ مثل العقـده، كـل ما تحاول تفكهن يرتبطـن اكثر
هزيت راسي بأي، و هو حاوط كتفي بيده و سند راسي على كتفة
و احنا نباوع للنهر..الي عاكسه على سطحة الاضوية
غمضت عيوني من حسيت بنـسمة الهوا الباردة الي لفحت وجهـي
فتحت عيوني و باوعت لـ مجيد الي يباوع للنهر و ابتسامة على ثغـره
رب العالمين عوضني..عوضني عن صوتي الراح بأنسان من نظراتـي يفهمني
من اشتاق لأمـي، الگه بحـضنه ريحتها و حبها
و حنية ابوي الافتقده
مجـيد مو سهل المعشر، و الـي ميحب يكون علاقات بسرعة
بارد طبعة..قليل يحچي و اغلب الوقت يفضله بغرفته
بس مع هذا كلشي بي احبه، صوته من يناديني
من ينزل خاطـرة جديدة المقصوده الوحيدة بيها هي اني
حتلو مليان سلبيات..المهم اني اعرف ايجابياته و اعرف انو هو من الناس الوفيه، الي من تحـب تحب بكل جوارحـها
و عدها استعداد تتغير لأجل المقابـل، و يمكن مجيد بيون طبعة البارد وي الكـل يمكن يتغير
منـو يعرف شنو ضام النا الزمن؟
.
دجى
بشقتنا الصغيرة
باللـيل الحالك، بعد ما غفت اعين النـاس
من اختفت اصوات السيارات، و غطى السكون كل الطرقات
چنت اباوع للتلفزيون و غياث طلع من الغرفة بعد ما خـلص مكالمة مع دكتور
باوعلي و رجع باوع للساعة و گـال
- امـشي نطلع
عگدت حاجبي و گلت
- ويـن
- نمشـي بالشارع مثل ايام خطوبتنا تتـذكرين؟
-و نسمع فايا؟
- لا هالمرة غيرها
نهضت و گال انتظـرچ بين ما اخلي ميناس بالعربانة لأن ما نايمة و مستحيل نتركها وحدها
لبست عباية فوگ ملابسي و حجابي
و طلعنا
الحي فارغ تقريـباً ماكو اصوات عبالك بس احنا موجوديـن
و احنا نمشي كتف لكتف و ادفع ميناس بالعربانه
اباوع على الطريق الي مشيـت بي
بوقتها چـنه كتف بكتف مثل هسا، و چان ضحكتنا نابعة من گلبـنا
و عيونه تحچـي مدة حبنا لبعض
و الي امتمدت جذورة لسنين لحد هذا اليـوم
انطاني سماعة ايربود ضحكت و اني اگول
- كلشي تغـير حتى السماعة
- بس حبنا متغير
ابتسمت و اني ارد
- و لا راح يتغير
شغـل التلفون بعد ما خليـت السماعة بأذني
و اشتغلت الاغنية
چـانت موسيقتها حلوة..غمضت عيونـي لمن بدا المغنـي يغني بـ كلمات اول مرة اسمعها
والله و نسينا و مر الزمان
رجعنا التقينا بنفس المكان
عيونك الزينة قالت كلام
خطت بقلبي جرح الملام
تاري هواك ساكن بقلبي
و اتحملك و افديك بعمري
سهرت أنا ليلي و قلبي معاك
و طيفك قبالي و انا اعاتبه
رحت انا اغني و انشد هواك
ساكن ضلوعي و مالي سواك
انت الهوى و انت محبوبي
و انت الملاك تنور دروبي
خلصت الاغنية و اني باوعتله
سحبت نفس و تركت العربانة و التفتت عليه، ابتسم هو و اني ابتسمـت قبل لا اهمس بصوت مخنوگ
- تقصدني مو؟
- كل اغنية اسمعها الچ تقصدچ
- عادي احضنك هـسا؟
گام يضحك و فتح ايدية، ما ترددت للحظه و احتصنته
ما اهتميت للمكان و لا للزمان او احد يشوفنا
ردت احضنه لأن ماكو كلمة چـانت تعبر عن مشاعري بهاي اللحـظة
ابتعدت عنه و هو مسح دمعتي بأبهـامه
و رجعنا نمشي و اني اتنفس على اقل من كيفي حتى ما توگع دمعتي
حسيت بأيده تلتف حول كتفي و هو يتولى قيادة عربانة ميناس
قبل لا يطبع بوسه على مقدمة راسي و هو يهمـس
- ابقى احبك للابد ضلعي الاعوج
الي بجيـته حياتي استقامت
رفعت عيني عليه و بذات النبرة همست
-و راح تبقى حـشاشة گلبي و زهو ايامـي
و كملنا مشي بهذا
بالطريق شبهته بالطريق الي مشيته طول حياتـي
مـن طفولتي لمـراهقتي، من ايام نمت بيها باچيه
و اخرى مبتـسمة، من لحظات انهاريت بيها و بچـيت و ضعفت
و ساعات بقيت بيها الانسانه القوية، دجـى صاحبة الاسم الحلو الغريب مثل ما گالته جـودي
و بغرابة اسمـي مرت غرابة حـياتي
من اگعد وحدي و اباوع لنفسي بالمراية
اشوف بيها صور الي حبيتهم و چانوا شي مميز بحياتـي
من مهند و زيـنات الاطفال الي اول من ساعدنـي
و بسببي مرة مهند انـضرب و زينات تعاقبت
من ابو وائل و ابنه و جمـارة الي تركوا اثر سيء بداخلي
لكل وجه قابلته..لكل كلمة انگالت الي
لكل موقف صار گدامي ما ناسيته و بـقى للابد محفور بداخلـي
چـنت كتاب مفتوح و گدامكم
ما جملت سلبياتي و لا بينت الكم بـرائتي
مثل ما اني اجيتكم و هسا رايحـه عنكم، قصتي اتمنى لگيتوا بيها العبـرة
بأي زاوية من الـرواية او جملة يمكن لگيتوا نفسكم بيها
حياتي هسا الحمد لله تمام
عادية و هذا الي دوم احلم بيها، زوج يرجع من الشغل و طفلة بين احضانـي تغفى
كل الي انذكروا بالقصـة يعرفون بيها
و الجميع بدون استثناء يحملون الكم سلامهم
و بالاخص دالـيا الي تبشركم بحملها قبل شهرين من اليوم
و الحمد لله رب العالميـن ما خيب ظنـها بيوم
شكراً الكم
اختكم..دجى او نـور
و اذا حبيتوا فيض ❤
.
و خلصـت دجى في جوف البغي
القصة الي عشت بيها اسوء و اجمل ايـامي
وگعت دمعتي و انرسمت ضحكتي بهاي القـصة
اخذت النصحية و العبرة منها
استفدت منها رغم اني الي كتبتها بس لأن قصة دجى مميزة بالنسبة الي كلش راح اعتبرها من اقوى القصص و اقربهن لگلبي
اتمنى ما اكون ظلمتها للقصة
بعض الاحداث ما انذكرت طلب من دجـى بس احداث صغيرة مو چـبيرة
و للتنوية مادري راح تستفادون منه او لا 😂 بس اخر مشهد لدجى و غياث چان قبل يوم 😁
اتمنى اسمع ارائكم السلبية قبل الايجابيـة ❤️
و اكثر شخصية حبيتوها
و كلمة الها
و شنو الثنائي الي ترك اثر بگلبكم ❤
مواقف انذكرت بالروايه حبيتوها و ما نسيتوها
و بالاخير كلمة الي 🥳😂
اريد شي ايجابي يرفع هرمون السعادة بداخلي
و انتظروني بالقادم ❤️🔥❤️🔥❤️🔥
وبس والله
نلتقي على خير احبتي
و لهذاك الوقت استودعكم الله الذي لا تضيع ودائعه ❤❤