| دُجـى في جوف البـغي |

•الفـصل الثاني و العشرون•

#دُجى_في_جوف_البغي
#بقـلم_الراويه
#الفصل_الثاني_والعشرون

بسـم الله ♥

صلوا على النـبي 🧡

.

جودي

فتحـت باب الغرفة على كـيفي
ما ان وگـعت نظراتي عليه و هو متمدد على الچرباية و مخلي ايده على عيونه

طبگت الباب و هو رفع ايده و باوعلـي و ما ابدئ اي ردة فعل

- غـياث تعال تعـشى

- مالـي نفس تعشوا انتوا

حچاها و اني قطعت المسافة بين الباب و التخـت
و گعدت عليه، و سكـتت مثل سكـوته
و انـي اباوع لـلارضية
مرت 3 ايـام على هذاك الصباح المشؤوم، الـي چان بالنسبة النـا صدمة قـوية مو بسهوله نتخطـاها

ردة فعلنا چـانت طبيعية بسبب كمية المشاعر السلبية الي اقتحمـتنا
اشهر ويانا..بنفس البيت و جوه نفس السگـف
عمري ما باوعتلها بنظرة شـك
حچيتلها كلشي احس بي..اعتبرتهـا اخت و يمكن اكـثر

انو تكـون غير الانسانه الي عرفناهـا شي صعب التقبـل ببادئ الامـر
قصتها و تلفيقـها..و الي يثير صدمتنا كلشي چان مدروس من قبلها حتـى اتصال الرجال الي على اساس خـالها

اول يوم چان الجو كئيب و ثقـيل علينا كـلنا
محد بينا فكر وين راحت..او لأي وجهه توجهـت
عصبيتنا غطت فاه ضميرنا اتجـاهه

اتصل مجيد بالمـعازيم و هو ينطيهم خبر عن تأجيل العرس
مـا رادوا يگولون ماكو عرس حتى ما يصير قال و قـيل

غيـاث بوقتها مرتين يصعـد ضغطه الا ان انفه يطگ دم
المشكلة ما حچـه بعدها شي
كلها بـدت تعبر عن صدمتها الا هـو التزم الصمت
و كانه تحـول لقالـب ثلـج

- من الريوگ على لحم بطنك
گوم اكل لگمه

- گتلچ ما اريد

حچـاها بـ اصرار و اني ما تحملت و گلت بعصـبية

- تريد تهلك نفسك لو شنو؟؟
اذا امرك ما يهمك فـ يهمنا، اعرف مصدوم و من حقك تتلحف بحزنك بس مو هيچ يا اخوية
كلنا مثلك كلنا مصدومين و مخذوليـن بس تجاهلنا الموضوع

- تتجـاهلونه لأن مجـرد انسانه عاشروتها
انمـا اني خطيبتي..الي حبيتها و الي ضحكت عليه
بيـوم عرسنا المفروض يكون اسعد ايام حياتي تحول لمهزلـة

حچاها بغضب و هـو ينتفض من مكانه
عيونه اكتسحتهن طبقة دمع خـفيفة و هو يردف بنبرة اخـفت

- تستغفلـني و تكذب و هي تخلي عينها بعيني
ما حست بتأنيـب الضمير و هي تكذب و تضحك عليه، ما گالت هذا الانسان الي يحبني شنـو ذنبة
لو گـالت والله اتمسك بي لأن محد يگدر يتقبـلني كل ظنها انو بعد ما عرفت حقيقتـها اتقبلها