| دُجـى في جوف البـغي |

•الفـصل السادس•

#دُجى_في_جوف_البغي
#بقـلم_الراويه
#الفصل_السادس

بسـم الله ♥

صلوا على النـبي 🧡

اخجـل من ماضيي القـديم
مـن برودة الطـرقات..من نظرات المـارة و اصوات السـيارات

مـن فتاة ابتسمت لـي باشفـاق..مـن شاب غـازلني و كـانني صماء تجـاهلت الكـلمات
مـاضيي مـلون بالسـواد
لا نـقطة فـيه بيضـاء، و لا شعـاع نـور كـ اسمي فيـه اجتاح

.

دجى

انطـفت الكهرباء
و ارتفع صـوت زخات المطـر و كـانه مو نهاية الشـتاء
تـزفيره فرت من بين شفايـفي
و عيني تجـول بالغرفة الي الظلام مـبتلعها

چـان اكـو مصباح على الشـاحن للحالات الطـارئه
شغلته و اضـاء جزء من الغرفة و انعكس على الساعة المعـلقة بالحايط و هـي تشير للـ1 بعد منتصف الليل
ارتچـيت على تاج الچـرباية

و انـي اغمـض عيوني، سمعت خطوات هبوط من الدرج و عرفت صاحبهـا ما غير و هو مجيد حتى يشوف المشكـلة

كـتفت ايديه و اني اتنهد و شبيهه بالعاصفة الـي بالخـارج
عاصفة مـن الذكـرياتي بعـثرت سكـوني

"
ابـاوع لمـاما بهدوء، عكس دموعي و غـصاتي المكـبوته بداخلـي
لفت عبايتها حولها و هي تلـزم ايدي
و بـنبرة تساؤل حاولت مـا يظـهر خوفي بيها نطقت

- وين نروح

- للسوگ

- بس انتِ ماما ما تاخذيني وياچ للسوگ

دنـگت عليه و هي ترسم ابتسامة و گالت

- بس اليوم اريد اخذچ

بقيت اباوعلها بعيون حايره
3 ايـام مرت مـن غياب ميناس عن بيتنا، بچـيت و بقيت اترجى بأمـي انهـا ترجـعها لكن بدون جدوى

چـنت لابسة فستان للركبة واسع، بلـون ابيض و بي ورود سمائيه صغيرة و حـذاء مشبـك
تمشي و هي لازمه ايدي بقـوة و كانها تخاف لا افلـت منها
چـنت توي داخلة للـتسع سنوات، تعبت و هي تمشي بسرعة
السـاعة قريب الـ6 المغرب

توقفت و هي التفتت عليه و انـي اهمس بتعب

- ماما تعـبت اريد مي

- هسـا نوصل و اشتريلچ مي يـلا هسا المحلات تعزل

هزيت راسي بأي و جاريتها بالمـشي
هواي مشينا و عـبرنا السوگ، بس ما چـنت افكر بالموضوع بجدية يمكـن نروح على غير محـلات

الدنيا صارت ليل و الشمـس اختفت
وگفت و اني التقط انفاسـي بقوة، چـان على شارع عـام و السيارات تعبر بسرعة

- تريدين مي؟

- اي ماما عطشانه كلش

- انتظـريني هنـا اروح اجيبلچ و اجي