| دُجـى في جوف البـغي |

•الفـصل الرابع عشر•

#دُجى_في_جوف_البغي
#بقـلم_الراويه
#الفصل_الرابع_عشر

بسـم الله ♥

صلوا على النـبي 🧡

.
جودي

دائماً عيون المحبين تفـضح
حتـى لو كانت السنـتهم تنطق كـره

و هذا الي چـنت اشوفه بـنظرات غيـاث و دجـى
نظرات محـبه لكن مدفـونه تحت اطـنان من النكران

حولـت نظراتي لـ غياث الي سحب ايده بعد ما نطق كلماته و خـلى دجى بـصدمة وقتيـه
صح تفاجـئت لكـن ما استبعـدت و اني من زمان چنت احـس اكو كيمياء بيـن هذولة الاثنين

ابتعد غيـاث و رجع حيث مكانه عـند مجيد
و كل لحـظات يسترق نظـرة لـ دجى الي تحمحـمت و هي تعدل بحجابهـا المحيط بوجههـا

اخذت عنـها الزلاطه بدون ما احچـي و كملتها عنـها

اباوع للشمس غابت و اكتسح الظلام المكـان الا من الانارات الكـهربائيه الموجودة

تـعشينا و سـولفنا و ضحكنـا
لمة عائليـة بسيطة، تجمع افراد عائلة محد يتوقع انو بيوم راح ينجمـعون هيچ

بدا غـياث يجمع بعدة الشواء و بديت اساعـدة
بللت شفتي و گـلت

- فرحانه كـلش بهاي الـطلعه
ان شاء الله مو الاخـيرة

ردد بهدوء

- ان شاء الله

حچـاها و كسـرت حاجز التردد و گـلت

- غيـاث عادي اسألك سؤال

ضحك ضحكة قصـيرة و گال

- اعرف سؤالچ بس يلا اسألي

- يعنـي انت تحبها لـ دجى
او ما نگول حـب يعني اكو اعجاب اتجاهه

الـتفت عليه و گال بتساؤل

- انتِ شنو تشوفين

ابتسمت ابتسامـة صغيرة و اني اجاوب

- انو انتـوا شايلين مشاعـر لبعضكم

- لعـد ها هي هاي اجـابتي

ما حاولت اخفي ابتسامتـي و سعادتي و اني اگول بحماس

- محد معترف للاخر شوكت تخطي هاي الخطوة انت

- بعد هـواي
بالمشاعر و الاشياء العاطـفية ما يصير نستعجل مو؟

هزيت راسي بأي و زمـيت شفتي
سكت لحـظات قبل لا يگـول

- و هسا اني الي اسألچ

- و اني اسمعك

- دجـى عدها وشـم ورا اذنها لو اني متوهم

- شلون عرفت؟

- انتبهت الـه لمن وگعت و لفيت جرحها
بالأول حسـبالي وحمـه

- اي وشم مخليته بأيام المراهقـة
انت ليش ما سألتها عنه