#دُجى_في_جوف_البغي
#بقـلم_الراويه
#الفصل_السابع_والعشرونبسـم الله ♥
صلوا على النـبي 🧡
.
دجى
الطـريق الچان ممتـدد بين بيت داليا و بيت كرار خمس دقائق
لكـن چان بالنسبة الـي 11 سنة..11 سنة من الخوف
من الجـوع..من الخذلان..من ابـشع الايـام
كـل لحظة بچيت بيها انعـادت
كـل ثانية حسيت بيها بالخـوف رجعتـلي، كـل يوم چنت اغفي بي و الجـوع يلتهم معـدتي و البـرد يقرص اعـضامي حسيت بيـهاوگفت عند الباب فتحـه كرار
و اني باوعت لـ داليا..باوعتلها بنظرة ردتهـا تكون وياي
تـشد على أزري و تلزم ايدي
و هـي فهمتني..من نظرة عرفت الي اعانـي منهلزمت ايدي و هي تقبض عليها و تباوعلـي بحنية
قبل لا ندلف للبـيت
چان بسيط لكن مرتب بشكـل..اثاثه انـيق
من الحديقة تفيح رائحة ازهـار
رائحة ذكرتنـي بأنسان يعشقـهن، بسرعة بعدته عن بالي و انـي ادخل من مدخـل الكيـلدورغرفـة گعدة
بيها تخت خشـبي..و بصفـة طاولة صغيرة عليها سراحيـة مي و تلفون صغيـر..گدام التخت اكو شاشة تلفزيون معـروض عليها مسلـسل
فوگ التخت لوحة مكتوب بيها المعـوذات بخط حـلوو هناك تجـلس انسانة اجـت من ماضيـي
نفس لون الـشيلة الاسود
بـ دگ اخـضر على جبينها و بحنچـها..بعيون زرقة عاتمة
عيون صغيرة چنت كل مرة اباوعلهن احـسهن مليانات حنية..حنية ام و حب ابتوقفت بالباب و انظاري مصبوبه ناحيتها
ما انتبهت لوجودنـا
الكبر واضحه عليها كـلش، ظهرها محدوب من اثـر السنيـن
و ايديها ضعيفات كلش
چنـت استنشق الريحة الي مالية الغرفـة
ريحة مسـك..مخلوطة بـ القرنـفلتذكرت غياث لمن گـال تسافرين من مكانچ بسبب عطر
و فعلاً...حسيت نفسي رجعت للماضي
لهذاك البيتالي چنت اعتبره ملجئ الـي من بطش والـدتيدنگ كرار على والدته و قبلها من فوگ راسها و هو يگـول
- حجـيه خوما نعسانـه
- لا اكـلت بسكت من الجـبته طيب، بقـى عندك منه
- لا يمه بس هسا اروح اجيبلـچ
بس هسا عـدنا خطار يريدون يشوفچحچـاها و هو يلتفت علينا..و هي بدورها التفتت
وگعت دمعتي ما ان تلاقت عيني بعينـها
عقدت حواجبهـا و هي تگول بنبرة واهنه- يا هلا، بس مـا عرفتهن منو؟
اشر على داليا و گـال
- هاي داليا ام الصالون جيرانه تعرفيها
ضحكت و هـي تگول
- اي هاي الحلوة شفتها مرة
خجلت داليا و كرار ابتسم و هو يباوعلها
و انـي چنت اباوع للحجيه لمن رجعت باوعتلـي، و بنبرة هادئـه گال كرار
YOU ARE READING
| دُجـى في جوف البـغي |
Romanceقصة حقيقيـة ⭕ من انـا؟ ابـنة من كان شيخـاً معتمراً ابنـة من صارت تلهـو في المـلاهي مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء انـا الت...