#دُجى_في_جوف_البغي
#بقـلم_الراويه
#الفصل_الثالثبسـم الله ♥
صلوا على النـبي 🧡
.
دُجى
رجعت خطـوات ليورا و اني احـاول افهم الي حچـاه مجهول الهويـة
مسـحت جبيني و التفتت ناحية البيـت
مـو دجى الي تسكت عن اهانة توجـهة الها، دگـيت الباب بقوة و انـي اگـول بنبرة غضب- افتح الباب شنو الي يأكـدلي انت ابن الحجـي، راح انادي الحجـي و مجيد
- اعلى ما بخيلچ اركبيه، الله يا الله نزل و يدبچ على السـطح
فتحت عيوني على وسعهن و اجـيت احچـي بس سكتت و ابتلعت باقي كلامـي
ما ان انفتح الباب الخارجي و دخـل منه الحجـي قاسم، لأن بهيچ وقت قائمه الصلاة و يصلي الفجـر بالجامعبس شـافني انرسمت على ملامحه الاستـغراب و هو يشوفني بالعراه واگفه
گـبل جمعت دموعي و وگعن على خدي لمن گـال- شبيچ بنتي ليش برا
- رجال اجا و طلعني من الغرفة يگـول اني ابن الحجـي
بهتت ملامحـه و تقدم بسرعة ناحية الغرفة، غمض عيونه و تنهـد قبل لا يگـول
- فوتي جوه بنتـي
- حجي هو صدگ ابنك
- اي
حچاها باختصار و التزمت الصمت انـي
فتح باب البيت الداخلـي و الحجـية طلعت من غرفتها و هي بعدها لابسة مأزر الصـلاة
عگدت حاجبها و گـالت بتعجب- شبيچ دجى
- غيـاث اجا
حچـاها الحجـي الي سد الباب وراية
زفرت الحجـيه نائله و گـالت بسخط- الله لا جابـه
ما گـدرت الا ارفع حاجبي متعجبة من كلامها
استغربت من ردة فعلها..بس تغاضيت عنها لمن اردفت- فوتي كملي نومتچ بغـرفة جودي
خوما حچـه عليچ الي ما يتسمىبلعت ريگي و نكرت انو حچـه عليه
على اثر صوتنا فتحت جودي الباب مال غرفتها و هي تگول
- شبيكم من الصبح
- ما بينا شـي خلي دجى تكمل نومتها بغرفتچ
فاتت و تركت الباب مفتوح و هي تگول بنبرة صوت ناعسة
- خليها تجـي
بداخلي ردت ابقـى حتى اعرف اكثر عن الي يتسمى غـياث
بس الحجية گالتلي روحي
فـ فتت للغرفة، جودي رجعت نامت و لا كانو صاير شي
و انـي نمت بصفها على سريرها النفريـن
باوعتلها و تنهدت هسا شهل البرود الي بيها ليش رجعت نامـت على الاقل اسئلها عن هالـشخص الي ما عنده ذرة احترام و تقدير
YOU ARE READING
| دُجـى في جوف البـغي |
Romanceقصة حقيقيـة ⭕ من انـا؟ ابـنة من كان شيخـاً معتمراً ابنـة من صارت تلهـو في المـلاهي مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء انـا الت...