بسم الله
بارت اضافي لعيونكم الحلوه 😍❤️
.
دُجـى
اغمض عيونـي و احس الهوا بدا يخترق مسامات بشـرتي
صوت السيـارات ما منعني من احساس بهـذا الشعور المريـحفتحت عيوني على لمـسة يد صغيرة تحتضن ايدي
قبل لا التفـتت و تقابلني عيونها الاحبهن، بخـدودها الحمره و ضحكـتها التشبه ضحكتها لجـودياخذتها و خليتها بحضـني و هي تتقرب لـشباك السيارة المفتوح
قبل لا تسند ايديها عليه و ضحكاتها تتعـالىابتسمت و التفتت للي يلزم الاستيـرن بتركيز
قبل لا اكرر سؤالي يمكن للمرة العاشرة- هسا ما گلتلـي وين ماخـذنا؟
- نوصل و تعرفين
- لبيت انور؟
سألته و هو ضحك و التفت عليه و جاوب
- و گتلچ قبل لا
- بس هذا الطريق لبيت انور
ضيق نظراته و گال
- مو شرط لبيته
التزمت الصمت لمن اردف
- مفاجئه و اني متأكد راح تحبيها
ما سألته مرة الخ، بقيت اباوع من الشباك للمزارع الخضراء و الجو الريفي الي يرد الروح للجسد
بعد مسافة نصف ساعة طبگ السيارة گدام سياج يحيـط بأرض ممتده و بيها فلاحين يشتغلون
لحظات و استوعبت المكان نزلت من السيارة بعد ما نزل هو و اني شايلة ميناس
- هاي گاع ابوية، بس بيها ناس منو هذوله؟
لزم ايدي و بأبتسامة گال
- هسا تعرفيهـم، امشي وياي
مشيت وياه و عبرنا السيـاج من باب
الارض چانت توها محروثه، باوعت لامتدادها الي يوصل لـ خمسة دونم
سلم غيـاث على الفلاليح من بعيد و هما ردوا عليه، اخذ مني ميناس من شاف الارض مـو متساويةعبرنا الفلاليح لاخر الارض من الجهة اليميـن
تبطئت خطواتي لمن تبين الي اساس بيت بعده ببداياته
باوعت لغياث و گلت- شنو هذا؟
التفت عليه و بذات ابتسامته گال
- مرة گلتي حـابه المكان و الزرع، فـ فكرت نستغل هاي الارض و أبني بيها بيت صغير نجي عليه بالاجازات
- بس اني گلتلك گاع ابويه ما اريدها
- بس هذا حقچ دجى
غمضت عيوني ثواني قبل لا اگول و اني افتحهن
- اني ما اريد شي لا ورث و لا فلوس، بس اسم ابوية بجنسيتي هذا كافي
باوع غياث لبعيد و كأنه يفكر، قبل لا يرجع يباوعلي و هو يگول
YOU ARE READING
| دُجـى في جوف البـغي |
Romanceقصة حقيقيـة ⭕ من انـا؟ ابـنة من كان شيخـاً معتمراً ابنـة من صارت تلهـو في المـلاهي مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء انـا الت...