| دُجـى في جوف البـغي |

•الفـصل الاربعون•

#دُجى_في_جوف_البغي
#بقـلم_الراويه
#الفصل_الاربعون

بسـم الله ♥

صلوا على النـبي 🧡

.

دجى

4 ايـام مـرت و اني بالشقـة، تتصل بيه داليـا و جودي على مدار اليـوم
غـياث يروح الصبح للدوام و يجـي الظـهر

يجيبلي اكل من المطعم لو يطلب توصـيل و العصر مرات يرجع للمستشفى و لليل يلا يرجـع

نتصرف وي بعضنا عبالك غيـر مرئيين
هو متجاهلني و اني ارد اله المـثل

باليـوم الخامس اخذني للدكتورة و شلت خيوط العمـلية
بالطريق چنت اباوع من الشبـاك بدون ما انطق وياه كـلمة

لكن سرعان ما گلت و اني التفت عليه

- اريـد اشوف بنتـي

- و گتلچ ما اجازف بيها

- انـت ليش حقير صاير
گتلـك اريد اشوفها

حچـيتها بصيـاح و هو التفتت عليه و بعصـبية گال

- اسكتي بدون كلمة اخرى
گتلچ ما تشوفيها الا يرجع عقلچ يشتغل

- مليق مليق و حـقير

حچيتها و اني اضربه على كتفه
بس هو بدون ما يباوعلي وخر ايدي و كـمل طريقة

وصلنا للشقة و فتت و اني اذب جنطتي بـالگاع و حجـابي
و هو فات للغرفة الي چانت لـ صفد و اخذها اله

لحظات و طلع مغير ملابسه و گـال

- رايح للمستشفـى، من تجوعين خابريني اطلب الچ اكـل

- ما اريد سم

- ما گتلچ سم گلت اكل

حچاها و طـلع
و اني لحگته بس هو سد الباب، گمت ابچي و رجعت للقنفة و اني اضرب بالطاولة بـرجلي
بس حـسيت بألـم بمكان الجرح و بطلت

تنـفست بعمق و اني اهز راسي بأي، اذا ما خليتك تتندم يا غياث اني مو دجـى

گمت شغلت السبلـت و خليته على ابرد شي
و شغلت البنكـه السقفيـة
الجو بي شوية برد، لبست ملابس صيفية و بللت شعـري
چنت اتصرف بعناد و بطـيش
ردت احسسه بغلطة، بحبسـته الي و منعي من شوفتـها لمينـاس

اعرف غلطت..و غلطي چان چبيـر بس مچنت بوعـي
و اعترفت بغلـطي و متندمه عليه، و مستحيل اكرره لو أذيها ميناس مرة ثانية

بقيت متمدده بمكانـي و حسيت البرد نخر عظامـي
اجا عامل التوصيل و بقى يدگ بالباب و ما طلعت عليه، اكثر من نص الساعة و هو عند الباب اخر شي مل و راح

نص ساعة و سمعت الباب ينفتح
سويت نفسي نايمة و انـي اسمع خطواته داخل الشقة، غمضت عيوني اكـثر من وگف يم راسي
و هو يگول بقسوة