| دُجـى في جوف البـغي |

•الفـصل الواحد و الثلاثون•

#دُجى_في_جوف_البغي
#بقـلم_الراويه
#الفصل_الواحد_والثلاثون

بسـم الله ♥

صلوا على النـبي 🧡

.

دجى

باوعت لـ غياث و الي هز راسه بأي و هو يباوعلـي و حسيته متعجب كـلش من الوضع
ما اهتمـيت و رجعت باوعـتلها لـ رند
و اني ارسم ابتسامـة لطف على ثغـري و نظراتـي كلها مكـر

و بتساؤل گلتـلها و انـي امثل دور اللطـيفه

- فـ اذا تحبيـن تسمعين اخباري خلي نگعد جوه عيب هنا واگفيـن و اني احچـيلچ بالتفصيل

كزت على اسنـانها و بعصبية التفتت لـ جودي و هي تگول

- انـي استأذن عندي شغل بس تركته لأن الحـجي غالي عليه و اجـيت اشوفه
عود طمنـيني

حچـتها و باوعتلي شـزراً و اني رفعت حاجبي الها باستخـفاف
وخرت عن الباب و هي طلعـت و ما ان سمعت صوت سيارتها اشتـغلت تركت ايده لـ غياث
و بجـدية گلت و اني اباوعله

- صدگـني ما حچيت كلمة علمودك انمـا ارد اعتبار نفسي

حچيت هيچ و تقدمت لداخل الـبيت و جودي مشت وياي و هي تسألني عن اخباري و اني ارد عليها برسمـية بحته

فتحت باب الصالة و دخـلت
و هنا تبطئـت خطواتي و اني احـس بشعور داخل صدري
شعور يشبـه الحنين لكـن يختلف
كـاني مشتاقة لهذا المكان و لكل ركن بي..لكن بطل يعجـبني و ما اتمنـى التواجد بـي

گامت الحجيه من شافتني و مجيد الي شكله مستغرب قدومي
سلمت عليهم و بهدوء گلت

- الحجي وينـه

ردت عليه حجيه نائله و عينها مدمعة

- بغرفـته، انتِ اجيتي علموده مو؟

هـزيت راسي بأي و گلت

- غياث گال رافض يسوي عملية

- ميقبل يسـوي، حچينا ويا بس ميقـبل
تعبان كلش و حالته تحتاج عملية

حچتها و وگعت دموعها و هنا مجيد گال

- محد يگدر يقنعه بس انتِ، احنا ولده و ما سمع من عدنا بلكـي يسمـع منچ

- ان شاء الله

همست بيها و جودي گالت بغرفته
مشيت ناحية الباب و اجت الحجـيه تدخل وياي، بس گلتلها خلي احچي وياه على انفراد و هي ما اعترضت

دخلت و طبگت الباب وراية..چان متمدد على الچرباية و اكو كيس ادوية يم راسه
حسيت گلبي انكسر علـى حالته، العرقچـين الي دايماً يلبسه هالمرة ماكو مخلي على الطاولة بصفه

مسحت دمعتي الي وگعت و اني اقوي نفسي، انتِ جايه هنا تقنعينه مو تبچين و تخلين وضعه يزداد سوء