#دُجى_في_جوف_البغي
#بقـلم_الراويه
#الفصل_الثاني_عشربسـم الله ♥
صلوا على النـبي 🧡
.
دُجى
نتـصرف ببعض الاحيان بشكل مبالغ بـي
بعـد ما تسيطـر عليه مشاعرنـا و تدفعنا لفعـله..و بعدها ننـدم و نـدرك الي سويناه غلط و كـلشلكـن ضربتـي لـ رامي رغم انها اجت بردة فعـل قوية بس ما حـسيت بالندم بالعكـس تمنيت لو الـحجرة اجت بنـص وجهه و شوهـة اله ملامحه الحـقير
- من كـل عقـلچ؟؟
حچـاها مجـيد و انـي بـثقة رديت
- اي من كـل عقـلي
- شكو شبيكم؟؟
حچـتها الحجـيه و تكـلفت جودي و هي تحچي لأمـها عن الصار
شهگت و هي تگول و نظراتها عليه- ليش يا يمـه مو هيچ
- حجيه انتِ لو سامعه الي حچاه چـان بنفسچ ضربـتي
حچيـتها و اني اتحرك من گـدامهم و بـنرفزه نطـقت
- و انـي مـا انكر و لا خايفة منه لأن الي سويته صح
كلامه بحـقي و هو يصغر من شأنـي و من شأنكم ما ينرد اله بهاي الطـريقةتوقعت الموضوع راح ينغلق ما ان ادخـل للبيت
ما عـرفت انها مجرد بـداية
نص ساعة و اجـا الحجـي، و هو متعصـب من الموضوعوگفت گدامه بحظور مجـيد و غياث و هو يگـول
- تـصرفچ ابداً ما مقبول دجى بنـتي
- لعد مقبول و هو يحچي عليه و عليكـم ؟؟
- احنا نتصرف كلامه ما نقص منه اي شي
و مـحد يطعن بالـشرف غير الي شرفه سگطحچاها غياث و الحجي گـال باعتراض
- مـو هيچ الحچي غياث
سكت غياث و هو يباوعلـي لمن گـلت
- اني ما متندمه على السويته عمـي، و بعدني مصـره انو اخذ جزاءته
بعدت نظراتـي عنه و الحجي زفر و گال
- روحي بنتي بعدين نتـفاهم
طلعت من الصالة و تلگـتني جودي الي گالت
- كله بسببي
تأففت و اني الزمهـا من ايدها و نمشي للمطبخ
- لا تشتغـل الدراما عندچ
يستاهل الـضربه و محد گاله يندگ بيناضحكت ضحكة قصيرة و هي تگول
- متوقعتـها منچ دجى
باوعتلـها بطـرف عيني و اني اگول بسخريـة
- غير انـي دجى
العـصر راح الحجـي و مجـيد و الحجيه لبيت عبد الـرزاق
حتى يشوفـون رامي
طلعت للحديقة و لگـيت جودي و صفد گـاعدات
صفد التفتت عليه و گعدت تحچـي بلغة الاشارة
أنت تقرأ
| دُجـى في جوف البـغي |
Romanceقصة حقيقيـة ⭕ من انـا؟ ابـنة من كان شيخـاً معتمراً ابنـة من صارت تلهـو في المـلاهي مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء انـا الت...