| دُجـى في جوف البـغي |

•الفـصل الحادي عشر•

#دُجى_في_جوف_البغي
#بقـلم_الراويه
#الفصل_الحادي_عشر

بسـم الله ♥

صلوا على النـبي 🧡

.

دجى

ابتلعت ريـقي بصعوبة و انـي اباوع لـ جودي المنتـظرة جوابي على سؤالها الاجـاني بغتة
ارتفعت ايدي و انـي اتلمـس الوشم الي مكانه خلف اذنـي

هي رفعت ايدها و گـالت بخجل

- يعني لا تفهمـيني غلط
بس تـفاجئت من شفته، اول مرة انتبـه اله

- اي مرة عجبني اسـوي و سويته

حچـيتها و ابتسمت بـتوتر و هي سألتني

- بس حسيته غريـب، يعني البنات يخلن وردة نجمة
انتِ ليش داگه كوبرا

- عجبني و مادري بوقتها چنت مراهقه و بس ردت ادگ وشم

- يوجع مو

ضحكت و اني اگـول و بديت اضفر شعري

- لا عادي مو كلش

حچيتها و جودي اخذت مكان على السرير
كتفت ايديها و گـالت بتنهيده ورا لحظات

- ازعجت نومتچ اني و مجيد
بس شسـوي ما اعرف احچي بصوت ناصـي

- لا عادي

تركت شعري بعد ما كملته و گعـدت بصفها
كتفت ايديه و گـلت باستغراب بعد ما تذكرت الموضوع الي بسببـه گعدت من نومي

- چنت قبل شوية منعسة يعني صدگ الي سمعته

زفرت و هي تگول

- اي صدگ..سالفة تضحك مو بله اخوية يحب اخت اخـوية

- و مجيد ما يتقـدم الها ما طول يحبها

- يگول صعبه و يعرف غياث ما يقبل

حكيت رگبتي من ورا و اني اگول

- و ليش ما يقبل..و بعدين القرار قرار صفد بالنهاية

- يحـسها صعبة لأن هيچ قرابتهم
الى جانب يعرف عمـامها من سابع المستحيلات ينطوهـا

- هو شوكت حبها

من سألتها هي ابتسمت و بحماس طغت على نبرة صوتها گـالت

- مـرة شافها وي غـياث، وراهـا جابها بالعيد عليـنا
و مـرتين لو 3 جـابها تنظف اله غرفته، و مجيد من شافها گـبل حبها
و ظل يلمحها من تطلع من مدرستـها على اساس بالصدفة، ما ادري اي صدفة تخلي يوگف بالشمس بعز الحر حتى يشوفها من تطلع

ابتسمت و اني اگـول بتساؤل

- و هي تعرف

- لا و لا لمح الها
هـاي ما تنظم حچايه بحلگها رغم ما تسولف بس كلشي تحچـي، يخاف لا يعترفلها و تخليه بحلگ غياث و يجـي من هناك حامي عـلى مجيد