ပိုင်ချီရွေ့လဲအံ့ဩသွားတယ်။စုန့်ထင်ယွီတစ်ခုခုဖြစ်နေတာဖြစ်မယ်။ဒါပေမယ့်လဲသူမနက်နက်နဲနဲမတွေးချင်ဘူး။သူမတံခါးပိတ်လိုက်ပြီး စုန့်ထင်ယွီအပေါ်ထပ်တက်သွားတာကိုကြည့်လိုက်တယ်။
သူမလဲအလျင်မလိုတာကြောင့် မီးဖိုချောင်ကိုသွားလိုက်ပြီး နွားနို့တစ်ခွက်ကိုယူကာ အပေါ်ထပ်ကိုတက်သွားလိုက်တယ်။
သူမအခန်းထဲကိုဝင်မလို့လုပ်လိုက်တော့ စုန့်ထင်ယွီ သူမကွန်ပျူတာကိုဖွင့်ပြီး သူမရဲ့wechatကိုဖွင့်ကြည့်နေတာကိုတွေ့သွားတယ်။
သူမကြောက်ပြီးမျက်နှာတွေဖြူဖျော့လာကာ သူမလက်ထဲကနွားနို့ခွက်ပြုတ်ကျပြီးအသံအကျယ်ကြီးထွက်သွားတယ်။
သူမသတိပြန်ဝင်လာပြီး ဖန်ခွက်ကွဲသွားတာကိုမရှင်းသေးဘဲ သူ့ဆီကိုအမြန်ပြေးသွားလိုက်ပြီး သူမwechatပေါ်မှာထောက်ထားတဲ့mouseကိုဆွဲယူလိုက်ကာ: 'ထင်ယွီ ဘာလို့ညီမကွန်ပျူတာကိုကိုင်ရတာလဲ?'
စုန့်ထင်ယွီဆုံလည်ထိုင်ခုံကိုမှီပြီး သူမကိုမျက်လုံးတွေမှေးစင်းပြီးကြည့်လိုက်ကာ: 'မင်းစိတ်လှုပ်ရှားနေတဲ့ပုံဘဲ'
'မဟုတ်ပါဘူး။ညီမစိတ်မလှုပ်ရှားပါဘူး...'
စုန့်ထင်ယွီ ကျကွဲနေတဲ့ဖန်ကွက်ကိုလက်ညှိုးထိုးပြလိုက်ပြီး: 'ဖန်ခွက်တောင်အစိတ်စိတ်ကွဲသွားတာကို မင်းစိတ်မလှုပ်ရှားဘူးလို့ပြောချင်တာလား?မင်းကွန်ပျူတာကိုငါသုံးမှာကြောက်တာ မင်းဒီထဲမှာတစ်ခုခုလျို့ဝှက်ချက်ရှိလို့လား?'
ပိုင်ချီရွေ့wechatကိုပိတ်လိုက်ပြီး သူနဲ့ကွန်ပျူတာကြားမှာရပ်လိုက်တယ်။သူမဘာမှမဖြစ်သလိုဟန်ဆောင်ပြီးပြုံးလိုက်ကာ: 'ဘယ်တုန်းကညီမမှာလျို့ဝှက်ချက်ရှိခဲ့လို့လဲ?ကိုကို ညီမအကြောင်းတွေကိုအကုန်သိတယ်မလား?ထင်ယွီ ညီမအကြောင်းကို ကိုကိုသေချာသိနေတာကိုညီမကဘာဖုံးကွယ်ထားရမှာလဲ'
သူမ သူ့ရဲ့အညိုရောင်ကုတ်အင်္ကျီကိုချွတ်ပေးလိုက်ပြီး: 'ကိုကိုရေမချိုးရသေးဘူးမလား?ရေအရင်သွားချိုးလိုက်လေ။ကိုကို့အတွက်ညအိပ်ဝတ်စုံ၊သွားတိုက်တံ၊သွားတိုက်ဆေးအားလုံးညီမပြင်ထားပေးတယ်။ကိုကို့အသုံးအဆောင်တွေကိုပြင်ထားပေးတာက ကိုကိုလာတိုင်းသုံးလို့ရအောင်လို့...' သူမမျက်နှာပျော့ပျောင်းချိုသာနေပြီး: 'ရေသွားချိုးတော့ ဟုတ်ပြီလား?ညီမအပြင်မှာစောင့်နေမယ်'
သူမကိုယ်ဝန်ပျက်ထားတာလဲကြာပြီး စုန့်ထင်ယွီလဲညမိုးချုပ်ကြီးသူမဆီကိုလာတယ်ဆိုတော့ ဒီညတော့ သူဒီမှာဘဲနေလိမ့်မယ်လို့ သူမတွေးနေမိတယ်။သူမကတော့ဒီအခွင့်အရေးကိုအမိအရဆုပ်ကိုင်ပြီး အရင်တုန်းကလိုဆက်ဆံရေးမျိုးပြန်ရအောင်လုပ်မယ်ပေါ့။
သူမရေသွားချိုးခိုင်းတာကိုစုန့်ထင်ယွီနားမထောင်ဘဲ သူမကိုဘဲကြည့်နေလိုက်တယ်။သူဒီတိုင်းဘဲကြည့်နေတာပေမယ့် အဲ့လိုကြည့်ခံရတာကိုသူမထူးဆန်းသလိုခံစားရပြီး: ' ထင်ယွီ ဘာလို့ကြည့်နေတာလဲ?ညီမမျက်နှာမှာတစ်ခုခုရှိနေလို့လား?'
'ကျို့ရှောင်ဆိုတဲ့လူကိုမင်းသိလား?'
'ကျို့ရှောင်...' အခုအချိန်မှာပိုင်ချီရွေ့နှလုံးခုန်နှုန်းတွေအရမ်းကိုမြန်နေပေမယ့် အပြင်ပန်းကတော့ဘာမှမဖြစ်သလိုနဲ့: 'ဟိုနာမည်ကြီး အနုပညာသတင်းထောက်လား?သူကဖန်ပေါင်အနုပညာကုမ္ပဏီမှာလုပ်နေတာမလား?အဲ့ဒါဆိုရင်သူ့ကိုသိတာပေါ့။လွန်ခဲ့တဲ့လေးနှစ်တုန်းကညီမအနုပညာလောကကနေအနားမယူခင်က သူ ညီမနောက်ကိုအမြဲလိုက်နေခဲ့တာလေ။အနုပညာလောကမှာသူ့ကိုမသိတဲ့လူမရှိဘူး...သူ့ကြောင့်ဘဲကိစ္စတော်တော်များများပေါ်သွားကြတာ'
စုန့်ထင်ယွီမျက်နှာပေါ်မှာဖော်ပြလို့မရတဲ့အမူအယာတွေဖြစ်ပေါ်နေပြီး သူခေါင်းညိတ်လိုက်ကာ: 'အင်း အခုစုရန်ကိစ္စအပါအဝင်ပေါ့'
ပိုင်ချီရွေ့လဲစုန့်ထင်ယွီနဲ့ပုံမှန်စကားပြောနေသလိုမျိုးချောချောမွေ့မွေ့နဲ့ပြောနေပြီး: 'ညီမလဲစုရန်သတင်းကြားပါတယ်။ဒီရက်ပိုင်းကတော့တကယ်ကိုပေါက်ကွဲတော့မယ့်အတိုင်းဘဲနော်?စုန့်အိမ်ရောဘယ်လိုလဲ?အဖွားရောဘယ်လိုနေလဲ?သူတို့ရောတော်တော်စိတ်ရှုပ်နေကြပြီလား?'
သူမပြောတာကြားပြီး စုန့်ထင်ယွီလဲပြုံးလိုက်မိတယ်။
သူဘာလို့ပြုံးတာလဲမသိတော့ သူမထိတ်လန့်သွားပြီး: 'ထင်ယွီ....ဘာဖြစ်လို့လဲ?'
မင်းရုပ်ရှင်လောကရဲ့ဘုရင်မအနေနဲ့
ရိလန်မွန်ဂိုလီးယားရုပ်ရှင်ပွဲတော်မှာ သရုပ်ဆောင်ခဲ့တာအရမ်းကိုကျော်ကြားခဲ့တယ်လေ။မင်းသရုပ်ဆောင်တာအရမ်းကိုတော်ပါတယ်။အခုချိန်ထိကိုမင်းတည်ငြိမ်နေတုန်းဘဲ။ငါသာဒီကိစ္စကိုထဲထဲဝင်ဝင်မသိခဲ့ရင် မင်းလိမ်တာကိုခံချင်ခံနေရမှာ။မင်းဖြူစင်တယ်လို့ယုံကြည်နေမိမှာ။ဒီကိစ္စကမင်းနဲ့မပတ်သက်ဘူးလို့ဘဲထင်နေမှာ'
ပိုင်ချီရွေ့နောက်ဆုံးတော့တုန်လှုပ်လာပြီး: 'ထင်ယွီ....ဘာတွေပြောနေတာလဲ?'
'ငါဘာတွေပြောနေတာလဲဆိုတာမင်းရင်ထဲမှာတော့သိမှာပေါ့!' စုန့်ထင်ယွီ
ရယ်လိုက်ပြီး: 'စုရန်ကိစ္စကမင်းကြိုးကိုင်နေတာမလား? မင်းကျို့ရှောင်ကိုလုပ်ခိုင်းတာမလား?'
'မဟုတ်ပါဘူး!' ပိုင်ချီရွေ့ချက်ချင်းငြင်းလိုက်ပြီး: 'ကိုကိုဘယ်လိုလုပ်ပြီးဒီလိုတွေးရတာလဲ?လင်ချန်ဟွမ်နဲ့စုရန်ကိစ္စကိုညီမကဘယ်လိုလုပ်ပြီးသိမှာလဲ?အခုထိတောင် ဘာတွေဖြစ်နေတာလဲဆိုတာညီမမသိသေးဘူး။ညီမသိတာကအဲ့ဒီကောလဟာလကအုန်းအုန်းကျွက်ကျွက်ဖြစ်နေတာကိုဘဲ....ညီမ....ထင်ယွီ တစ်ခုခုမဟုတ်တာကြားလာရလို့လား?ကိုကို ညီမကိုယုံရမယ်လေ...'
စုန့်ထင်ယွီဘာမှပြန်မပြောတော့ ပိုင်ချီရွေ့မျက်လုံးတွေနီလာပြီး: 'ဟုတ်တယ်။ညီမ
စုရန်ကိုမုန်းတယ်။သူဘာလို့ညီမကိုတွန်းချပြီးတော့ကလေးကိုဆုံးရှုံးအောင်လုပ်ရတာလဲ။ညီမရဲ့နှစ်လဘဲရှိသေးတဲ့ကလေးကသေသွားပြီလေ။ညီမရဲ့ပထမဆုံးကလေးလေ။ဒါပေမယ့် သူ့ကိုဘယ်လောက်ဘဲမုန်းမုန်း ဒီလိုကိစ္စမျိုးကိုတော့ညီမဘယ်တော့မှလုပ်မှာမဟုတ်ဘူး'
စုန့်ထင်ယွီကွန်ပျူတာရှေ့ကိုသွားလိုက်ပြီး သူမကိုဘေးကိုဖယ်လိုက်ကာ သူမရဲ့wechatကိုပြန်ဖွင့်လိုက်တယ်။ပြီးတော့ သူမရဲ့contact listကိုကြည့်လိုက်တယ်။
အဲ့ဒီထဲမှာကျို့ရှောင်လဲပါတယ်။
ပိုင်ချီရွေ့ကအရမ်းကိုသတိထားတဲ့လူဆိုတော့ ကျို့ရှောင်ကိုဘယ်တုန်းကမှစိတ်ရင်းနဲ့မယုံကြည်ခဲ့ဘူး။သူမတို့စကားပြောထားတာကိုသူဓါတ်ပုံရိုက်ပြီး တစ်နေ့မှာ သတင်းအဖြစ်လုပ်လိုက်မှာကိုကြောက်လို့ wechatမှာအတတ်နိုင်ဆုံးအနှောင့်အသွားလွတ်အောင်သူမပြောခဲ့တယ်။
ဒါပေမယ့် ဓါတ်ပုံတွေတော့အများကြီးဘဲ။
ကျို့ရှောင်ကိုပိုင်ချီရွေ့ပို့ထားတဲ့ဓါတ်ပုံတွေဖြစ်ပြီး သူမမလာခင်ကတည်းကစုန့်ထင်ယွီကြည့်ပြီးပြီ။
စုရန်နဲ့လင်ချန်ဟွမ်တို့ငယ်ငယ်တုန်းကပုံတွေ။
လေယာဉ်ကွင်းမှာရိုက်ထားတဲ့ပုံတွေကကျို့ရှောင်ပြန်ပို့ပေးထားတာ။
ပိုင်ချီရွေ့ဖော်လိုက်မှာကိုကျို့ရှောင်မကြောက်တော့ အသံmessageတွေပါပို့ထားတယ်။
စုန့်ထင်ယွီအဲ့ဒါကိုဖွင့်လိုက်တော့ကျို့ရှောင်အသံထွက်လာတယ်။
ပိုင်ချီရွေ့နှုတ်ခမ်းတွေမှာတောင်သွေးမရှိတော့ဘဲ: 'ထင်ယွီ ညီမ...'
သူမကြောက်ပြီး ခေါင်းငုံ့နေတာကိုကြည့်ပြီး စုန့်ထင်ယွီမျက်နှာအေးစက်လာပြီး: 'မင်းမှာပြောစရာစကားရှိသေးလား?'
ပိုင်ချီရွေ့ကဘယ်လိုအချိန်မှာဘယ်လိုလုပ်ရမလဲနားလည်တယ်။စုန့်ထင်ယွီ အခုသက်သေတွေလဲအကုန်တွေ့ပြီးပြီ။သူမကနောက်ကွယ်ကနေကြိုးကိုင်တယ်ဆိုတာလဲသိပြီးပြီဆိုတော့ ဆက်ငြင်းနေရင်သူမုန်းသွားမှာကြောက်ပြီး သူမထပ်မငြင်းတော့ဘူး။
သူမတိတ်ဆိတ်နေပြီး မျက်ရည်တွေကိုကျစေလိုက်တယ်။
သူမငိုနေတာထက်စာရင် ဝန်မခံတာကပိုကောင်းတယ်လို့စုန့်ထင်ယွီထင်တယ်။
ဒီလေးငါးနှစ်မှာ ပိုင်ချီရွေ့အမြဲစည်းနဲ့ကမ်းနဲ့ အလိုက်တသိနေခဲ့တာ။သူမတခါမှသူ့ကိုစိတ်ဆိုးဒေါသထွက်အောင်မလုပ်ဖူးဘူး။
သူမဒီလိုလုပ်တာဒါကပထမဆုံးဘဲ။
ဟိုညတုန်းကစုရန်ကသူမကိုသံသယရှိတယ်။သူ့ကိုယုံလားမယုံလားမေးခဲ့တုန်းက သူမမဟုတ်ပါစေနဲ့လို့သူမျှော်လင့်ခဲ့ဖူးတယ်။
ဘာလို့လဲဆိုတော့ ဒီမိန်းကလေးကသူ့ဘေးမှာအကြာကြီးနေခဲ့တယ်ဆိုတော့ဘယ်လိုဘဲဖြစ်ဖြစ် သူမကိုသူယုံသင့်တယ်လို့ခံစားခဲ့ရလို့။
စောစောတုန်းကclubမှာ ကျို့ရှောင် သူမနာမည်ကိုပြောလိုက်တုန်းက သူတော်တော်ဒေါသထွက်သွားမိတယ်။
ဒါကသူမလုပ်တာအမှန်ဘဲကိုး။ကျို့ရှောင်ကိုသွားရှာပြီး ကောလဟာလတွေကိုဖြန့်စေခဲ့တာကသူမကိုး။သူမရဲ့ရည်ရွယ်ချက်ကစုရန်ကိုသိက္ခာကျအောင်လုပ်ဖို့ဘဲ။အဲ့ဒါအပြင် စုရန်ကိုသူစိတ်ပျက်သွားအောင်လုပ်မလို့။အဖွားလဲဘဲစုရန်ကိုစိတ်ပျက်စေချင်လို့။စုန့်မိသားစုကြီးမငြိမ်မသက်ဖြစ်ပြီး မဒမ်စုန့် စုရန်ကိုအပြစ်တင်ရအောင်။
👉👉👉Groupမှာအပိုင်း၂၅၂ရောက်နေပါပြီ။စုန့်ထင်ယွီတို့မိသားစုမှာမုန်တိုင်းတွေဝင်နေပါတယ်😥