حسنا هناك خبران أحداهما جيد والأخر سىء ....
أما الجيد فإن أذنها وبفضل الله لازالت تعمل
والسىء أن الكون كله من حولها لا يعمل
تأكدت للمرة الثالثة لعلها لم تفهم !!!!
"عايدة وهالة الأتنين مرة واحدة "
ليجيب خالد بمنطقية شديدة
" لا كل واحدة منهم يوم ....ازاى يعنى مع بعض "
ضربته زينب على كتفه ورددت بغل
"عادل ياولا ....عادل وحقانى ، ماسك وزارة الحقانية بحالها ، عرق العتامنة نقح بدرى بدرى "
أكملت صياحها بغل وهى تمسك بذراعه مدعيه أنها تريد عضه
" أتنين يا ابن طارق ....صحيح لو أنت الى مجولتش إكده هيقولولى جبتيه منين يا زينب واكل ناسه ده "
الصبى لم يفهم ما تقوله أمه لأنه أخذ فى الضحك فقد غيرت رأيها بدلا من عضه إلى دغتغته وهو ينكمش على نفسه بينما لم تتوقف عن الغل الذى تقذفه من فمها
" حنين أوى يا واد و بترد جميل صاحبك .....و بتخلى بالك من مراته ....يا أخى الرحمة
كفى بيتك الأول هاه ..كفى بيتك الأول وبعد كده اتنيل .....أبعدى عنى ورايا مذاكرة ....مش دلوقتى ورايا شغل ...معلش مسافر اذربيجان، ايه اذربيجان ديه فين يعنى ، لما الناس يسألونى فين جوزك أقولهم راح بتنجان، بقى بزمتك يا شيخ انت تعرف عنه أكتر منه أنه بيتحشى و يتخلل ..عارف لو قربتلها هعمل فيك إيه هحولك بتنجانه سودا معفنة أنت فاهم "
هز الفتى رأسه بتفهم بعد أن أحمر وجهه ودمعت عينه من الضحك وحاول التحدث
" مش هكلمهم خلاص .....انا مش عايز ابقى بتنجانة "
توقفت زينب للحظة لتنظر له من علوها بعد أعتلته لتكمل مهمتها فى دغتغه لتتسأل
" مش هتكلم مين ؟"
ليجيب خالد ببرأة
"عايدة وهالة مش هكلمهم تانى ....أنا مش بحب البنتجان "
امسكت زينب بوجنتيه تعتصر خديه بين أصابعها وهى تردد
" مش بتكلم عليك أنت .....الجواز ده حاجة كده زى الجامعة ينفع أنت دلوقتى قبل ما تخلص مدرسة تتدخل الجامعة ، لازم تخلص كل كتب المدرسة وتنجح فيها عشان تقدر تدخل الجامعة وتفهم كمان ....لازم تكبر الأول عشان تعقل كده وتشيل فكرة الجواز ديه من دماغك خالص "
أنهت كلماتها وقبلته بشدة وفى اللحظة التى رفعت قبضتها عن الفتى طار من تحتها ، ضربت زينب كفا بكف وهى تضحك رغما عنها عندما سمعت أمها بالخارج تصرخ
" بتجرى ليا فى البيت إكده يا ود ....هتلزنى فى سكتك يا ابن عود الجصب"
لم تعرف بماذا أجاب جدته فما شغلها هو تحوله من "زعزوعة " إلى "عود " ؟!!!
