လှေခါးခပ်မြင့်မြင့်ပေါ်က တလှိမ့်ခေါက်ကွေးနဲ့ခပ်ကြာကြာပြုတ်ကျနေသလိုပဲ.......
နွေတို့အိမ်ထောင်ရေးကရှေ့မှာဘာဆက်ဖြစ်လာမလဲမမြင်ရ....
ခပ်ယဲ့ယဲ့နဲ့ပြိုကျတော့မဲ့ဆဲဆဲတိုက်တစ်ခုကို
ရင်တထိပ်ထိပ်နဲ့ဆက်ပြီးတည်ဆောက်နေခဲ့သလိုမျိုးနွေလုံးဝမရောက်ချင်တဲ့.......
အရာအားလုံးပြိုကျပျက်စီးသွားတော့မဲ့အချိန်က နွေလုံးဝသတိမထားမိချိန်မှာရောက်မှန်းမသိရောက်ရှိလာခဲ့တော့သည်....
ဆေးရုံမှာ report file တွေကိုအပြန်ပြန်လှန်လှန်စစ်ဆေးနေတုန်း
နွေ ဆီးစပ်နားမှာတဆစ်ဆစ် ကိုက်လာသည်
မနက်ကတည်းမှအနည်းငယ်ကိုက်နေတာနွေသတိပြုမိသည်
ကိုက်နေရာမှ
ရုတ်တရက်ဆီးစပ်နေရာက ထိုးအောင့်လာခဲ့သည်ဘုရားရေ ဘာဖြစ်တာလဲ
အောင့်လွန်းလို့ အလုပ်စားပွဲရဲ့ကို အားပြုရင်းနွေမှီထားရင်းချွေးသီးချွေးပေါက်တွေကျလာခဲ့သည်
နွေ့စကပ်အောက်မှအရည်တွေပြီးတော့သွေးတွေတလဟောဆင်းလာခဲ့သည်
သွေးတွေမြင်တော့နွေအလန့်တကြားထအော်မိသည်
" နွေ ဘာဖြစ်လို့လဲ"
သော်တာနွေ့အော်သံကြားတော့အပြေးအလွှားအခန်းထဲဝင်လာခဲ့သည်ဆောက်တည်ရာမရဖြစ်နေသောနွေ့ကိုမြင်တာနဲ့ သော်တာသတိထားမိသည်
" နင် ... abortion ဖြစ်တာထင်တယ်နွေ"
သူ့မျက်နှာကသိသိသာသာပျက်လျက်နွေသွေးအိုင်ထဲမှာလဲပြိုသွားခဲ့သည်
နွေ့နာမည်ခေါ်နေတဲ့သော်တာ့အသံကိုသဲ့သဲ့ကြားလိုက်သည်
နွေသတိရလာတဲ့အချိန်နွေ့ဘေးမှာ မင်းညိုရှိနေသည်
မင်းညိုရဲ့ခပ်လှမ်းလှမ်းမှာသော်တာလည်းရှိနေသည်
မင်းညိုရဲ့မျက်နှာကသိသိသာသာပျက်ယွင်းလျက်
" နွေအခုဘာတွေဖြစ်သွားလဲ သိချင်လား "
သူ့မျက်လုံးမှာမျက်ရည်တွေဝဲလျက်
YOU ARE READING
Happy Ending (ပျော်စရာဇာတ်သိမ်းခန်း)
Fantasyအိမ်ထောင်ရေးကိုအယုံအကြည်မရှိတဲ့ နွေဆိုတဲ့ အသက်လက်ပိုင်းအမျိုးသမီး Broken family ဖြစ်ခဲ့တဲ့အတွက် အမှီခိုကင်း....ခေါင်းမာတက်ပြီးမာနကြီးတဲ့အမျိုးသမီးတစ်ယောက်ဖြစ်သော်လည်း အိပ်မက်ဆန်တဲ့အမျိုးသားနဲ့ဆုံလာတဲ့အခါ နွေဘယ်လိုရုန်းထွက်နိုင်မလဲ ပတ်ဝန်းကျင်နဲ့အဖု...