၃ လခန့်အကြာ ......
တနင်္ဂနွေနေ့မနက်ခင်းတစ်ခု
ခါတိုင်းလို အမှောင်ချပြီးလှိမ့်ပိတ်အိပ်နေစဉ်
နွေလူခေါ် bell မြည်သံကြောင့် တော်တော်စိတ်အနှောက်ယှက်ဖြစ်သွားသည်
သူမအသံကြားသော်လည်းမကြားသလိုဆက်ပြီးလှဲနေခဲ့သည်
အချိန်က ၉နာရီခွဲ
Bell သံခဏတိတ်သွားသည်
တိတ်ဆိတ်သွားသော bell သံကြောင့် သူမတံခါးနားရှိအပေါက်မှလှမ်းချောင်းကြည့်လိုက်သည်
ဘုရားရေ....နွေ့အိမ်ရဲ့လှေကားခြေရင်းမှာဆောင့်ကြောင့်လေးလာထိုင်နေသော သူ.....
"အာဒုက္ခပါပဲ..,"
သူမအမြန်ဆုံးခေါင်းဖီး သူမဝတ်ထားတဲ့ခပ်ပွပွအနွေးထည်ကိုချွတ်လိုက်သည်
sexy ကျကျညဝတ်အင်္ကျီအနီလေးကိုဝတ်လိုက်ပြီး အဆင်ပြေမပြေမှန်ရှေ့မှာတစ်ပတ်လှည့်ကြည့်လိုက်သည်
နှုတ်ခမ်းနီအဆီလေးကိုဆိုးလိုက်ပြီးသဘာဝကျအောင်နွေ့ဆံပင်ကိုမသိမသာလေးပြန်ဖွလိုက်သည်
အလှဆုံးအပြုံးလေးဖြင့်သူမတံခါးကို ဟလိုက်သည်
သူထိုင်နေရာမှသူမကိုမော့ကြည့်လိုက်ရင်းထလာခဲ့သည်
သူ့မျက်နှာကလန်းလန်းရွှင်ရွှင်သန့်သန့်ပြန့်ပြန့်ဖြစ်လို့
"နွေ ကျွန်တော့်ကိုမှတ်မိသေးလားတဲ့"
စိတ်ကူးထဲမှာတော့မှတ်မိတာပေါ့ သိပ်မှတ်မှတ်ရရရှိနေတာအရမ်းသတိရနေတာလို့ပြောပြီး သူ့ရင်အုပ်ကျယ်ကျယ်ကြားတိုးဝှေ့ချင်လိုက်တာ
"ဟုတ် ဘယ်သူလဲရှင့်" နွေ မသိသလိုပုံစံဖြင့်မေးလိုက်သည်
သူ့ပုံစံနည်းနည်းစိတ်မကောင်းဖြစ်သွားသလိုလို
" လွန်ခဲ့တဲ့သုံးလကနွေ သွေးလှူပေးခဲ့တဲ့ မင်းညိုဆိုတဲ့လူနာလေ ကျွန်တော့ကိုမမှတ်မိတော့ဘူးလား.... ဟို AB minus လူနာလေ"
သူနွေ့ကိုအထစ်ထစ်အငေါ့ငေါ့နဲ့ရှင်းပြရှာသည်
KAMU SEDANG MEMBACA
Happy Ending (ပျော်စရာဇာတ်သိမ်းခန်း)
Fantasiအိမ်ထောင်ရေးကိုအယုံအကြည်မရှိတဲ့ နွေဆိုတဲ့ အသက်လက်ပိုင်းအမျိုးသမီး Broken family ဖြစ်ခဲ့တဲ့အတွက် အမှီခိုကင်း....ခေါင်းမာတက်ပြီးမာနကြီးတဲ့အမျိုးသမီးတစ်ယောက်ဖြစ်သော်လည်း အိပ်မက်ဆန်တဲ့အမျိုးသားနဲ့ဆုံလာတဲ့အခါ နွေဘယ်လိုရုန်းထွက်နိုင်မလဲ ပတ်ဝန်းကျင်နဲ့အဖု...
