ချူယွမ်က ခေါင်းညိတ်လိုက်ကာ -
"ပိုင်ရှန့်ပြည်ခေါင်းဆောင်က ကိုယ်တော်နဲ့ အလုပ်ကိစ္စဆွေးနွေးဖို့ ရောက်လာတော့မှာနဲ့အကိုက်ပဲ။ ကြိုတင်သတိပေးတဲ့အတွက် အဘိုးကို ကျေးဇူးအများကြီးတင်ပါတယ်နော်"
"ကိုယ်တိုင်လာမှာတဲ့လားဘုရား"
အဘိုးမုချီက ကြောက်လန့်လွန်းလို့ တုန်တက်သွားကာ လက်ကို အြမန်ဝှေ့ယမ်းပြလိုက်သည်။
"ကျွန်တော်မျိုး ဒီနန်းတော်ဝင်းထဲနေမှန်း လုံးဝ မပြောပြလိုက်နဲ့နော်"
"အဘိုး အစိုးရိမ်လွန်နေပြီရယ်။ သိသွားတော့ကော ဘာဖြစ်လဲ၊ နန်ယန်ထဲက ကျွန်းတစ်ကျွန်းလေးပဲဟာ၊ ကိုယ်တော့်လက်ထဲက လူတစ်ယောက်လုံးကို လာလုရဲစရာလား"
"မှနိပါ့ မှန်ပါ့၊ အရှင်မင်းမြတ် မိန့်တာ အမှန်ဆုံးပါပဲဘုရား။ ကျွန်တော်မျိုးထဲ့ဦးနှောက်ကလည်း ဘာဖြစ်သွားတာပါလိမ့်နော်၊ ပြေးရလွှားရ ပုန်းကွယ်ရတဲ့ဘဝကနေ ခုထိ နေသားမကျသေးဘူး"
အဘိုးအိုက ခေါင်းကိုပုတ်ရင်း ဆိုလာ၏။
"ရောက်လာပြီးမှတော့ လက်ဖက်ရည်အတူတူ သောက်ကြစို့လေ။ လက်ဖက်ရွက်ပိုင်ရှင်ကတော့ ခုရက်ပိုင်း နန်းတော်ထဲမရှိဘူး ၊ အဘိုးအတွက် ကိုယ်တော် သူ့ကို မေးပေးပါ့မယ်"
*******
တုန်းဟိုင်စစ်ပွဲပြီးသွားကတည်းက ဝမ်းလျိုနျဲန်လည်း ခွင့်ရက်ရှည်ယူကာ ကျောက်ယွဲ့အားလက်တွဲခေါ်ပြီး ကျန်းနန်တစ်ခွင် တောင်စဥ်ရေမြေအနှံ့ အတူတူလျှောက်လည်ကြသည်။ နောက်ခြောက်လလောက်နေမှ ရွှေမြို့တော်ကို ပြန်ရောက်မည်ထင်သည်။
ဒီအမတ်မင်းဝမ်းကတော့ အစကတည်းက အရှင်မင်းမြတ်၏ နှစ်ခြိုက်ခြင်းကို အတိုင်းအဆမရှိ ရရှိပြီးသားဖြစ်သည်ဟု ညီလာခံထဲက မှူးမတ်များပင် ပြောနေကြသည်။ ဘာပဲလိုချင်လိုချင် တောင်းဆိုလိုက်လျှင်လည်းရသည်။ မြေလှန်ပြီးရှာလျှင်တောင် အရှင်မင်းမြတ် ထိုမျှလောက် ချစ်ခင်ရသော သူမျိုး၊ ဒုတိယလူဆိုပြီး ပေါ်လာမည်မဟုတ်ကြောင်း ပြောနေကြသည်။
YOU ARE READING
ဧကရာဇ်ဗျူဟာ [Di Wang Gong Lue]
RomanceDi Wang Gong Lue (or) Emperor's Strategy {Myanmar Translation} Author : Yu Xiao Lan Shan
အခန်း - ၁၀၆ (ရွှေမြို့တော်၏ ညစျေးတန်း)
Start from the beginning