قصائد الحب (الجزء الثالث من احببت عنادك)

البارت 13

علي متن الطائره كانت تتجول هنا وهناك وتقدم الطلبات بكل مرونه ولياقه والعيون تتسلط عليها من اعجاب وانجذاب لجمالها ولباقتها وعيون اخري كلها شر وخبث
وفي لحظه من الهدوء صرخ شخص بقوه وهو يجذبها من عنقها ويضع سكين ع عنقها :اي حد هيتحرك من مكانه هقتلها
بيبص يمين وشمال بحذر وهو بيرجع لورا والكل خاف وثبت مكانه اما هي فكان ملامح الرعب ظاهره ع وشها وكل زملائها ماعدا واحده الي كانت بتبادل النظرات بشماته وابتسامه انتصار غريبه

وفي غرفه التحكم كان عمر وجنبه صديقه جمال حسوا بحركه غريبه في الطياره
عمر باستغراب :انت مش حاسس بحاجه غريبه ..فيه حد بيزعق برا
جمال بلامبالاه:ي عم تلاقي حد تعبان والمضيفات هيسكتوه
في اللحظه دي دخلت بنت من المضيفات وباين ع ملامحها الرعب :مستر عمر الحقنا فيه واحد مجنون في الطياره ماسك سكينه وبيهدد اي حد هيقرب منه هيقتل اسيا
عمر بمجرد ما سمع اسم اسيا اتنفض وخرج بعد ما شغل الطياره ع السواقه الاتوماتيك واستلم جمال مكانه كمساعد ليه
خرج عمر وشاف الشخص وهو ماسك اسيا وحاطط السكينه ع رقبتها وبيصرخ في الكل وكان عمر خلفه حذر الكل بأنهم يعملوا اي صوت او ينبهوه بان حد وراهم وفعلاً الكل نفذ وسكت لكن هي الوحيده الي نبهت قبل ما عمر يلمسه لكن من غير ما تكشف نفسها
چيرمين بتصنع الخوف:مستر عمر حاسب
صراخها خلي المجرم يتلفت وراه وفي لحظه بين بصه عمر ليها الغاضبه ضربه بالبوكس افقدته التوازن وشد اسيا من تحت قبضته وهو بيطمن عليها ثم اردف بلهفه:انتي كويسه حصلك حاجه
اسيا دمعت بخوف وهزت راسها :انا كويسه مفيش حاجه
كان مشغول معاها ومخدش باله من الي وقف واسترد توازنه وماسك السكينه في ايديه وهو رايح يطعنه في ضهره لكن واحد من الي النزلاء في الطياره مسك ايديه بقوه وضربه بكل قوته ورمي السكينه من ايديه وبيضربه لحد ما فقد الوعي
وفي لحظه الكل صقف بحراره ع شجاعتهم وربطوا الراجل
اما عمر فقرب من الشخص وابتسم بأمتنان:شكراً
الشخص ابتسم بهدوء:العفوا ع اي كان المفروض ادخل من الاول بس كنت محتاج لحظه تشتيته
عمر وهو مبتسم ومد ايديه يسلم:مفيش مشكله انا بردوا بشكرك جداً ع الي عملتوا
انا عمر الطيار
الشخص ربت ع ايديه وهو مبتسم:وانا غيث
اتشرفت بمعرفتك
عمر وهو مازال مبتسم:انا اكتر ي غيث
رجع كل واحد لمكانه ورمقها بنظرات حارقه اتوترت منها ومشيت وهي بتهرب من عيونه ورجع بص ل اسيا وهي قربت منه واردفت بهدوء:ملاحظه انك بتبص ل چيرمين بغضب فيه حاجه
عمر بنفس الهدوء :لا مفيش حاجه المهم خلي بالك انتي من نفسك لحد ما نوصل ويقبضوا ع الكلب دا اردف اخيراً وهو ينظر لرجل بغضب
اسيا هزت راسها بتفهم:حاضر
♥️♥️♥️♥️♥️♥️♥️♥️♥️♥️♥️
بتلعب ع كيس الملاكمه بحركات عشوائيه غير هادفه وكان من حسن حظها ان لا يوجد احد نهائياً في حلبه الملاكمه
تعبت وانحنت بجسدها بتعب وقعدت ع الارض وهي تلتقط انفاسها وسمعت صوت ضحكاته المستهزئه دائما ولكنها افتقدتها كثيراً نهضت بلهفه ولكنها تذكرت سبب حزنها منه اخفت لهفتها وقعدت مكانها تاني
ولم تنظر له حتي اتي واقترب منها ووضع يده في جيبه وابتسامته الساحره ظهرت ع شفتيه ثم اردف :قولتلك ي سيليا انتي مش قد الملاكمه والبوكس والحاجات دي ..ليه مش عايزه تقتنعي انك رقيقه ودور الراجل دا مش بتاعك
سيليا بنت رقيقه لكنها تخفي ذلك وراء قناع الرجل الذي تظهره للجميع ..بصتله بسخط :ع فكره انا اقدر ولو حطيت الموضوع في دماغي هعرف بس انا مستهتره شويه
قرب وقعد جنبها ع ارضيه حلبه الملاكمه :امممممم يعني مش انك رقيقه ومش بتاعت بوكس ..تؤتؤ هو انا مستهتره ومش حاطه الموضوع في دماغي
سيليا بصتله بغضب وذفرت :عايز اي ي غيث ..اكيد مش جاي عشان تسمعني الكلمتين بتوعك دول وتمشي
غيث ابتسم بهدوء وهو مستمتع بملامحها العصبيه وحط ايديه ع خده :بالعكس انا جاي عشان اسمع الكلمتين بتوع كل مره دول
اممممم قوليلي بقااا مين عصبك عشان يخليكي تيجي هنا تتعلمي بوكس
سيليا ارتخت عضلاتها حتي ملامح وشها المشدوده وارتسمت ابتسامتها وهي مبسوطه وعارفه ان هو الوحيد الي عارف امتي بتتعصب وامتي بتضايق وامتي بتفرح :يعني عارف اني جيت هنا عشان حد عصبني
غيث هز راسه بتأكيد :طبعاً دا انا متاكد
ها هو مين
سيليا بضيق:يعني انت مش عارف هو مين
غيث بمزاح:اقطع دراعي من هنا لو كنت اعرف
سيليا :يبقي اقطعه بقاا عشان انت عارف كويس
غيث مسكها من دقنها ولف وشها ليه وقرب اكتر وبص في عيونها :وحيات العيون الجميله دي مااعرف
سيليا حست بدقات قلبها قويه ونظرات عيونه الي بتخترقها كل دا كان قادر يفقدها توازنها لكنها تماسكت واردفت بتوهان:انت ي غيث
غيث وهو مازال مستمر في نظرته :ليه ي عيون غيث
سيليا بتحاول تبعد عيونها او حتي تبعد عنه لكن مدهاش فرصه مثبتها في مكانها وعيونها في عيونه:عشان سافرت المده دي كلها
غيث رفع حاجبه الايمن بدهشه:المده دي كلها ..دا هما شهر بس ي سيليا
سيليا خبطته ع كتفه بغضب :وانت مستقل ب الشهر دا
تعرف انا حصلي اي في الشهر دا ..تعرف جرالي اي ..تعرف اي حاجه عني حصلت في الشهر دا
غيث كاتم ضحكته وهو بيشاورلها تهدي :طب اهدي اهدي
معلش ي ستي حقك عليا انا غلطان ..قوليلي اي الي حصل في الشهر دا
سيليا بضيق :مش فاكره ..وابعد بقاا عشان انا مش طيقاك
غيث باستغراب : ي بت انا لمستك مانا بعيد اهو وبعدين عماله تقطمي في امي من الصبح وانتي مش فاكره اصلاً اي الي مضايقك مني طب انا ارد عليكي اقولك اي
دا حتي مفيش حمدلله ع السلامه اي حاجه دا انا جاي من المطار ع هنا ي مفتريه
سيليا بغيظ:عايزني اقولك حمدلله ع السلامه ماشي ي غيث
وقفت ونطت عليه بكل قوتها وفي ايديها قفزات الملاكمه وبتضرب فيه وهو بيضحك وبيحاول يبعدها :ي مجنونه خلاص ..ههههههههه  ي بت خلاص اهدي يخربيتك
سيليا بغيظ وهي تكيل له اللكمات لكنها ضعيفه بالنسبه لجسده القوي مقارنه بجسدها الضعيف :انا مجنونه ماشي ي غيث
غيث ثبتها ومسك ايديها ولف بحركه سريعه وبقت هي ع ارضيه الحلبه وهو مثبت ايديها وباصص في عينيها بتحدي : ي بنتي قولتلك انتي مش قدي بلاش لعب الكبار دا مش مقاسك
بردوا سيبتك شهر ولسه هبله زي ماانتي متغيرتيش
سيليا بتحاول تخلص ايديها من قبضته لكن مش قادره وبتبصله بغيظ:اوعي سيب ايدي
غيث بتحدي:تؤتؤ مش هسيبها غير لما تتأسفي وتقوليلي حمدلله ع السلامه وتاخديني بالحضن كمان
سيليا بضيق :حضن اما يلهفك ي بارد ال اتأسف ال دا انا لو طولت اقتلك هعملها اوعي بدل ماااحد يدخل ويشوفنا في الوضع دا هيفهم غلط
غيث ببرود :يدخل عادي وقتها هضطر استر عليكي وهدبس واتجوزك
سيليا بغضب :تدبس ..ليه ي بابا قالولك مشلوله ولا ناقصه ايد ولا ناقصه رجل ما تفوق دا انا سيليا الي شباب مصر يتمنوا بس ابصلهم
غيث بصلها بغضب وكأنها فجرت قنبله لا تعرف نسبه خسائرها :انا قولتلك ي سيليا بلاش الهزار دا
لان الي هيفكر يبصلك هقتله اما انتي بقاا لو فكرتي وبصيتي دا انا هسلخك وعضمك هكسره زي حبات السمسم كدا ولحمك هفرمه فاهمه
سيليا بلعت ريقها بخوف واردفت بمزاح يمزجه الخوف  :هو انت بتصدق كدا بسرعه انا بضحك معاك
غيث بعيون بتطق شرار :ولا هزار ي سيليا فاهمه
سيليا هزت راسها بخوف :حاضر
غيث نفخ بضيق وفك قبضته عنها ووقف وقومها :ودلوقتي يلا عشان اوصلك
ادخلي غيري هدومك
رجع لنظره عينيه الشيطانيه وبصلها. ثواني بس فيه حد شافك باللبس دا
سيليا بصت ع نفسها وبصتله بخوف من نظره عينيه وهزت راسها بالنفي وهي بتردف بتوتر:لا ..انا حجزته تدريب خاص
غيث اتنهد باطمئنان :طيب تمام اتفضلي ادخلي غيري هدومك وانا مستنيكي متتأخريش
سيليا هزت راسها ودخلت الحمام بسرعه زي الاطفال الي خايفين من العقاب اما هو فأبتسم واردف :وحشتيني ي مجنونه
♥️♥️♥️♥️♥️♥️♥️♥️♥️♥️♥️♥️♥️♥️♥️
كانوا يتجولوا هنا وهناك وهو يشعر بالملل
ادم بزهق :ي حبيبتي احنا بقالنا ثلاث ساعات بنلف ومفيش حاجه عجبتك
اميره زمت شفتيها :ماهو مفيش حاجه حلوه ولو لقيت مش بتبقي مقاسي
ادم :طيب خلينا نمشي ونبقي نروح بعدين مكان تاني
اميره بصتله بنظره الاطفال :لا عشان خاطري هو خلاص باقي المحل دا
ادم اتنهد بزهق :ي بنتي احنا لفينا المنطقه كلها انا اصلاً مش عارف اشمعنا المكان دا الي اصريتي عليه مااحنا كنا روحنا اي مول اشترينا الي احنا عايزينه
اميره بتشدد ع قميصه :عشان خاطري انا بحب اجيب كل حاجه من هنا ع طول
ادم بقله حيله :ماشي ي اميره اخر محل
اميره صقفت بحماس ودخلت المحل وهو مستنيها بره لان كان خاص بالسيدات فقط
دخلت وهي بتبص هنا وهناك وعجبها فستان قصير ومغري جداً
خدته ودخلت البروفه تقيس
بعد وقت واقف ادم برا وهو ينفخ بضجر وزهق وينظر لساعته بسبب تأخيرها المبالغ فيه
واضطر اخيراً انو يدخل ويبحث عنها لكن العامله انكرت دخولها عندما سالها وهنا جن جنونه
ادم بغضب :يعني اي مفيش حد دخل انتي عبيطه
مراتي دخلت هنا من ربع ساعه وانا كنت مستنيها برا
العامله بخوف من غضبه :ي فندم انا معرفش انا واقفه هنا من الصبح وبأكد لحضرتك ان  مرات حضرتك مدخلتش
زاد غضبه وهو يبحث عنها في المحل بأكمله حتي مكان تغيير الملابس ومنع خروج العامله بالمحل
ثم تذكر شئ ونظر للعامله ثم اردف:فين الكاميرات الي هنا
العامله بتوتر وهي تشير باصبعها :ااهي ي فندم
قرب ادم من الشاشه  وبدا يتفحصها ويسترجع التسجيل من بدايه اللحظه الي دخلت فيها اميره والي مكنوش لحقوا يفرغوه وشافها لحد ما دخلت البروفه ولم تخرج نهائياً
قرب من العامله وسحبها خلفه وهو رايح ناحيه البروفه وفتحها وزقها فيها وهو يصرخ بها: في اي باب سري هنا
العامله بخوف وبتنفي براسها:لا ي فندم مفيش اي حاجه انا بقالي خمس سنين بشتغل هنا ومفيش اي حاجه من دي
ادم اقترب منها بغضب وهو يضع يديه اسفل راسها ويضغط بقوه :اقسم بالله لو ما قولتي مراتي فين لدفنك هنا
ادم وهو يضغط بجسدها ع الحائط ضغط ع زر مخفي وفتح باب سري في الحيطه
نظر له ادم ثم نظر للعامله وسحبها خلفه وهو يدخل الي الامام والايد الاخري يحمل مسدسه
كان الباب السري امامه ممر طويل وكانت البنت بدات تصرخ لكنه حذرها بقتلها
وكان كل ما يقرب يسمع اصوات غير واضحه لكن بتوضح مع القرب وفي نهايه الممر غرفه مغلقه الباب
البنت حاولت تصرخ لكنه ضربها بضهر المسدس ع راسها وفقدت الوعي ثم تركها ع الارض وقرب من الغرفه وسامع صوت شخصين
جهز مسدسه والايد الاخري ع مقبض الباب ثم فتحه دفعه واحده وهو يردف :كل واحد يفضل مكانه محدش يتحرك
الشخصين اتخضوا من وجود ادم ورفعوا ايديهم لفوق
وعينيه بتتجول في انحاء الغرفه وشاف ابشع منظر ممكن اي حد يشوفه لكن بالنسباله كظابط متعود
كانت الغرفه عباره عن ادوات جراحه ودم في كل مكان وسيدات متكتفين وفاقدين الوعي في جانب في الغرفه لحد ما عينيه وقعت عليها شافها وسطهم فاقده الوعي ومتكتفه
فاق ع حركه واحد منهم وهو بيشد مشرط وبيقرب منه بسرعه وزقه ع الحيطه والاخر حاول الهروب لكن ضربه ادم بقوه ومسك الشخص الاخر وضربه بقوه وعنف اكبر
ثم اقترب من اميره وهو بيحاول يفوقها وفي خلال ساعه كان البوليس منتشر في المكان وقبضوا ع الشخصين والعامله
في سياره الاسعاف فاقت اميره وهي بتفتح عينيها وبتبص حواليها وشافته قاعد قصادها وباصصلها
اميره بصوت هادي ومتعب :انا فين
ادم بهدوء:انتي في عربيه الاسعاف متخافيش ي حبيبتي مفيش حاجه بس انتي اي الي حصلك
اميره اتعدلت في نومتها بتعب وتضع يدها ع راسها:انا مش فاكره حاجه غير اني دخلت عشان اقيس فستان عجبني
وفي البروفه شميت ريحه غريبه وبعدها محستش بحاجه
ادم ابتسم بهدوء:ايوا ما هي الموظفه قالتلي كدا بردوا
انتي اتاخرتي اوي فا دخلت اشوفك لقيتك مغم عليكي في البروفه فا طلبتلك الاسعاف
انحني بجسده واقترب اكثر منها :انتي كنتي عايزه تشوفي غلاوتك عندي ولا اي
اميره ابتسمت بخجل :لا خالص والله انا معرفش حصلي كدا ازاي
ادم غمزها بمزاح:ولا يهمك
كلوا فداكي ضهري الي اتقطم وانا بشيلك فداكي وكمان الخضه دي فداكي
اميره وهي مبتسمه:انت بايخ ع فكره قصدك تقول اني تخينه
ادم ابتسم:لا خالص ي روحي انتي عود فرنساوي اصيل
اميره اتغاظت وهي حاسه انو بيتريق :بقا كدا ي ادم طب اتفضل روحني بقاا  رفعت صباعها بتهديد وخلي في علمك انت هتنام في اوضه تانيه
ادم بسخريه:اه دا عند طنط ان شاء الله ..سحبها من ايديها واترمت في حضنه وهمس. انهارده هتلبسي الفستان لازم اشوفه عليكي
لازم تعوضيني عن الي حصل
اميره اتكسفت وهي سانده ع صدره ومش قادره تبص في عينيه :ما هو خلاص بقاا الفستان في المحل نبقي نجيبه بعدين
ادم بمكر:مين قال كدا ي روحي الفستان معايا ..بقا معقوله مراتي حبيبتي عجبها حاجه وانا مجبهوش
اميره بعدت عن حضنه وبصتله بدهشه:معقوله في وسط كل دا منسيتش الفستان
ادم بحب:ولا اقدر انساه ابداً
غمزها بمكر :ها بقااا
اميره بخجل :ماشي
ادم ابتسم:ايوا كدا احبك وانت مطيع ي روحي
♥️♥️♥️♥️♥️♥️♥️♥️♥️♥️♥️♥️♥️♥️