في مكتبه بيحرك القلم بغير هدف وهو بيفكر ..قطع تفكيره صوت رساله ع الفون فتحها وكان مضمونها
(بلاش تدور ورايا انا مش سهل الوصول ليا ..قدامك يومين الفلاشه قصاد حياه سيلا والا هتحصل ايه)
مازن بيقرا الرساله مره واتنين وتلاته هيتجنن وهو مش عارف مين الي هو بيطارده وواضح ان الموضوع اكبر من الفلاشه والي موجود فيها لانه لما فتحها ملقاش فيها معلومات تستدعي ان يحصل كل دا
حاسس بلغز غريب في الموضوع ومطارده كبيره مش فاهم مصدرها
كان محتار لدرجه انو محسش بصديقه الي دخل والقي السلام وقعد وكل دا وهو غير منتبه ليه
ثائر استغرب :في حاجه ي مازن مالك ماسك الفون ومبرق كدا ليه
رما مازن الفون باهمال ع المكتب وبيمسح ع شعره بجنون وبيرجع ضهره للخلف ..استغرب ثائر والتقط الهاتف وقرا الرساله وفهم سبب جنونه
ثائر بصله واردف :ناوي تديهم الفلاشه
مازن هز راسه بنفي:الفلاشه مش هي السبب في كل دا الموضوع اكبر من فلاشه تافه فيها معلومات عبيطه هتودي واحد بس في داهيه وهما لو عصابه كبيره وواحد منهم وقع بيتخلصوا منه
لكن واضح ان فيه حاجه اكبر
ثائر اقتنع وهز راسه بتفهم:يمكن معاك حق فعلاً بس ليه خدوا سيلا قصاد الفلاشه
مازن سند ظهره بثقه:تؤتؤ سيلا قصادي انا مش الفلاشه
دلوقتي فهمت هما عايزني انا مش عايزين سيلا ولا الفلاشه
ثائر استغرب :طب وهما عايزينك انت ليه
مازن اتنهد :اهو دا الي انا مش عارفه
انتبه لشئ واردف :صح عملت اي في الارقام الي اديتهالك
ثائر بحيره:لسه مش عارفين الارقام دي هتوصلنا اي
احنا جربنا تكون باسورد فونها لكن مطلعش هو ..وشقتها ع مروحنا عشان نفتشها كانت فحمه
مازن خبط ع سطح المكتب وهو بيجز ع اسنانه بحده:اه ي ولاد الكلب بس اعرف انتوا مين وهجيبكوا كلكوا تحت رجليا
ثائر :طيب انا هحاول في موضوع الارقام تاني يمكن توصلنا لحاجه
مازن بغضب :مفيش حاجه اسمها يمكن انا متأكد ان الارقام دي هتوصلنا لحاجه وحاجه كبيره كمان بس انت ركز كويس ي ثائر
ثائر هز راسه :حاضر ..انا هروح اكمل تحريات
اما بالنسبه ل عز والاء فا هما ماشيين ع الخطه ومحدش خد باله من اي حاجه لحد دلوقتي بس احنا لازم نتحرك في اسرع وقت لان مده اقامتهم هناك قربت تخلص
مازن :هو قدر يعرف اي حاجه ..او يوصل ل مكان سيلا
ثائر :للاسف لا لسه موصلش ليها لكن وصل لمعلومات كتير تبع الشبكه والي منها بنشتغل وبنحاول نوصل لراس المدبر لكل حاجه
مازن بقوه:انا اهم حاجه عندي اوصل ل سيلا
ثائر بهدوء:مازن انا مقدر حالتك كويس وعارف هي بالنسبالك اي بس احنا مبنشتغلش بالمشاعر والعواطف دي عصابه لازم نوصلها ومنها هنوصل ل سيلا اكيد ..الموضوع محتاج وقت
مازن وقف وقرب من الحيطه وخبط بقوه ووجع:لحد امتي هفضل مستني وانا كل دقيقه بتعدي بحس بنار جوايا بتنهش فيا وانا مش عارف عملوا فيها
ثائر قرب منه وحط ايديه ع كتفه واردف باطمئنان :اطمن مش هيعملوا فيها حاجه وانا واثق ..طالما كل دا معملوش وبيهددوا بس يعني معناها ميقدروش يعملوا حاجه لانهم عايزينك انت ولو عملوا فيها حاجه هيبقوا خسروا
يمكن كلامه طمنه شويه وخلي ولو بصيص امل جواه ينبض من جديد واتنهد وربت ع كتف صحبه وشكره
♥️♥️♥️♥️♥️♥️♥️♥️♥️♥️♥️♥️♥️♥️
ESTÁS LEYENDO
قصائد الحب (الجزء الثالث من احببت عنادك)
Romanceقصيده بتحكي وتعبر عن حالتها وقت فرحها ووقت حزنها وقصيده هتعبر فيها عن وجعها. وخوفها وقلقها والي هيقدر بوجوده يطمنها ...... ( دي اول قصه ) واحده الظروف هتبقا اكبر منها وهيجي هو الفارس ويدافع عنها ويحميها من كل الي بيحاولوا يأذوها هيكون سندها وهيك...
