قصائد الحب (الجزء الثالث من احببت عنادك)

البارت 14

مفاجأه...مفاجأه ..مفاجأه ....اولاً كل سنه وانتوا طيبين وعيد سعيد عليكو يارب
ثانياً وحشتوني جداً جداً ..وبجد راجعه عشانكوا ..واسفه ع التاخير الطويل دا بس بجد كان غصب عني ..الحمدلله قدرت ارجع واكتب وقررت بالمناسبه السعيده دي افاجئكوا وانزلكوا بارت ..يارب يعجبكوا وبشكر كل الناس الي وقفت جنبي منكو وكل كومنت وكل ماسدج فرحتني من قلبي ربنا يخليكوا ليا ♥️♥️🙊😍
في الاستديو واقفه قصاد الكاميرا وهي انهارده هتتأهل ولاول مره هتبدا تحقق حلمها ...بدات تقف بأنوثه وجمال عشان التصوير وطبعاً مع نظرات اعجاب من كل الي في الاستديو وغيره من البنات الي معاها في نفس الاستديو ...طبعاً كانت الاول خجوله لكن لما شافته قصادها بدات الثقه ترجعلها من تاني ونظرات عينيه ليها بترجع الامان لعينيها ... وقفت بثقه وبصت للكاميرا وبتتصور وفي اخر صوره اردف المصور وهو يقول : هو جمالك دا طبيعي ...اصل بصراحه عمري ما شوفت جمال بالشكل دا ..انا متأكد انك هتخطفي الانظار من اول مشهد
طبعاً اميره كاتمه ضحكتها وهي شايفه ادم واقف وراه وسمع كل كلمه قالها وبيكور قبضه ايديه بغيره واتحولت ملامحها لتوتر وخوف لما لقته بيقرب للمصور اكتر وملامحه حاده وقف قصاد الكاميرا وقصاده وهو بيضغط ع اسنانه :سمعني كدا قولت اي
المصور بصله باستغراب وهو ميعرفش مين دا وكان ماسك الكاميرا في ايديه:قولت اي في اي
مش فاهم حضرتك وبعدين انت مين عشان تقاطعني عن التصوير بالشكل دا
ادم بهدوء يسبق العاصفه :بغض النظر عن التعارفات ومش هفضل كل شويه اقول انا امين عشان اتكلم مع اي حد
اولاً انا اقدر اقاطعك في اي وقت وفي اي مكان زي مانا عايز ..شاور ع الكاميرا واردف. واقدر كمان اخد الكاميرا دي واكسرها مليون حته قصاد عينيك
بس انا هكتفي بتحذير صغير ..اميره اوعي تفكر انك تتكلم معاها او تنطق كلمه ليها ل حلوه ولا وحشه ..والا هساوي وشك الي انت فرحان بيه دا بالاسفلت اكمل بحده قويه. فاااهم

المصور استغرب حدته وهو مش عارف مين دا وكمان تهديده ليه بالشكل دا خلاه انفعل وهو بردوا لسه ميعرفش مين الشخص الي بيهدده كدا وكان لازم يرد كرامته وخصوصاً قصاد كل البنات الي موجودين في الاستوديو ...بصله بغضب واردف بقوه :وانت فاكر لما تاخد الكاميرا انا هسكت

ادم ابتسم بمكر وبرود في نفس الوقت :مانا عايزك تتكلم صدقني مش هتلحق تقفل بوقك ... ربع ايديه بغرور واكمل. بس انا من رأي انك متتكلمش احسن بدل ما النفخه الكدابه دي قدام البنات عشان تبان انك هيرو يشوفوك وانت بتفرفر ع الارض زي الكتكوت المبلول
رفع حاجبه واردف ..رايك اي بقاا

طبعاً المصور قلق من نظرات ادم ليه وثقته لكن غروره خلاه ميتنازلش ولا يخضع لتهديده واكمل بتحدي:ولو انا الي خليتك بتفرفر ع الارض هتقولي هي تقربلك اي الي انت عمال تدافع عنها دي

ادم ضحك بقوه واستهزاء :هههههههه وبصله مش مستاهله تعمل تحدي عشان تعرف لاني اولاً انا مش فاضيلك ..ثانياً بص لاميره وحاوطها من خصرها ورجع بصله بجديه دي حرم الرائد ادم السيد
ثالثاً بقاا ودا الاهم مش انا الي استغل نفوذي وافتري ع خلق الله وادخل في تحدي تافه انا بس بحذرك انك تبصلها او تتكلم معاها