قصائد الحب (الجزء الثالث من احببت عنادك)

البارت 15

خارجه من اوضتها ومشيت ممر طويل جداً لحد ما وصلت عند اوضته وهي متوتره خايفه حد يشوفها خبطت خبطتين صغيرين ع الباب ..لكن مسمعتش اي رد خبطت تاني وبردوا مفيش رد فتحت الباب ودخلت ..شافته وهو بيجري ع المشايه وحاطط السماعات في ودنه ..قربت منه وشالت السماعات :عماله اخبط من بدري والاستاذ عمال يدبدب ع الزفته دي ومصدعنا
انتبه ليها ووقف المشايه ونزل ومسك الفوطه وبيمسح عرقه وهو بيقول :هي دي صباح الخير ع الصبح وبعدين الباب عازل لصوت انتي سمعتيه ازاي وكمان اوضتي بعيده جداً عن اوضتك سمعتيه بردوا ازاي
سيليا بصتله بضييق :صباح الزفت ع دماغك دا اولاً ..ثانياً بقاا انا مش جايه احكي معاك ..انا جايه اقولك حاجه واحده ..انا هحاول ع اد مااقدر متعاملش مع اي راجل لكن في الوقت الي هكون مضطره فيه هتعامل ..
غيث بهدوء:مفيش حاجه اسمها مضطره الموظفين ومحدش هيكلمك والمديرين كدا كدا دول باباكي وجدك مفيش مشكله ..فين المضطر في كدا
سيليا :فيه عملاء بتعامل معاهم ..فيه تعاقدات مع شركات ..
فيه شغل كتير انا الي بخلصه وجدو بيتعمد عليا فيه
غيث بنفس الهدوء: في الحالات المضطره دي وقتها تكلميني وانا هاجي معاكي
سيليا بضييق :ازاي يعني ..هو انا طفله عايزه ابوها معاها عشان خايفه
..انا كبيره ي غيث واقدر اعتمد ع نفسي
غيث :انا مقولتش انك صغيره ولا طفله وعارف انك تقدري تعتمدي ع نفسك بس انا اكيد مش هسيبك تقعدي مع رجاله لوحدك ..دا انا اروح اركب قرون احسن
سيليا بتدبدب ع الارض بغيظ:هو انا هقعد اهزر دا شغل
غيث :عارف انك بتحطي حدود وعارف طريقتك واسلوبك ي سيليا وواثق فيكي لكن مش واثق فيهم هما ..حد يرخم كدا ولا كدا وقتها مش هسمح ب دا عشان كدا لازم اكون معاكي ..ودا اخر كلام عندي ي سيليا
وبعدين اخلصي خشي غيري هدومك عشان ننزل نفطر لان دلوقتي هتلاقي ماما بتخبط ع كل الاوض ولو لقيتك هتبقي فضيحه في القصر كله
سيليا مدت شفتيها :ليه يعني هي قفشاني ع سريرك
غيث :لا ي اختي قفشاكي في اوضتي  غمزها بمكر :بس لو عايزاها ع سريري انا موافق
سيليا بصتله بضيق :لم نفسك ي غيث ..انا كل الي في القصر عارف اخلاقي كويس وعارف انا تربيه مين. وبعدين مانا لابسه اهو اروح البس اي
غيث رفع حاجبه بقوه :نعم!!! انتي عايزه تفهميني انك هتروحي الشركه كدا
سيليا بصت ع لبسها باستغراب الي كان عباره عن چيب قصيره وبلوزه مفتوحه من عند الصدر ورافعه شعرها لفوق كحكه :مالو لبسي ما كويس اهو
غيث بيضغط ع اسنانه بقوه:لا دا سلامه نظرك ..تروحي حالاً ي سيليا تغيري المسخره دي وهعدي عليكي انهارده بعد الشغل نروح نشوفلك لبس عدل شويه عن القرف دا
سيليا بغيظ:انا لبسي قرف ي غيث.  اكملت بعند وتحدي. طب اي رايك بقاا اني مش هغير حاجه وهنزل كدا وهروح بيه الشغل
غيث بقوه :طب فكري تحطي رجلك ع السلم كدا بس وانا هقطعهالك ي سيليا واللبس دا برا اوضتك نفسها متخرجيش منه ..فيه رجاله في البيت
فاهمه ..تخرجي من هنا ع طول ع اوضتك جري من غير ما حد يلمحك
سيليا بتدبدب ع الارض زي الاطفال بغيظ: يوووه بقاا ..انت بارد
غيث بسخريه :انا لو بارد ي اختي كنت هوافقلك ع المسخره دي لكن انا راجل دمه حامي وميقبلش انك تنزلي بالشكل دا وبصوت قوي جااد
اتفضلي يلااا
مشيت سيليا وهي متغاظه ودخلت اوضتها ومكنش حد شافها وكان غيث مراقبها لحد ما دخلت اوضتها وبمجرد ما دخلت ابتسامه شقت طريقها وسيطرت ع ملامحها وهي عارفه انو هيعمل كدا وقصدت انها تلبس اللبس دا عشان تثير غيرته ..دخلت غرفه اللبس الخاصه بيها والابتسامه مرسومه ع وشها ابتسامه انتصار ومكر. في وقت واحد ..غيرت هدومها ولبست بنطلون اسود قماش واسع وعليه بلوزه بيبي بلو وعملت شعرها ديل حصان ونزلت خصلتين من قدام ولبست سلسلتها المفضله الفضه
...
ع السفره الكل اتجمع معاد هي والكل بدأ في الاكل ..نازله ع السلم والتفت بطرف عينيه ليها عشان ميجذبش نظرات الموجودين وابتسم ب رضا من الي هي لبسته ورجع كمل اكل وكأن شيئاً لم يكن لكن كان واخد باله من النظرات دي فهد وبمجرد ما قعدت سيليا ع السفره
فهد وهو مبتسم بصلها :اي ي لولو القمر دا
سيليا ابتسمت :ميرسي ي جدو ..وبعدين احنا نيجي حاجه جنب القمر الي قاعد جنبك
غرام ابتسمت :ي بت ي بكاشه طول عمرك لمضه ولسان وبس زي عمتك
فهد ضحك :هههههههه في دي عندك حق ..بس مش مكبرك اللبس دا فين اللبس الي كنتي لبساه قبله
سيليا شرقت وهي بتاكل وكانت بتكح :كح كح
قربتلها المايه لمي عمتها الي كانت قاعده جنبها وشربتها وفهد باصصلها بنظرات ماكره
سيليا شربت وبدات تاخد نفسها وبصتله وهي متوتره :اصل..اصل ي جدو ..ااه. وقع عليه عصير فاا غيرته
فهد باقتناع مصطنع:امممممم بس عندك لبس احلي من دا بكتير
انا من رأي تلبسي الفستان الي جبتيه الاسبوع الي فات كان يهبل عليكي
سيليا بصت لغيث ولفت لجدها بسرعه بتوتر :ما هو ي جدو انا رجعته لان شكله معجبنيش قولت اجيب واحد غيره انهارده
صقر غمز فهد بمزاح : اي ي فهد باشاا مالك مركز مع لبس سيليا كدا ليه
دا انت مش مركز مع ماما زيها
فهد رفع حاجبه وهو بيبص ل سيليا بنظرات ماكره وواثقه ميقدرش يتخلي عنها ابداً : مش لازم اكون مركز مع حفيدتي ولا اي
وبعدين انا مركز مع كل واحد هنا في القصر
لف وبص ل غيث وبيوجهله كلام ..الا قولي ي غيث صح رجلك اخبارها اي دلوقتي
غيث حمحم بتوتر لكن قدر يستعيد قوته واتكلم بهدوء وابتسامه صافيه : بخير الحمدلله ي جدو مفيهاش حاجه
لمي بصت ل غيث بقلق :مال رجلك فيها حاجه
غيث وهو بنفس ملامحه :لا ي ماما متقلقيش مفيهاش حاجه انا اتخبطت بس لكن بسيطه
شريف باستغراب :مالك ي فهد نازل استجوابات في العيال كدا ليه
فهد بهدوء:مش بطمن ع احفادي ..وبعدين ركز انت في الي بتعمله ..قاعد كدا مش عارف اي الي بيجرا حواليك
شريف بثقه :الكلام دا تقوله لحد غيري انا بعرف كل حاجه وانا قاعد في مكتبي
فهد بتهكم : ونبي ولا عارف اي حاجه في حياتك
غرام اتكلمت تمنع النقاش او الخناق الي كان ممكن يحصل بعد شويه :ناويين تاكلوا اي صح ع الغداء نعمله
فهد مسك ايديها وباسها برقه :اي حاجه من ايديكي حلوه ي حبيبتي
سمعوا صفير من الشباب وغمزات من الكبار
وصوت فاجئ الكل وهو واخد وضعيه التصوير ومعاه الكاميرا :هوب اثبت مكانك خلص واتعدل في وقفته وهو مبتسم وبيتكلم بطريقه مسرحيه  :واهي اتسجلت اجمل لحظه بين فهد باشاا وغرام هانم
قامت چيسي جريت عليه وحضنته وهو بادلها الحضن ودمعت بفرحه:وحشتني اوووي ي ابني وحشتني اوووي ي ايهم
ايهم بابتسامه صافيه :وانتي كمان ي ست الكل وحشتيني
سلموا الكل عليه وقعد ع السفره جنبهم وهو بياكل بسرعه
شريف بغيظ: ي ابني كل براحه هو الاكل هيطير
ايهم وهو يمضغ اللقمه في بوقه :جعان اووي ي جدو
شريف بسخريه : ليه ي روح جدو مكنش بيأكلوك في امريكا ولا اي
ايهم هز راسه وهو يضع الشوكه في بوقه:لا كانو بيأكلوني بس اكل مصر لا يعلي عليه ي حجوج
شريف بقرف :حجوج ..يارب عوض عليا عوض الصابرين
ونيلت اي هناك بقاا في امريكا
ايهم خبط ع دماغه ..اووبس دا انا نسيتها
الكل استغرب واردف عمار باستغراب :نسيت مين
شاورلهم ايهم بايديه يستنوا وخرج برا الفيلا ودخل تاني ومعاه واحده اجنبيه واردف ايهم وهو بيشاور عليها :اقدملكوا ي جماعه مونيكا حبيبتي
الكل اتصدم وعمار وقف بغضب :حبيبه مين ي روح امك
ايهم بمزاح :هدي نفسك ي حج مش كدا ..شكلنا اي قدام الخواجات
هو من حسن حظي انها مش بتعرف عربي فا اشتم براحتك ي حج
بس من غير ضرب ..
البعض بيضحك ع مزاح ايهم وهو شخصيه مرحه ومحبوبه من الكل
لكن وقفت ليان وهي بتحاول متبينش اي حاجه واستاذنت: طب عن اذنكوا انا هطلع اوضتي
طلعت ليان لكن الكل كان فاهم نظراتها وعارفين حبها ل ايهم
اما هو فمكنش فاهم قرب عمار من ايهم ومسكه من. دراعه وشده بعيد عن مونيكا :ولااااا تاخد البت دي وتوديها في اي مكان
ايهم :مينفعش ي حاج دي اجنبيه وملهاش حد هنا غيري واحنا هنتجوز كلها كام شهر بس ..هتقعدهم هنا لحد ما نتجوز
عمار بغضب :الكلام دا ع جثتي ..انت لما هتتجوز هتتجوز مصريه من بلدنا نعرفها وتعرفنا مش جايبلي واحده مش عارف منين والله اعلم اخلاقها اي تتجوزها وتربيلك عيالك
ايهم :ي حاج افهمني مونيكا دي كويسه جداً وانا اعرفها وانت حضرتك لو عرفتها هتحبها
فهد قاطعهم :خلاص ي عمار انا موافق انها تعيش هنا
ودي كانت صدمه تانيه بالنسبه ليهم من شخصيه زي فهد انو يوافق ع حاجه زي كدا
كمل فهد :قصر الزيني مفتوح دايماً لأي ضيوف ويتعاملوا احسن معامله
ايهم قرب من فهد وباسه ع خده :حبيبي ي جدو .. طول عمري بقول انك حبيبي
محدش اعترض او رد كلمه فهد وفعلاً اتوضبت اوضه ل مونيكا
وفي غرفه طالع منها صوت عياط ونحيب ..كانت هي دافنه وشها وبتعيط بحرقه سمعت خبط ع الباب اتخضت مسحت دموعها بسرعه وقامت فتحت ابتسمت بهدوء بتداري حزنها :اتفضل ي جدو
دخل شريف بخطوات ثابته وواثقه وقعد ع طرف السرير وبصلها وشاور جنبه :تعالي اقعدي ي ليان عايز اتكلم معاكي
قربت ليان وقعدت جنبه وبتحاول تبعد عيونها عنه عشان ميكتشفش حاجه
شريف ابتسم بثقه : بتخبي عيونك عن مين ..ي بنتي دا معجزش من الفراغ
انا حافظ النظرات دي كويس وفاهم الي جواكي
ليان اتوترت :حضرتك قصدك اي ي جدو انا مش فاهمه حاجه
شريف :امممم طيب مع اني عارف انك فاهمه بس هبسطهالك اكتر
مش ايهم حفيدي بس ابن كلب ومش مقدر قيمه النعمه الي قصاده بس احنا بقاا هنخليه يقدرها ويشيلها في عينيه كمان
ليان متوتره وبصه في الارض :انا مش فاهمه حاجه ي جدو
شريف بثقه:لا انتي فاهمه ي روح جدو
ايهم قدامه شهور ويتجوز الاجنبيه دي ..يرضيكي الاجنبي ينتصر ع المصري القمر دا
ليان اتكسفت وبتفرك في ايديها بتوتر :طب وانا مالي ما يتجوز دي حياته وهو حر فيها
شريف اتنهد ووقف :طيب خلاص طالما هو حر
مشي شريف وخرج برا اوضتها وهي قاعده محتاره وحسها بوجع في قلبها لما عرفت انو هيتجوزها ورجعت دموعها ع خدها من جديد
♥️♥️♥️♥️♥️♥️♥️♥️♥️♥️
في المول كانت بتختار لبس كتير وتدخل تقيسه وتطلع توريهوله وكان كل اجاباته بتنتهي برفض ع اتفه الاسباب لا قصير ...لا مفتوح ...لا ضيق ...وهكذا
اختار هو لبس وادهولها وكان الرفض من عندها هي ..وكان فيه بعض اللبس الي عجبها وكان ذوقه فيه يجنن
خلصوا وخرجوا وهي بتتنهد بتعب وماشيه :انا تعبت اوووي انهارده
حرام عليك بجد ..يعني مش كفايه الشغل كمان شوبينج ..
غيث بسخريه : دا ع الاساس اني كنت بعمل صينيه بطاطس
مانا بردوا جاي من الشغل ونازل معاكي ..
سيليا بصتله بغيظ :بقولك اي ..انت تسكت خالص ..مش كفايه بسببك كان شكلي زباله انهارده قدام جدو ..هو اكيد عرف حاجه
غيث بهدوء :طب وفيها اي لما يعرف هو احنا بنعمل حاجه غلط
مااحنا هنتجوز
سيليا بصتله باستغراب وكأن الفكره كانت تايهه عنها :نتجوز!! انت عمرك ما جبتلي سيره الجواز
غيث رفع حاجبه :نعم ي اختي ..وهو بعد كل دا هنعيش مع بعض اخوات ولا اي مااكيد في الاخر هنتجوز
سيليا :طب واحنا مستنين اي
غيث بصلها بتفهم وهو مكمل مشي :مستنين نفهم بعض اكتر ..نعرف بعض
انتي مش ملاحظه من اول ما فتحنا عنينا ع الدنيا واحنا بناقر في بعض بس ..عمرنا ما قعدنا وعرفنا كل واحد عايز اي من التاني ..
مش كفايه اننا بنحب بعض ..لازم اعرف انتي اد المسئوليه ولا لا
طب بتحبيني فعلاً ولا بتنفذي كلامي عشان خايفه او مجرد تنفيذ كلام وخلاص
شاف مطعم قدام المول شاور عليه وهو ماسك الشنط في ايديه :بقولك اي تعالي ندخل ناكل ونكمل كلامنا
وافقت وحطوا الشنط في العربيه ودخلوا المطعم وطلبوا الاكل
بعدها غيث بصلها وكمل :هاا رايك اي في الكلام الي قولته
سيليا بتفهم:انا فهمت كل كلامك ومقتنعه بيه وعارفه ان الحب مش كل حاجه ومش هو الي هيربي ولادنا وان لازم نكون اد المسئوليه ونكون مستعدين ليها ..وانا بصراحه حاسه اني لسه مش جاهزه اشيل مسئوليه بيت واسره
انا يعتبر يومي كلوا بيخلص في الشغل والمشاوير
غيث بهدوء: افهم من كلامك انك مش عايزه تتجوزي
سيليا هزت راسها : لا ..مش جاهزه دلوقتي ..مش مستعده للخطوه دي
غيث حط ايديه ع خده وبسخريه:وهتستعدلها امتي بقاا
سيليا ضمت حواجبها باستغراب :هو انت ليه محسسني ان انا بس العائق ماانت بردوا لسه قايل احنا محتاجين نقعد ونتكلم بهدوء ونبطل نناقر بعض
يعني انت بردوا محتاج تفهمني وتعرف عقلي ماشي ازاي