قصائد الحب (الجزء الثالث من احببت عنادك)

البارت 12

في المستشفي فتحت عينيها وشافته قصادها بصت الناحيه التانيه وكانت الممرضه بتعلقلها المحاليل
مريم بصت للممرضه بجديه:انا عايزه اخرج ..شيلي البتاعه دي عشان امشي
الممرضه بصت ل نائل ورجعت بصت ل مريم بهدوء:مش هينفع ي انسه
انتي لسه تعبانه والدكتور مكتبش ع خروج
مريم بحده :انا مليش دعوه بكل دا بقولك عايزه امشي
نائل بهدوء:مريم اهدي وخليها تشوف شغلها ..انتي مش هينفع تخرجي انتي لسه تعبانه
مريم اتجاهلت كلامه وكأنه مقالش حاجه وهي لسه بصه للممرضه بحده وبتحاول تقف وتشيل الكالونا وهي بتحارب الدوخه الي احتلت جسدها :انا همشي يعني همشي
نائل قرب منها بسرعه ومسك ايديها بقوه وغضب :قولتلك اهدي ..اي محدش عارف يسيطر عليكي
بص للممرضه بجديه تعالي كملي شغلك
الممرضه قربت من المحاليل بخوف من غضبه وجنونها ومستغربه استسلامها الغريب قدام قبضته لكن ازاي تستغرب وهي نفسها خافت من حدته وصوته ..خلصت المحاليل ولمت حاجتها وخرجت بسرعه وسابتهم
نائل فك قبضته عنها واتنهد وسحب كرسي وقعد قصادها وهي انكمشت ع نفسها ع السرير وضامه رجليها لعند وشها زي الاطفال
نائل مسح ع وشه بهدوء وبصلها:ليه عملتي كدا في نفسك
مفيش رد بينها وبينه لكن كان الرد بينها وبين نفسها :معقوله كل دا مش واخد باله ليه عملت كدا ..معقوله محتاج يفهم ويعرف اني بحبه ومستحيل اتحمل اشوفه مع واحده غيري
مريم :محدش ليه دعوه بيا انا حره
نائل :لا مش حره دي مش حريه انك تنتحري انتي عارفه كويس اوي ان دا حرام ..
مريم دمعت بضعف وغمضت عينيها مش قادره تتكلم
نائل بصلها بعطف وملامحه لانت حتي نبره صوته وايديه لمست خدها بنعومه بتمسح دموعها :ليه الدموع دي كلها ..مفيش حد يستاهل دموعك دي
مريم بحزن :لا فيه بس هو مش واخد باله
نائل فهم انها بتتكلم عن حبيبها اضايق ورجعت ملامحه شدت:وهو فين دلوقتي
مريم بصتله باستغراب من سؤاله وكمان حده صوته الي اتحولت فجاه:هو مين دا
نائل :حبيبك
مريم اندهشت وقعدت ع السرير وبصتله :حبيبي
نائل بجديه:اه حبيبك هو مش دا الي انتحرتي عشانه ودلوقتي بتعيطي عشانه
مريم سكتت مش عارفه تقول اي ..تقول انها حاولت تنتحر عشانه هو وبتعيط وموجوعه دلوقتي بسببه هو
نائل اضايق من سكوتها وتصنع اللامبالاه:ع العموم انا ميهمنيش الي يحصل بينكوا ..انتوا حرين
مريم باستغراب :بين مين انا مش فاهمه حاجه
انا مليش حبيب
نائل برغم فرحته لكن استغرب :ازاي ..انتي مش قولتي ل ندي انك مش عايزه تكملي معايا عشان بتحبي واحد تاني
مريم اندهشت:انا مقولتش الكلام دا ..انا مليش حبيب غيرك
نائل :غيري يعني انتي لسه ...
مريم هزت راسها ودمعت :اه لسه بحبك
بس انت محبتنيش بدليل ان اول ما سيبنا بعض روحت خطبت صاحبتي
نائل بيمسح ع شعره بذهول وبصلها :انا خطبت ندي عشان اجرحك زي ما جرحتيني
انتي الي بعتيني مش انا ..روحتي سمعتي كلام صاحبتك وغيرتي في طريقتك واسلوبك معايا
كنتي عايزاني افهم اي غير انك مش عايزاني
مريم بحزن :انا عمري ما كنت مش عايزاك ولا استجري اقولها
انا بحبك والله بحبك ..عارفه اني غلطت بس انا كان جوايا خوف
انك تكون مش بتحبني وان ازاي واحد غني زيك يبص لواحده تربيه ملاجئ زي
نائل بدهشه:معقوله مش واثقه في نفسك لدرجه دي ..مش واثقه في حبي ليكي ..انا عمري ما حسيستك بكدا ابداً
بالعكس انا اتشديت ليكي حتي من قبل ما تقولي حكايتك
مريم دمعت بندم:كان شيطان بيوسوس في دماغي
بس والله عمر ما حبي ليك قل
انا اتكسرت وادمرت بعد ما بعدت عني واستحملت وجع محدش يستحمله وانت قصاد عيني وندي هي الي مكاني مش انا
وكسرتي وانتوا ماسكين ايد بعض وبتعلنوا عن خطوبتكوا
متتخيلش الدنيا اسودت قدام وشي ازاي
نائل كان مذهول من الي بيسمعه :يعني كل دا مكنش عشان متخانقه مع حبيبك او فيه مشاكل بينكوا
مريم مسكت ايديه برقه وندم وحزن :انت هو حبيبي
ايديها لمست دبلته كأنها بتمنعها وبتقولها تشيل ايديها وفعلاً سحبت مريم ايديها بوجع بتقنع نفسها انو مينفعش
نائل خد باله وفهم هي سحبت ايديها ليه ورفع ايديه قصاد عينيها وبيشاور ع الدبله :مش فاكره الدبله دي
مريم بصت بتركيز وخدت بالها ان دي الدبله الي اختارتها ع ذوقها ليه وبصتله :انت مغيرتهاش
نائل هز راسه بنفي:لا ومش هغيرها ابداً
طلع دبلتها من جيبه ولبسهالها :وانتي بردوا مش هسمحلك ابداً انك تقلعيها من بعد انهارده
مريم ابتسمت وهزت راسها بسعاده:حاضر
بادلها الابتسامه وباس ايديها برقه الي كان ماسكها
افتكرت واختفت الابتسامه:بس انت خاطب
نائل بلامبالاه:ايوا وفين المشكله
مريم :يعني اي فين المشكله تخطب اتنين في نفس الوقت ازاي
نائل ابتسم ببرود :عادي ي روحي الشرع يحللي اربعه
مريم بغضب :نااااااعم اربعه اي ان شاء الله
نائل ضحك:ههههههههه انتي مالك اتحولتي فجاه كدا ليه انا بهزر
متشغليش بالك انتي باي حاجه المهم تخرجي من هنا بالسلامه ولينا كلام كتير اووي مع بعض
مريم باستغراب :كلام اي
نائل بغموض:لما تخرجي ي روحي
♥️♥️♥️♥️♥️♥️♥️♥️♥️♥️♥️♥️♥️
في مطعم في اسكندريه ع البحر.  خلص الاجتماع وطلب قهوه وهو حاسس بصداع بسبب كثره الشغل والتفكير
غمض عينيه واتنهد وهو بيسند بضهره ع الكرسي وقصاده صديقه باصصله باهتمام ثم اردف :مالك ي انس شكلك مش طبيعي
انس بيمسح عينيه بتعب وبصله بجديه:مش طبيعي ازاي يعني بشد في شعري ولا اي
رامي بهدوء :لا انا مقولتش كدا بس ع طول متعصب وبقيت حاد في معاملاتك كدا
انس رجع راسه لورا وبيمسح ع شعره:يعني هي اول مره متقلقش مفيش حاجه انا كويس
لمحها من بعيد قاعده ع تربيزه قصاده ومعاها صحباتها بتهزر وتضحك معاهم ومش واخده بالها من الي بيراقبها وعينيه متحركتش من عليها من ساعه ما لمحها
استغرب صديقه شبح الابتسامه الي ظهر عليه وهو من شويه كان جاد وعصبي وبص ع المكان الي باصص عليه واردف:انت بتبص ع اي
استغرب وبصله  هي مش دي عشق
فاق انس ع صوته وبصله ورجع لجديته :معرفش مش واخد بالي
بص في ساعته وقام وقف :احنا اتاخرنا يلا بينا
رامي استغرب :اتاخرنا ع اي ..انت مش قولت هنرجع القاهره بكرا
انس بجديه:وغيرت رأي وهنرجع انهارده فيه مانع
رامي وقف وبصله بحيره :لا مفيش انا بس بسال
في وقت مناقشتهم كانت خدت بالها منه وهو صوته قادره تميزه وسط مليون صوت وفي لحظه اجتمعت العيون في نظره بينهم
مكنوش عارفين دي نظره عتاب ولا شوق ولا نظره اي بالظبط
وكأن العالم وقف من حواليهم مش حاسه ومش سامعه اصحابها الي بيكلموها ولا هو ملتفت لصديقه
وللحظه فاق وبعد عيونه عنها ورجع لقوته وجديته وخد فونه ومفاتيحه وخرج برا ولحقه رامي
اما هي فا سحبت شنطتها واستأذنت بسرعه وخرجت وراه
مكنتش عارفه هتقوله اي بس الي كانت عايزاه انها تتكلم معاه
عشق وهي بتحاول تلحقه :انس ..انس
وقف انس لما سمع صوتها بتناديه اما رامي فااستاذن وفضل يسيبهم لوحدهم :طب انا هستناك في العربيه
عشق وقفت قصاده وبصتله بلهفه مقدرتش تداريها:عامل اي
انس بجديه:تمام
عشق بلعت ريقها باحراج وبصتله بتساؤل :انت لسه زعلان مني
انس بصلها و رفع حاجبه الايمن :دا سؤال يعني المفروض اجاوب عليه
عشق حمحمت بحرج:
انا اسفه  اني كنت سخيفه اووي معاك المره الي فاتت انا مقصدش
كانت مستغربه نفسها قبل ما هو يستغرب انها تتنازل وتعتذر
انس اتنهد :حصل خير ي عشق
عشق ابتسمت بخفه واتنهدت بحماس :طب عشان اتاكد انك قبلت اعتذاري انا عزماك ع الغداء بكره ومش هقبل بأي اعذار
انس ابتسم بهدوء ومقدرش يعترض قدام ابتسامتها وكمان حماسها :ماشي
ادخلي انتي بقا لاصحابك عشان ميزعلوش
عشق مقدرتش تمنع سعادتها ولا لهفتها وظهرت في ابتسامتها واردفت :حاضر بس متتأخرش
انس ابتسم بخفه:حاضر
دخلت المطعم وهو ركب عربيته واتحرك
.....................................
قاعد  منتظرها في مطعم الفندق وبيبص للمنيو بدون هدف وبيقلب فيه
فاق ع صوت كعب انثوي جذب انتباه الموجودين رفع عينيه وشاف اجمل بنت عينيه وقعت عليها وهي بتقرب منه هو
كان فاكر انها بتقرب لتربيزه جنبه لكن اتاكد انها هي لما شافها بتقرب منه وعينيها عليه ابتسامه شقت طريقها ليه ووقف وقرب منها وهو مش قادر يبعد عيونه عنها وعن جمالها الفاتن خصوصاً في اللحظه دي كانت لابسه فستان رقيق وشيك زي شخصيتها 
كانت بتختلف عن اي مره وكل مره  ..مسك ايديها وباسها برقه وهي مكسوفه وخدودها حمرا من الخجل
قعدوا وهو متابعها بعينيه وهي اتكسفت ثم اردفت:هتفضل باصصلي كدا كتير
انس وهو مبتسم:بصراحه اول مره اشوف جمال بالشكل دا
عشق بعبوس:قصدك اني كنت وحشه
انس اردف باعجاب:بالعكس انتي كنتي حلوه وبقيتي احلي بكتير
عشق اتحول عبوسها لابتسامه خجوله:ميرسي
انس :امممم طب تحبي تاكلي اي
عشق بصوت رقيق وجميل :اطلبلي ع ذوقك
انس ابتسم بثقه:ماشي
شاور انس للجرسون وطلب الغداء ورجع وبصلها وهو مبتسم :قوليلي بقاا اي سر التغيير دا
عشق ابتسمت بخجل :مفيش سر
المهم بس متكونش لسه زعلان مني
انس وهو مازال محتفظ بابتسامته الواثقه :اظن وجودي هنا اكبر دليل ع اني قبلت اعتذارك ولا اي
عشق هزت راسها بخجل :اه
انس  :طيب ممكن تفكي شويه مش متعود عليكي كدا
فين عشق البنت المتمرده الي بقول الكلمه ترد بعشره
عشق ضحكت:ههههههه انا مازلت انا متغيرتش ع فكره
ولو عايز عشق المتمرده تحضر حالاً
انس ابتسم :لا انا عايز عشق البنت الرقيقه الجميله وفي نفس الوقت مش خجوله
انتي مزيج مختلف عن كل البنات الي شوفتها في حياتي
عشق ابتسمت بخجل :احم لا ع فكره انا كدا هتغر في نفسي اووي وهاخد ع الكلام الحلو دا
انس بابتسامته الساحره :انا لسه مقولتش حاجه دا مجرد اني ببدي اعجابي بيكي وبجمالك
عشق اتكسفت:احم. طب ممكن كفايه بقاا نظراتك دي وكلامك ونغير الموضوع انا من اول ما قعدت مشيلتش عينك من عليا
انس ابتسم ابتسامه اوسع وسند بضهره وهو باصصلها :ماشي هغير الموضوع ومش هبصلك ي ستي بس اعمل اي مش قادر ابعد عيوني عن الجمال دا
عشق اتكسفت اكتر وحاسه ان الهواء هرب من حواليها وبصوت يكاد يكون مسموع :ماانت لو ..فضلت تبصلي كدا انا همشي
انس وهو مازال محتفظ بابتسامته : خلاص مش هبص
قطع نظراته ليها الجرسون وهو بيحط الاكل وبدأوا ياكلوا وهو بيخطف نظرات ليها وكانت نظرات مختلفه عن كل مره
كانت كل مره نظرات تحدي وثقه لكن المرادي مختلفه كانت نظرات اعجاب ممزوجه بنظره الثقه الي ميقدرش يستغني عنها ابداً
عشق كانت في موقف لا تحسد عليه اول مره تحس بالتوتر والخجل دا وحاسه بنظراته المتجهه ليها بس مش قادره ترفع عينيها وتبصله وفي سرها بتشتم صحبتها الي اجبرتها ع اللبس دا وكمان الميك اب
قطع خجلها والجو المشحون بالتوتر صوته وهو بيطلب منها الرقص
كان المرادي في منتهي الرقه عكس المره الي قبلها لما اجبرها ع الرقص معاه
انس بهدوء:تحبي ترقصي
عشق هزت راسها بهدوء ومدت ايديها وسحبها لرقص وعينيه متثبته قصاد عينيها وايديه ع خصرها والايد الاخري متمسكه بايديها برقه وحنان وبيتمايلوا ع عزف البيانو الهادي والعيون كلها متابعاهم باعجاب شديد اما هما فكانوا في عالم تاني خالص
نظرات عيونهم مختلفه عن اي مره فاتت ..مقدرتش تنكر اعجابها بيه وبوسامته
عشق ابتسمت برقه وهما بيتمايلوا:ع فكره انت بردوا وسيم اووي المرادي
انس ابتسم بثقه :المرادي بس
عشق زادت ابتسامتها الخجوله :لا ع طول بصراحه
انس قربها لحضنه اكتر وقرب من ودنها وهمس بحب مقدرش يداريه غير مبالي لدهشتها ونظرات الجميع حواليهم :ولو قولتلك ان انتي احلي واحده شافتها عيني ودي مش مجامله دي حقيقه
كأن كلامه بمثابه مغنطيس بيجذبها لاحضانه اكتر ودقات قلبها كأنها طبول تقرع بشده ..مستغربه استسلامها وعقلها الي بيحاول يفوقها لكن كل ذره جواها مستسلمه ليه وقلبها الي بيعلن تمرده عليها لاول مره في حياتها ..كانت فاكره انها تقدر تتحكم في قلبها زي كل مره لكن المرادي تمرد عليها واستسلم لبدايه جديده في حياتها
♥️♥️♥️♥️♥️♥️♥️♥️♥️♥️♥️♥️♥️♥️♥️