قاعده في اوضتها بملل وهي زهقانه فقررت انها تقوم تاخد جوله في الفيلا
فتحت الباب وفي نفس اللحظه شافت اسيا طالعه ع السلم وهي بتجري ودموعها سبقاها اتخضت وجريت عليها
اميره بقلق:اسيا مالك ..في اي
اسيا بدموع وخنقه :مفيش حاجه ..ارجوكي سيبني لوحدي
ومتقوليش لأي حد حاجه
بتجري اسيا لاوضتها واميره وراها قلقانه:طيب بس احكيلي مالك
دخلت اسيا الاوضه وحاولت تقفل الباب بس دخلت اميره وقفلت وقعدت جنبها ع السرير :اسيا انتي قلقتيني بجد
ارجوكي لو فيه حاجه احكيلي واعتبريني اختك اكملت بحزن ولا انا مشبهش
اسيا اترمت في حضنها وهي بتعيط :انا مخنوقه اووي
كان نفسي من زمان يكون ليا اخت ومصدقت انك جيتي
اميره ابتسمت بحنان:وانا جنبك مستعده اسمعك وهقف جنبك
اسيا بدموع:عمر
اميره استغربت:عمر مين
اسيا :الي انا بحبه ..بعدت عن حضنها بانفعال. بس دلوقتي لا انا بكرهه بني ادم خاين عمره ما هيتغير ابداً الخيانه في دمه من صغره
اميره بهدوء:طب ممكن تهدي كدا وتحكيلي براحه اي الي حصل
اسيا بدموع:انا .. رنيت عليه عشان اعتذرله بس هو بيقفل
اصل البيه مكنش فاضي يرد ولما روحت الجناح لقيته معاها
انفجرت اسيا من العياط
واميره هزت راسها بتفهم وخدتها في حضنها وبتطبطب عليها:طب اهدي ..مش ممكن يكون فيه سوء تفاهم وانتي ظلماه
اسيا بعدت عن حضنها بانفعال :ظلماه!! بقولك شوفتها في الجناح عنده وفي وضع زباله ..وتقوليلي ظلماه
انا ابقي بظلم نفسي لو كملت مع الخاين دا والحمدلله ان مفيش اي حاجه بينا رسمي والا كان زماني متدبسه
اميره اتنهدت بتعب :ي حبيبتي اهدي طيب وبلاش انفعالك دا
وخلاص طالما انتي شايفه ان هو خاين ليه بتعيطي عليه هو ميستاهلش دمعه منك
اسيا دموعها بتزيد :عشان بكرهه ومش طيقاه
اميره رفعت حاجبها باستغراب :بتعيطي عشان بتكرهيه
دا الي هو ازاي طيب
اسيا بعدت عيونها عنها الي كانت بصالها بنظرات بتتهرب منها :هو كدا انا بكرهه ومش طيقاه
بيرن هاتفها جنبها للمره المليون مسكته وقفلت بغضب وفهمت اميره ان هو الي بيرن
اميره بهدوء:بصي ي اسيا انا من رأي تسمعيه وبعدها تحكمي لان طالما بيرن عليكي وعايز يوصلك دا واحد شاريكي
هو لو خاين فعلاً كان هيقول مش مهم وقدامي الف واحده لكن واضح انو متمسك بيكي
اسيا بتنزل دموعها بغزاره :لا مش هكلمه ولا عايزه اسمع حاجه منه
انا عايزه ارتاح ..تعبانه اووي
نامت ع السرير بتعب وبتغمض عينيها بوهن وتعب من كتر العياط
اميره بصلها بعطف وقامت عدلتها في نومتها وغطتها :طيب ارتاحي
قفلت النور وخرجت وقفلت الباب وراها ونزلت المطبخ وقررت انها تعمل الغداء انهارده
بعد وقت كبييير قضيته في المطبخ خلصت الاكل وبتغسل الصحون
دخل وسمع صوت جاي من المطبخ سامع صوتها وهي بتغني
بحبك و داري ليلي و نهاري عملت فقلبي ايه
صوتك ناداني نسيت زماني اعمل بحبك ايه
عينيك حبايبي جرحت لي قلبي
ورموش عينيك تداويني
أنت تقرأ
قصائد الحب (الجزء الثالث من احببت عنادك)
Romanceقصيده بتحكي وتعبر عن حالتها وقت فرحها ووقت حزنها وقصيده هتعبر فيها عن وجعها. وخوفها وقلقها والي هيقدر بوجوده يطمنها ...... ( دي اول قصه ) واحده الظروف هتبقا اكبر منها وهيجي هو الفارس ويدافع عنها ويحميها من كل الي بيحاولوا يأذوها هيكون سندها وهيك...
