قصائد الحب (الجزء الثالث من احببت عنادك)

البارت 6

في مكان ع الكورنيش قاعدين قدام النيل وهي مستمتعه بالجو
الاء بتتنفس باستمتاع:الله انا مخرجتش خروجه جميله زي دي من زمان
اتبدلت ملامحها لحزن ضايقه. ويوم مااخرج مشوفش المنظر الي انا متاكده انو جميل
عز مسك ايديها بحنان :هتشوفي وهتفتحي وتشوفي كل حاجه
وهجيبك هنا وتشوفي احلي منظر بس انا مش عايز اشوف نظره اليأس دي
عايز اشوف الاء الي بيبقي عينيها كلها تصميم وقوه
الاء بحزن:خايفه ي عز ..خايفه اووي
انا وانا كنت مفتحه وكنت عاميه عن كل حاجه حواليا
اكتر شخص حبيته وفاكره انو بيحبني طلع بيخدعني
عز بضيق:ليه لسه بتفكري فيه ي الاء
انسيه زي ما هو نسيكي هو اصلاً ميستاهلكيش
الي يسيب واحده في اكتر وقت هي محتجاه فيه يبقي مش راجل وميستاهلش حبك دا
الاء استغربت عصبيته :انا عارفه ان عندك حق في كل حاجه بس هو انت بتزعقلي ليه
عز هدي نفسه :انا اسف ي الاء انفعلت شويه متزعليش مني
بس ياريت طول مااحنا مع بعض متجبيش سيرته تاني
الاء هزت راسها :حاضر وانا اسفه لو كنت ضايقتك
عز :ولا يهمك المهم هاا تحبي تاكلي اي
الاء :اممممم انا عايزه اكل سندوتشات من عربيه كبده
عز عقد حاجبيه باستغراب :عربيه كبده
الاء ابتسمت وهزت راسها :اه نفسي فيها
عز ابتسم ووقف ومسك ايديها :طب تعالي
الاء ضحكت :اجي فين انا بهزر
عز بتصميم :بس انا مش بهزر وحالاً هناكل سندوتشات كبده
قومي معايا
الاء بتضحك وقامت معاه وهو ساندها وخرجوا ركبوا العربيه
بعد وقت واقفه الاء بعيد عن عربيه الكبده الناحيه التانيه وعز بيجيب السندوتشات  وهي سرحانه
بتحاول تفتكر ايام حست بيها بفرحه وراحه زي دلوقتي لكن ملقتش
كل مره كانت هي الي بتحاول تفرحه وتبسطه وهو بردوا لكن بمشاعر بارده
كانت بتحاول تتجاهلها عشان بتحبه لحد ما وصلت للوقت الي اتاكدت فيه وكل حاجه ظهرت ع حقيقتها ..نزلت منه دمعه حزن وحسره ع نفسها وقلبها
وبتعنف نفسها انها لسه بتفكر فيه
فاقت ع صوت شباب بيعاكسوها
شاب١ بخبث:الجميل واقف لوحده ليه ..هو طنشك ومجاش ولا اي
شاب٢ بنظرات وقحه:ولا يهمك ي قمر ..احنا موجودين وهنبسطك ع الاخر
الاء بتبعد وتزق ايديهم بخوف وهي مش عارفه تروح فين وبتتسند ع اي حاجه وبتنادي ع عز :عزز ..عززز
شاب ١:ههههههههه هو فين سي عز دا ي مزه
عز شافها من بعيد وهما بيضايقوها جري عليها ووقف قصاده بقوه وضربه بالبوكس:قدامك اهو ي روح امك
ضربهم عز بقوه وعنف والاء دموعها نازله بغزاره وهي بتترعش من الخوف ..كانت حاسه بكسره وهي عاجزه ومش قادره تدافع عن نفسها وهي الي عمرها مااحتاجت لحد يحميها
لكن الي متعرفهوش ان دايماً كان عز هو الي بيحميها طول الوقت
ضربهم عز ورجع قرب منها ومسكها من ايديها ومشي وركبها العربيه واتحركوا
عز بغضب:حد فيهم لمسك
الاء هزت راسها بحزن ودموعها نازله ع خدها:لا
عز ركن ع جنب ومسك المنديل ومسح دموعها بحنان :خلاص حقك علياا متزعليش انا الي غلطت اني سيبتك لوحدك بعيد كدا
الاء بدموع:انت ملكش ذنب ..انا الي مقدرتش ادافع عن نفسي بسبب ضعفي وعجزي
عز بقوه:اوعي اسمعك. بتقولي كدا تاني ..انتي ولا ضعيفه ولا عاجزه
بطلي توهمي نفسك وتعيشي دور مش دورك
انتي قويه ي الاء ..خليكي واثقه في حكمه ربنا وان ان شاء الله هترجعي تشوفي تاني
الاء بحزن:يارب ي عز يارب
عز ضم ايديها بحنان :باذن الله هيحصل وهترجعي احسن من الاول كمان
الضربه الي متضعفش تقوي ي الاء ودا اختبار من ربنا معقوله هتسقطي فيه
الاء دمعت بحزن:بس اختبار صعب اووي
عز بحنيه:بس هتعديه وانا واثق
الاء ضمت ايديه الي كانت ماسكه ايديها بنعومه:ربنا يخليك ليا ي عز
بجد مش عارفه من غيرك كنت عملت اي ..بجد شكراً
عز ابتسم بهدوء:مفيش شكر بينا ي الاء
المهم يلا ناكل
الاء باستغراب :انت جبت الاكل
عز وهو مبتسم:اه طبعاً تفتكري همشي من غير مااجيب حاجه نفسك فيها
الراجل حط السندوتشات في العربيه في الوقت الي كنت بضرب فيه الشابين
الاء ضحكت:هههههه انت فظيع والله حتي وانت متعصب منستنيش
عز بحب:ولا اقدر انساكي ابداً
الاء ابتسمت بخجل:احم. طب هو فين الاكل
طلع عز السندوتشات وهي بتاكل واتحرك هو بالعربيه ووقفوا ع الكورنيش وقضوا وقت ممتع مع بعض
............................................
في المستشفي خرجت من الاوضه بعد ما غيرت هدومها ووقفتها ممرضه
دعاء :اميره معلش ممكن تروحي غرفه ٣٠١ تديله انتي الحقنه دي عشان انا  دكتور مالك بعتلي دلوقتي ضروري ومش عارفه اعمل اي والحقنه لازم تتاخد
اميره هزت راسها بتفاهم:طيب خلاص انا هديهاله روحي انتي لدكتور مالك
دعاء ابتسمت:شكراً ي ميرو. يلا بقاا سلام
اميره ابتسمت :سلام
راحت اميره غرفه ٣٠١ وخبطت ودخلت وهي بصه للحقنه وبتحضرها :معلش احنا اسفين ع التأخير لحضرتك
:ولا يهمك
اميره استغربت الصوت ورفعت راسها وبصتله بدهشه:انت
جريت عليه بخوف :انت كويس اي الي جابك هنا
ادم ابتسم لما شاف خوفها عليه ومسكها من ايديها وبيمسح دموعها الي نزلت في اقل من ثانيه:اهدي .انا كويس
دي كانت خطه عشان اشوفك ..وحشتيني وكان لازم اعمل اي حاجه عشان اشوفك واكيد لو كنت جيت زي كل مره هيتكلموا عليكي وانا مستحيل اسمح لحد يجيب سيرتك بكلمه
اميره خبطته ع صدره بقوه نابع من قلق جواها عليه:حرام عليك ي ادم خضتني
ادم بحنيه:سلامتك من الخضه ي روح ادم
بس اعمل اي انتي وحشتيني اووي
اميره ابتسمت بخجل :وانت كمان وحشتني  بصتله بتحذير. بس بعد كدا متعملش كدا تاني عشان بجد خوفت
ادم ابتسم:حاضر بس قوليلي احساسك كان اي اول ما شوفتيني
اميره بصت في الارض بخجل وحزن:حسيت ان قلبي وقف من كترالخوف
ادم وقف وقربها لحضنه:سلامت قلبك ي روحي
خلاص متزعليش ..انا مكنش قصدي اخضك كدا
اميره بتحاول تبعد عن حضنه بخجل:ادم ..ابعد ممكن اي حد يدخل
وبعدين كدا عيب اوعي بقاا
ادم وهو مبتسم بعد عنها واتنفس بشوق :والله هتجنن ي جدعان
دا اي الحظ دا ..داحنا خلاص كنا هنكتب الكتاب
اميره بحنان:كل تأخير وفيه خير ان شاء الله
ادم بصلها باعجاب:اكتر حاجه بتعجبني فيكي صبرك وايمانك ان مهما حصل دي حكمه من ربنا
اميره ابتسمت بهدوء:لان دي الحقيقه
كل حاجه بتحصل بتبقي اختبار من ربنا وانا متاكده ان ربنا هيعوض صبري خير واهو عوضني بيك
ادم ابتسم بحب :وعوضني بيكي انتي كمان ..بحبك ي اميره. بحبك اووي
اميره بحب:وانا كمان بحبك اووي متتخيلش انت بالنسبالي اي
انت زي الفارس الي انقذني وخدني لمملكته
وجودك الي بالنسبالي امان ..عيونك الي بتضمني بحنان .حاجات كتير انت حسستهاني عمري ما حسيتها مع حد قبلك
ادم ابتسم بحب وثقه:ولا عمرك هتحسيها الا معايا  قرب منها وبص في عيونها  مش عشان مفيش زي والكلام دا. لا عشان واثق فيكي وواثق بحبك ليا
اميره بصتله بغيره:هو انت قولت الكلام دا لحد قبلي
ادم بصلها باستغراب من فصلانها في لحظه رومانسيه زي دي ومسح ع وشه بهدوء:لا حول ولا قوه الا بالله ..ي بنتي يعني بصي انا بقول اي وانتي بتقولي اي ..لا صحيح صدق الي قال عليكوا ايقونه نكد
اميره وهي غيرانه:متغيرش الموضوع ي ادم
ادم :اغير اي ي هبله انتي ..بس ماشي يااميره عشان ترتاحي
لا مقولتش لحد قبل كدا لان ببساطه مفيش بنت شدتني زيك ولا حبتها زيك
ارتاحتي كدا
اميره ابتسمت وهزت راسها بسعاده:اه
ادم ابتسم :مجنونه والله
بقولك اي اعملي حسابك انك هتعيشي معانا في الفيلا مستحيل هسمح انك تعيشي لوحدك
اميره بدهشه:انت بتهزر ي ادم صح
هتحصل ازاي وانا مجوزلكش انت عايز الناس تتكلم عني
ادم بقوه:دا انا اقتل اي حد يفكر يجيب سيرتك بكلمه وبعدين انا مش عبيط عشان اسمح لحد انو يجيب سيرتك
احنا هنكتب الكتاب انهارده وانا مستعد استناكي ي ستي العمر كله
اميره بصت في الارض بخجل وهي كاتمه ابتسامتها:اه بحسب
ادم وهو مبتسم:لا اجمعي ي اختي
يلا بقاا انا همشي عشان متأخرش وانتي خلي بالك من نفسك ومتعمليش مجهود كبير عشان الجرح ميتفتحش
اكمل بغيره وياريت تبعدي عن المرضي الرجاله خليكي في الستات احلي
اميره ضحكت:ههههه انت بتغير
ادم ضربها ع خدها برفق :لا بلعب ي ظريفه ..ي بت هو انتي طالعه هبله لمين
اميره طلعت لسانها ليه:ليك ي ظريف
ادم رفع حاجبه بمكر :بجد طب وبالنسبه للسانك الطويل دا
اميره بتلقائيه مخدتش بالها من مكره :ليك بردوا
ادم غمزها وهو بيقرب. من شفايفها بمكر:طب ما تخليني اشوف كدا
اميره شهقت بخجل وبعدت عنه وبصتله بتحذير:ادم
ادم ضحك:ههههههه خلاص خلاص كنت بهزر يخربيتك هتفضحيني
ماشي ي اميره مسيرك ي ملوخيه تيجي تحت المخرطه
غمزها بوقاحه بس وقتها مش هرحمك
اميره اتكسفت وبجديه:ادم
ادم ابتسم بهيام: ي روح ادم
اميره اتوترت من نظرته:بطل بقاا
ادم ضحك:حاضر بطلت اهو
مسك ايديها الي ماسكه بيها الحقنه. الا قوليلي انتي كنتي ناويه تعملي اي في المريض الي هنا
اميره وهي كاتمه ضحكتها وبصت بخجل:كنت ناويه اديله الحقنه
ادم بمكر :طب ما تعتبريني المريض واديني الحقنه
اميره خبطته ع صدره بخجل :ادم لم نفسك
ادم ضحك بقوه:هههههههه مانا لامم نفسي اهو
ي ستي اعتبريني المريض وانا موافق اخد الحقنه كفايه انها من ايديكي
اميره بخجل :اولاً انا مبديش الحقنه لرجاله ولو اديت بتبقي في الدراع
غير كدا لا
ادم ابتسم بثقه:عارف ع فكره ..وانتي فكراني كنت هوافق لو طلعتي بتديها لراجل دا انا كنت دبحتك
اميره :ههههههه طب اديك اطمنت اهو اتفضل بقاا اطلع
ادم وهو مبتسم:ماشي ي ستي انا همشي عشان ورايا شويه حاجات اخلصها
اميره ابتسمت:ماشي
ادم وهو مازال مبتسماً:سلام
اميره:سلام
.................................................
قاعدين في مطعم وهو بينفخ بزهق بسبب ان كل شويه واحده تيجي تتصور معاها
مازن بزهق :مش خلاص بقاا كفايه انا زهقت
سيلا ابتسمت وبصتله :اي ي حضره الظابط بتغير ولا اي
مازن :لا ي اختي مش بغير بس انا جاي هنا عشان نقضي وقت مع بعض
مش مع الناس
قاطع كلامهم شابين وقفوا قصادهم و بيبصولها باعجاب :انا مش مصدق نفسي استاذه سيلا  ..انا بجد من معجبين حضرتك
سيلا كاتمه ضحكتها ع شكل مازن الي بيولع من الغيره وقبل ما تتكلم سبقها مازن بغيرته القاتله :اي ي عم القمور انت مش شايفها قاعده مع دكر ولا البعيد اعمي
الشاب باحراج:احم انا اسف مخدتش بالي
مازن وقف بغضب :نعم ي روح امك
سيلا وقفت ومسكت ايديه بتوتر واحراج من نظرات الكل عليهم:مازن خلاص هو ميقصدش  بصت ل شاب. معلش انا اسفه
مازن بصله بقوه:اقسم بالله لو مختفيت من قدامي انت وهو لكون مبيتكوا في الحبس
شاب ٢ بغضب :انت مالك نافخ صدرك علينا كدا ليه
شخصيه مشهوره وعايزين نتصور معاها فين المشكله
مازن بقوه:المشكله ي روح امك ان الشخصيه المشهوره خطيبه مازن الحديدي عارفوا ولا تحب اعرفهولك
شاب ٢ ببرود :لا الحقيقه محصليش الشرف
مازن قلع جاكيت بدلته بقوه:انا بقاا هخليه يحصلك الشرف
سيلا مسكت ايديه بقلق:مازن ارجوك خلاص
ضرب الشاب بالبوكس بقوه ووقع ع التربيزه وراه وضرب الشاب الاخر
قرب من الشاب التاني الي كان واقع ع الارض  وشده من لياقه قميصه وضربه براسه ع دماغه بقوه
دخلوا الامن وبعدوا مازن عن الشباب
فرد من الامن :مازن باشاا خلاص كفايه ي فندم احنا اسفين
مازن بصله بعصبيه:ابقوا استنضفوا الاشكال الي بتدخل هنا
فرد الامن:حاضر ي فندم احنا اسفين واسفين لحضرتك ي استاذه سيلا
سيلا هزت راسها بتفهم :حصل خير
مازن قرب من التربيزه وخد مفاتيحه وفونه وجاكيت بدلته ومسك سيلا من ايديها وخرج وركبوا العربيه واتحرك
سيلا بصتله بجديه:عجبك الي انت عملته دا
مازن بغضب :اه عجبني ولو مكنش الامن حاشوني انا كنت قتلته في ايدي
سيلا بغضب:ليه كل دا ي مازن هو انت شوفته قرب مني
مازن ركن العربيه ع جنب وبصلها  بعصبيه:وانا هستني كمان لما يقرب منك ويتصور معاكي
بصي ي سيلا انتي تنسي كل حاجه كانت بتحصل قبل ما اظهر في حياتك
لان الوضع دا مش هتحمله ابداً
يعني اي حد يقرب منك ويتصور معاكي ويحط ايده ع كتفك والهبل دا
شغل امريكا دا مش هنا ومستحيل هتقبله ماشي ي بنت الناس
سيلا هزت راسها وكاتمه ابتسامتها وهي شايفه غيرته الي بتصرخ في عينيه:it's okay
مازن بسخريه:لا كلميني عربي ي اختي
سيلا فلتت منها ابتسامه :طيب حاضر
مازن :ايوا كدا
سيلا :هههههه خلاص متزعلش نفسك
مش بحبك وانت متعصب كدا
مازن بصلها بضيق:ما كلوا بسبب الهانم
مش عارف انا اي الي خلاني احب واحده مشهوره يعني سيبت بنات مصر كلها واخدك انتي
سيلا بغضب :مالي انا ي بابا
مازن ابتسم وغمزها :زي القمر طبعاً
سيلا غضبها اختفي وابتسمت بخجل:اه بحسب
مازن بمرح :طب بما انك بتحسبي وبما ان اليوم باظ فا خلينا نحسب من هنا لحد السينما اد اي
سيلا بفرحه:هتوديني السينما
مازن ابتسم وهز راسه بتاكيد:اه  عندك مانع
سيلا بسعاده:لا خالص انا موافقه
مازن شغل العربيه:طب يلا بينا
بعد وقت قاعدين الاتنين جنب بعض وكانت الدنيا ضلمه وهو محاوطها بعضلاته ونايمه ع كتفه واشتغل الفيلم
مازن بهدوء وهو باصص ع الفيلم:اهو دا احسن مكان محدش هيزعجنا فيه
سيلا ابتسمت :اشمعنا
مازن :عشان الدنيا ضلمه ومحدش شايف التاني فا محدش هيعرفك
سيلا ضحكت :هههههه انت فظيع والله
مش معقول بتغير كمان من الفانز بتوعي
مازن :انا ممكن اغير من ابوكي نفسه
سيلا بلعت ريقها بتوتر :الله يرحمه
مازن باسها ع خصلات شعرها بحنان:الله يرحمه ي حبيبتي
سيلا بصه ع الفيلم:قولي بقاا اشمعنا اختارت الفيلم دا
مازن ابتسم بمكر :فيلم رومانسي وجميل حتي شوفي البطل بيحبها ازاي ومع بعض ع طول
سيلا رفعت عينيها ليه وزغدته:قصدك اي
مازن ببرائه :مش قصدي حاجه ي حبيبتي انتي فاهمه غلط ليه
سيلا:عشان انت كلك ع بعضك غلط ي حبيبي
مازن :هههههه انا كلي غلط ي سيلا طب ماشي هعاقبك ع كلامك دا بس مش دلوقتي لما نخرج
سيلا :هههههه لا خلاص انا بهزر
مازن بمكر:ابداً لازم اعاقبك
سيلا بعدت عنه بخجل :مازن خلاص بقا
مازن رجعها لحضنه :خلاص مش هعمل حاجه
سيلا بصتله بعدم اطمئنان وهو بصلها ببرائه وكملوا الفيلم مع بعض في وقت ممتع بينهم لكن ي تري هيفضل ممتع بينهم ولا فيه حاجه هتعكر صفوهم
..............................................................
دخلت عليه المكتب ولقته باصص ع التقرير قدامه وسرحان قربت منه وقعدت قصاده
ريم باستغراب :مالك ي مالك
مالك بصلها :اي ي حبيبتي
ريم :مالك باصص في التقرير وسرحان هو فيه اي التقرير دا
مالك اتنهد:دي الاشعات بتاعت الاء
ريم :طب وعرضتها ع دكتور عيون
مالك :اه عرضتها بس للاسف قالي نسبه نجاح العمليه ٢٠٪ وبعتها لمستشفي في المانيا وقالوا نفس الكلام
ريم بهدوء:طب وانت زعلان ليه ..احنا لازم نمسك في اي امل قدامنا وطالما نسبه ٢٠٪؜ فا دي حاجه كويسه
مالك :المشكله ان خايف اديها الامل دا وميحصلش حاجه ترجع تضايق وتيأس
ريم :وقتها هنكون عملنا الي علينا وهي اكيد مش هتخسر اكتر من الي خسرته يعني لو عملتها فيه احتمال انها ترجع تشوف لكن لو معملتهاش وفضلنا قاعدين ونقول مفيش امل فا كدا مخطيناش خطوه لقدام وهتفضل فاقده نظرها
مالك :عندك حق ي ريم انا هتكلم مع بابا وماما وهكلمها هي كمان وهقنعها تعمل العمليه
ريم ابتسمت بهدوء :وهو دا الي المفروض يحصل
مالك بصلها باستغراب :مقولتليش صح انتي جايه ليه
ريم وهي مبتسمه بخجل :بصراحه جعانه واصحابي الاندال كلوا من غيري وانا عجبني اكل المطعم الي كلنا عنده اخر مره
مالك ابتسم بمزاح :قولي ان عجبك اخر سهره وعايزه نكررها
بدل اللف والدوران دا
ريم ضحكت :ههههههه بصراحه اه ها بقاا هتعزمني ولا اعزمك انا
مالك بسخريه:تعزميني !! وانتي حيلتك حاجه ي اوزعه انتي
ريم رفعت حاجبها بغيظ:انا اوزعه وبعدين اه ي بابا انا معايا فلوس كتير اووي
مالك كاتم ضحكته وباصصلها وهو مستمتع بغيظها ووقف وبيقرب منها وهو بيتكلم :فلوس اي ي بنتي خلي الطابق مستور مانا عارف انك جايه عشان عايزاني اعزمك عشان مش معاكي فلوس
ريم دبدبت ع الارض بغيظ زي الاطفال :انت بايخ وانا معايا فلوس اكتر منك وهروح اكل لوحدي
مشيت ريم ناحيه الباب خطوتين لكن شدها مالك من ايديها وخبطت في صدره وبص في عيونها بحب :بحبك
ريم دابت في عيونه وصوته الهادي وكمان قربه الي دوبها وبدون شعور منها :وانا كمان بحبك
مالك ابتسم بثقه وبيبعد خصلات متمرده ع عينيها وبيرجعها ورا شعرها وبصوت اهدي واجمل يدوب الحجر:استنيني خمس دقايق هغير هدومي ونروح نتغدا سوا
ريم بتوهان:حاضر
بعد مالك عنها وهو مبتسم وهي فاقت واتحرجت وخرجت بسرعه من مكتبه
بعد وقت كانوا قاعدين في المطعم بيتغدوا
مالك بصلها وابتسم وهو بياكل :هتفضلي مكسوفه كدا كتير
مش عوايدك يعني يكون قدامك الاكل ومتاكليش
ريم بخجل :ماانت بطل تبص عليا وانا باكل وانا هاكل براحتي
مالك ضحك:هههههه خلاص هغمض عيني
ريم بغيظ:مالك بطل بواخه بقاا
مالك كتم ضحكته :خلاص اهو سكت ومش هبص اتفضلي كلي
بدات ريم في الاكل بنهم كعادتها وهي بتعشق الاكل وكان بيتابعها بطرف عينيه باستمتاع وبعد ما خلصت طلبت الحلو وهو مبسوط وهو شايف سعادتها في الاكل
خلصوا ودفع مالك الحساب وخرجوا وطلبت انها تتمشي
وعدي ع سوبر ماركت كبير
ريم بصتله بحماس طفله:مالك عايزه شوكلاته
مالك ضحك: طيب تعالي
دخلوا السوبر ماركت وجابلها كل انواع الشوكلاته الي بتحبها وكانت بتاكل وهي في السوبر ماركت وكان مالك بيجيبلها شوكلاته وبعد ما خلص راحوا الكاشير يدفع
الموظف الي عند الكاشير ابتسم وبصلها وهو بيديها الشنطه الي فيها الشوكلاته :اتفضلي. ي مدام
ريم خدت منه الشنطه بغيظ:انسه ع فكره
الموظف بص ع جسمها بدهشه وبص ل زميله وضحك وهي اضايقت
مالك شده من لياقه قميصه بحده:في حاجه تضحك اووي كدا
مدام او انسه دا شئ ميخصكش ..شايفها واقفه مع دكر يبقي تحترم المكان الي انت واقف فيه بدل مااخلي الي بيضحك معاك دا يترحم عليك ماشي ي روح امك
الموظف اتوتر :احم حاضر ي فندم انا اسف
مالك زقه ع الحيطه بغضب ولف ل ريم ومسك ايديها وخرج ركبوا العربيه
مالك بصلها بضيق:ممكن اعرف دلوقتي بتعيطي ليه
ريم بدموع:عشان انا كل مره بسببلك احراج وانت من حقك تاخد واحده حلوه وجسمها حلو
مالك مسح ع وشه بهدوء :بصي ي ريم
انا اختارتك انتي وبحبك انتي ..بكل حاجه فيكي بحبها
فا لو جبتي السيره دي تاني انا وقتها رد فعلي مش هيعجبك ماشي
وملكيش دعوه بكلام اي حد ..انا بحبك كدا وعايزك كدا
ريم بصتله بحزن:يعني مش هتأنب نفسك بعدين
مالك :انا لو هأنب نفسي فا هو عشان خدت واحده هبله
كلمه بتوديها وكلمه تجيبها ..معندهاش ثقه في نفسها
ريم خبطته ع صدره بقوه:انا عندي ثقه في نفسي ع فكره
بس انا مش بتحمل حد يتريق عليا
مالك :انا الي يتريق عليكي ادبحه وارميه لكلاب فا زي ماانتي واثقه في نفسك خليكي واثقه فيا اني هجبلك حقك ومستحيل هسمح لحد يجرحك بكلمه
ريم ابتسمت :طيب خلاص اسفه
مالك ابتسم بمكر:مش هقبل بيها حاف كدا
ريم استغربت :مش فاهمه
مالك غمزها بمكر:انا هفهمك
قرب من شفايفها وباسها برقه وهي متثبته مكانها من الذهول
بعد مالك عنها وبصلها وهو كاتم ضحكته ع شكلها وتصنع البرائه:دي حته شوكلاته كانت موجوده بمسحها
ريم خدودها احمرت من الخجل ومصدومه مش قادره تتكلم
مالك انفجر من الضحك:مالك. ي ريم انتي محسساني اني اغتصبتك
دي بوسه بريئه
ريم بخجل:انت..انت ..انت بجح وقليل الادب
مالك :ياااه كل دا عشان تقولي كدا طب مانا عارف
ريم بصتله بغيظ:وسافل كمان
مالك رفع حاجبه بمكر:بلاش تشوفي السفاله ع اصولها دي ولا حاجه بالنسبه للي عندي
ريم ربعت ايديها بغضب وبصت قدامها :روحني ي مالك
مالك :مش قبل ما تضحكي
ريم بعند:مش هضحك وهفضل كدا لحد ما تروحني والا هصوت واقول انك خاطفني
مالك سند ضهره براحه:طيب
ريم بصتله باستغراب :طيب اي.
مالك :طيب مستني تصوتي وتلمي الناس الي اصلاً مش موجوده
ريم ضربته ع صدره وبحده:مالك
مالك ببرود:نعم
ريم :روحني
مالك :تؤتؤ
ريم ضمت ايديها بين ايديه بنعومه وبصوت رقيق :مالك
مالك بصلها بحب:ي قلب وعيون وروح مالك
ريم مبتسمه بثقه ومكر وتصنعت الرقه :ممكن تروحني
مالك وهو مبتسم :لا ي روحي مش ممكن غير لما تضحكي
والاسلوب دا مش هينفع معايا بالعكس دا مش في صالحك خالص وانا كدا مش هعرف اتحكم في نفسي
ريم اتكسفت وبصتله بغضب :يوووه انا زهقت روحني بقاا
مالك :وانا قولت شرطي
ريم ابتسمت بسذاجه:اهو حلو كدا
مالك بيشاور ع شفايفه وسنانه :لا اكتر
ريم ابتسمت اكتر وبتبين سنانها وبتضغط عليهم:حلو كدا
مالك بحب :هيبقي احلي لو من قلبك
ريم ابتسمت غصب عنها وبصتله بحب: هتفضل طول عمرها من قلبي عشان انت معايا
مين ممكن تلاقي حد يحبها ويكون امانها ويدافع عنها من اي حد ويشوفها اجمل واحده في الكون ومتفرحش من قلبها ..انا لو عندي قلبين مكنوش هيحبوا غيرك بردوا
مالك بحب:انا كفايه عندي قلب واحد دا بالدنيا وما فيها
ريم ابتسمت بحب:وانا كفايه عندي انت
قطع اللحظه الرومانسيه رنين هاتف ريم وكان باباها بصت ل مالك بقلق:دا بابا انا اتاخرت اووي
مالك:طيب ردي عليه هو انتي مع واحد غريب
ردت ريم ومالك اتحرك بالعربيه
ريم بتوتر:ايوا ي بابا
معلش ي حبيبي انا اسفه انا في الطريق اهو مع مالك
طيب ي حبيبي ..لا اله الا الله
مالك:قالك حاجه
ريم:لا مكلمنيش لانو عارف اني معاك
مالك :طب امال اتوترتي ليه لما رن
ريم ابتسمت بمكر:دي كانت تمثليه عشان تروحني بسرعه
مالك:اه ي بنت اللذينه. ..ماشي ي ريم هردهالك ومش هسيبك
ريم ضحكت:هههههه كان غيرك اشطر ي دكتور
مالك ابتسم بوعيد:ماشي هنشوف
........................................................
في الليل الكل متجمع في فيلا ادهم واسيل
وفي الاوضه فوق البنات مع بعض قاعدين جنبها
اسيا شيفاها سرحانه ودموع نازله في صمت وهي عارفه سبب الدموع قربت منها وقعدت جنبها :ممكن بلاش دموع بقاا
بقا ينفع حد يعيط في يوم زي دا
اميره بحزن وكسره:دا اكتر يوم كل بنت بتحلم بيه بس بيكون اهلها جنبها وانا انهارده محدش جنبي ..حاسه اني عريانه ومليش ضهر
ادم كان واقف عند الباب وسامع كلامها وبعينيه شاور ل اسيا وهي فهمت وخرجوا البنات كلهم وهو قفل الباب وقرب منها ومسكها من كتفها ولفها ليه بهدوء
ادم:اي الكلام الي سمعته دا
يعني اي ملكيش ضهر امال انا بعمل اي ..مش معتبراني ضهرك وسندك
اميره بحزن:انت ضهري وسندي وكل حاجه ليا
انا قصدي حاسه اني وحيده وانت هنا وسط اهلك وناسك وانا واقفه بطولي محدش جنبي ..انا بحبك ي ادم بس الاهل عزوه وسند
لو بعد الشر حصل خناقه بينا اروح لمين اترمي في حضنه واعيط
الاب بيبقي سند للبنت قبل جوزها والام بتبقي بير النصايح والحضن الحنين
والاخت الي تبقي سري ونعمل كل حاجه سوا
كل دا انا اتحرمت منه
ادم ضمها لحضنه وهي انفجرت من العياط اكتر :انا موجوعه اووي ي ادم
محدش حاسس بيا وانا مضطره اكتم جوايا واسكت وبصبر
ادم بحنيه:انا كل دا ي اميره
هكون ابوكي الي يطبطب عليكي ويحميكي وحضن حنين تترمي عليه وهكون سرك وضهرك
وعندك ماما اعتبريها مامتك واسيا اختك ..مفيش حاجه اسمها وسط اهلي لان اهلي هما اهلك بالظبط وانا وعدتك هجبلك حقك وهرجعلك كرامتك وكل حد ظلمك هيجي ويتأسفلك بس انتي استحملي معايا عشان خاطري
متفتكريش اني ناسي او ساكت انا بس مبتكلمش مش عايز اوجع دماغك لكن والله مش ساكت ي اميره
اميره اتمسكت بحضنه وبتعيط:خليك جنبي ي ادم ارجوك متسبنيش انا مليش غيرك دلوقتي
ادم بيضمها لحضنه اكتر :انا جنبك ي اميره وهفضل جنبك ع طول
بعدها عن حضنه ومسح دموعها. يلا بقاا عشان المأذون مستني تحت
اميره هزت راسها بهدوء:حاضر
ادم :ادخلي اغسلي وشك وانا مستنيكي هنا عشان ننزل سوا
اميره :ماشي
دخلت اميره الحمام غسلت وشها وظبطت هدومها وشعرها ونزلت معاه
المأذون :بسم الله الرحمن الرحيم
فين وكيلك ي عروسه
اللواء مؤمن حط بطاقته قدام المأذون وغمز اميره وهي ابتسمت :انا وكيلها
ادم ابتسم :حبيبي ي جدو
مؤمن بمزاح:دا مش عشانك دا عشان القمر الي جنبك دا
ادم بغيره:ي جدو بلاش
الكل ضحك ع ادم وغيرته وبدأ المأذون في كتب الكتاب
بعد وقت كبيييييير
قاعده ع طرف السرير بتفرك ايديها بتوتر وخوف وعينيها ع الباب مستنياه يدخل في اي لحظه وبرغم حبها ليه لكن كأي بنت في اللحظه دي خايفه ومتوتره عدي وقت كبير ومدخلش لحد ما غلبها النوم وهي ع حالتها