في المطار وصلت الطياره الاراضي المصريه ..
وخارجين كلهم كل واحد معاه حبيبته ماعدا هو الي كان بعيد عنها وهي جنب اخوها ...
وكانوا مستنينهم اهلهم
جميله وجاسر واقفين يستقبلوهم ..وع الجانب التاني فهد وصقر وغرام
فهد كان جنبها واردف بهدوء:مش كنتي قعدتي في القصر واحنا هنجيبها هي مش هتطير يعني ولا هناكل منها حته
غرام ابتسمت وبصتله :لا طبعاً لازم استقبل حفيدتي ..واخدها في حضني
فهد بغيظ:عارفه لولا انها بنت انا كنت قتلتها ...اكيد مش هغير من بنت يعني
غرام كاتمه ضحكتها وبصت في الاتجاه الي جايه منه سيليا وشاورت عليها ::سيليا اهي
صقر شاور في مكان سيلا : لا سيليا اهي
بصوا في الاتجاهين واندهشوا
صقر بذهول : بابا ..هو حضرتك شايف الي انا شايفه
فهد وغرام بصوا لبعض بنظرات هما فاهمينها ومش مصدقين الي هما شايفينه
قربت سيليا من صقر وحضنته بقوه وع الجانب التاني جاسر وجميله الي خدوه ابنهم بالحضن وبنتهم كمان وطبعاً فرحتهم برجوع نظرها
جاسر حاضنها بتملك واشتياق وفرحه كبيره :حمدلله ع السلامه ي حبيبتي
بعدها عن حضنه لكن لسه قريب وبيمرر ايديه ع وشها بفرحه ..انتي شيفاني ي حبيبتي
الاء ابتسمت :اه ي بابا شيفاك ..ووحشتني اووي
جاسر حضنها تاني :وانتي كمان وحشتيني اووي
وطبعاً جميله متقلش عنه فرحه ودمعت بسعاده لما شافتهم قصاد عينيها بخير وكويسين
وسلموا ع سيلا
جاسر وجميله بابتسامه:حمدلله ع السلامه ي سيلا
سيلا ابتسمت بخجل:الله يسلمك ي اونكل
مازن استاذن منهم و خد سيلا و راح ناحيه صقر الي واخد سيليا في حضنه لكن من صدمته مش عارف يفرح برجوع بنته بالسلامه وبص ع سيلا بدهشه :انتي مين
سيلا ابتسمت :انا سيلا
هو بصراحه انا معرفش سبب التشابهه دا بس كان عندي فضول اعرف حضراتكوا
فهد :انتي اسمك اي بالكامل
سيلا بصتله بنفس ابتسامتها:اسمي سيلا الصواف ..سيلا محمد الصواف
فهد :بنت رجل الاعمال محمد الصواف
سيلا هزت راسها :اه هو
مازن بجديه مد ايديه يسلم عليهم :مازن الحديدي .. خطيبها
فهد ابتسم بثقه:اهلاً وسهلاً ..ابن رجل الاعمال جاسر الحديدي غني عن التعريف
سيليا وهي مبتسمه بحماس :انتي طبعاً ي سيلا هتقعدي معايا
قبل ما ترد سيلا سبقها مازن :مش هينفع ي سيليا ..سيلا مش في امان دلوقتي ولازم تكون قصاد عيني طول الوقت
فهد بثقه :سمعت عن رجل الاعمال فهد الزيني ..اكيد تعرف عنه ..واكيد تعرف ان الاسم لوحده امان والكبير قبل الصغير يخاف منه ويعمله الف حساب ..سيلا وجودها في القصر امان مستحيل حد يقدر يلمس شعره منها
هي هتقعد كام يوم لحد ما تتجوزوا ..لكن هتعيشها فين لما هي خطيبتك بس ولازم تأمنها هتقعدها في فندق ولا في الفيلا عندكوا وانت اعزب
مازن اردف بثقه :مسئوليه حمايتها دي تخصني انا ..لاني ادري واحد بمصلحتها ..وحضرتك ولا ابوها ولا اخوها عشان تقعد عندكوا بردوا وابقاا مطمن عليها ..انا لو مطمن عليها من الي برا مش هطمن عليها من الي جوا
صقر بقوه : وعيله الزيني معروفه ..مش لسه هتسمع عنها وانت ظابط وعارف كويس ..
سيليا حست ان الجو هيشد بينهم اتكلمت بهدوء :في اي ي جماعه اهدوا ..سيلا هتقعد معايا في اوضتي ..دي تؤامي ي جماعه
سيلا متحمسه للفكره لكن خايفه من مازن بصتله وهي بتستعطفه بعينيها
مازن بيبصلها بقوه :مش هينفع ي سيليا ..انتوا متقربولهاش حاجه عشان تقعد عندكوا وتحموها ..انا هعرف احميها كويس
فهد حط ايديه في جيبه بثقه :وقدرت تحميها قبل كدا
مازن اتعصب لكن بيحاول يتحكم في اعصابه وبيضغط ع ايديه بقوه ..لان كان فهد كلامه صح هو مقدرش يحميها قبل كدا وضاعت منه ...اتنهد بقوه :ماشي ..انا موافق
فرحوا البنات وغرام بتبصلهم بحنين ..
مازن سحب سيلا بعيد شويه وبصلها بتحذير :اي تعامل مع اي دكر في البيت هقتلك فاهمه ..
سيلا هزت راسها بتوتر :حاضر
مازن :لبسك برا الاوضه يكون مقفول ميبانش اي حاجه
سيلا بطاعه:حاضر
مازن بيتنفس بقوه :ماشي ي سيلا ..لما نشوف اخرتها
احل بس موضوعك وصدقيني محدش هياخدك مني ابداً
سيلا ابتسمت بخجل :احم طب انا همشي بقاا
مازن شبح ابتسامه ظهرت ع وشه :ماشي ي اختي
يلا عشان هوصلك
اتحركت العربيات كلها وكان جاسر وجميله وعز والاء مع بعض في العربيه واتحركوا من بدري
فهد وغرام في عربيه وصقر وسيليا ركبوا العربيه وغيث رايح عشان يركب لكن وقفه صقر :ع فين ي حبيبي ..هو انت عشان رجعت بنتي خلاص هتحسبها جميله بقا وهتركب معايا
غيث بمزاح:تقريباً كدا حضرتك تبقي خالي وكمان مفيش اي عربيه اركبها ..وصلني بس وانا هوعدك اني هاخد عربيتي
سيليا ضحكت :ههههههه خلاص ي بابا ..ناخده معانا حرام
غيث رفع حاجبه الايسر :وحيات امك
صقر بصله بقوه ومسكه من لياقه قميصه بايد :ام مين يلا ...
غيث بخوف مصطنع:امي انا ي باشاا ..امي وحشتني ونفسي اشوفها
صقر سابه :خلاص اركب هتقلبها مناحه
غيث بمزاح :روح ي شيخ الهي ربنا يكرمك ..الهي يستر طريقك
سيليا وقعت ع الارض من كتر الضحك ع طريقته :ههههههههههه هموووت مش قادره
صقر بصلها بجديه مصطنعه:اركبي انتي كمان يلا
سيليا وهي بتؤدي التحيه العسكريه بمزاح:علم وينفذ ي باشاا
ركبوا كلهم العربيه واتحركوا ومازن وسيلا وراهم بعربيته
♥️♥️♥️♥️♥️♥️♥️♥️♥️♥️♥️♥️♥️♥️
وصل عز الفيلا ودخل خد مامته بالحضن الي كانت متعلقه في حضنه ودموعها نزلت في اقل من ثانيه وهي بتبوسه ع كل وشه :وحشتني اووي ي عز ..غيبت عني كتير اووي ..هونت عليك تسبني كل دا
عز مسك ايديها وباسها بحنان :متهونيش عليا ابداً ي ست الكل
انتي وحشاني جدااً ..
ناديه بتمرر ايديها ع ملامحه وكتفه :وانت كمان ي حبيبي ..طمني عليك اخبارك اي ..وعملت اي هناك ...وبعدين شكلك خاسس كدا ليه ..انت مكنتش بتاكل هناك ولا اي
عز وقف واردف بحنان : بعدين ي ست الكل هحكيلك كل حاجه المهم فين عمر
ناديه بحزن : عمر في اوضته ي حبه عيني مبيخرجش منها
عز طبطب ع ايديها بحنيه:اهدي ي ست الكل ..كل حاجه وليها حل
انا هطلع اشوفه
طلع عز اوضه عمر وخبط قبل ما يدخل وكان عمر نايم ع السرير ..جري عز عليه ونط ع السرير وخده بالحضن بطريقه مسرحيه :عمررررررر
عمر قام مفزوع وبيبص حواليه :زلزااال ..الاوضه بتولع ..
بص ع عز الي واخده بالحضن وضربه ع راسه بغضب : ي شيخ ابوشكلك فزعتني ..
عز قعد ع السرير جنبه وبصله :هي دي حمدلله ع السلامه ..لا مكنتش متوقع المعامله دي ابداً انا ارجع مكان ما جيت تاني
عمر بغيظ:اه ارجع ع الاقل كنت نايم مرتاح مش الازعاج دا
عز :بلاش اوريك الازعاج ع حق خليني قاعد هادي كدا
عمر بصله بغيظ:ولااا اطلع برا اوضتي انا عايز انام
عز :تنام مين ..دا انا بايت معاك خلاص مبقاش ليا حد وهقعد جنبك كدا نونس بعض
عمر بضيق:تبات مع مين ي زفت ..انت مش اتجوزت ..حل عني بقاا وروح شوف مراتك
عز بيسحب الغطا عليه وبيمدد جنبه :لا مراتي اي بقاا خلاص بح
عمر استغرب : بح ازاي يعني ..كلتها ولا اي
عز بسخريه :ههه خفيف اووي ..لا ي ظريف خلاص سبنا بعض
عمر :هو انتوا مرتبطين عشان تسيبوا بعض دا جواز
عز اتنهد :اهو الي حصل بقاا ..ادينا متخانقين شويه ..وانا محتاج ارتاح واجمع افكاري شويه
عمر :اممممم واضح انها حاجه كبيره ..ع العموم مهما كان الي حصل المفروض تعدي وتفوت خصوصاً في الفتره دي..هي محتجالك جنبها ..
عز بص لسقف واردف بهدوء:لا هي خلاص مش محتاجه حد جنبها ..تقدر تعتمد ع نفسها وتشتغل وتروح وتيجي من غيري
عمر بصله بتفاجي:متقولش ..عملت العمليه وفتحت
عز :هي كانت مفتحه من ساعه العمليه
عمر استغرب : مفتحه ازاي يعني مش فاهم
عز :يعني كانت بتشوف بس كانت بتمثل عليا كل دا
عمر : طب ودا ليه هتحسدها مثلاً
عز بضيق: بقولك اي مش ناقص خفه دمك ع الصبح دي
عمر كتم ضحكته : هههههه طب خلاص بهزر ..بس بجد ليه كانت مش معرفه حد
عز :لان كانت في مهمه مينفعش تعرف حد انها بتشوف حتي جوزها
عمر هز راسه بتفهم :امممممم ودا سبب طبعاً الزعل بينكوا
مردش عز وفضل ساكت وعمر قاعد جنبه هو كمان سرح في حبيبته الي لحد دلوقتي ميعرفش عنها حاجه ومش بترد ع مكالماته ..
♥️♥️♥️♥️♥️♥️♥️♥️♥️♥️♥️♥️
وعند القصر وصل اسطول عربيات كبير لان كان وراهم عربيات بودي جارد وحراسه وكانو كلهم تبع شركه ليث للحراسه
ومازن شاف الكم الهائل من الحراسه دا خلاه يطمن اكتر انها فعلاً في امان هنا ..
نزلت سيلا من العربيه وهي مذهوله من جمال القصر وفخامته ..وكمان الحراسه الكتير كأنه قصر الرئيس
وتم استقبالهم بترحيب شديد ..وطبعاً مع اندهاش الكل ب الشبهه بين سيليا وسيلا ..ومازن جنب سيلا منع اي راجل يسلم عليها ..
واتجمعوا كلهم ع السفره الي كان عليها اشهي واجمل الاكلات والاصناف وقعد معاهم مازن ع السفره ومونيكا بتبصله بانبهار وبتحاول تجذب انتباهه وهو واخد باله لكن مطنشها ..
ايهم بفضول وهو بيبص ل سيلا : طب هو اي سبب التشابهه دا بينكو
مازن اردف بلامبالاه :عادي يخلق من الشبهه اربعين ..
صقر سرحان فيها ومش قادر يبعد عينيه ..فيه حاجه جواه بتجذبه ليها مش عارف اي هو ..وهو بياكل كان بيحطلها اكل في طبقها ومهتم بيها
سيلا بصتله وابتسمت بخجل : ميرسي ي اونكل
رغد زغدته في كتفه بغيرهً واردفت بهمس:خف شويه ..اي انت كبرت وخرفت هتبص لواحده اد بنتك
صقر بهمس :ابص اي انا بحطلها اكل عادي ضيفه عندنا
رغد بسخريه: ي حنين ..طب ما تعملها مع الراجل ولا هي البنت عجباك عشان شبهه بنتك
صقر بضيق :خلاص خلاص بطلي كلام وكلي ..
كملت رغد اكل ..وبعد وقت خلصوا ..واستاذن مازن ومشي بعد ما قعد معاهم وقضوا السهره مع بعض
كل واحد طلع اوضته
ودخلت سيلا اوضه سيليا وهي بتبص في الاوضه باهتمام ..:اوضتك شكلها حلو اووي
سيليا ابتسمت ووقفت جنبها : دي بقاا عملاها ع ذوقي ..كل حاجه فيها مختراها انا ..الا دا
شاورت ع هدومها ..دا مش اختياري بس عجبني
سيلا بصتلها وضحكت:ههههه اكيد دا اختيار غيث
سيليا ابتسمت بخجل :هو باين عليا اووي كدا
سيلا :هههههه طبعاً ي بنتي ..انتوا مكشوفين اووي وبعدين الحضن الي كان في المستشفي دا لوحده كوم تاني ..
سيليا كتمت بوقها بخوف : يخربيتك بس هتفضحيني ..ابوياا لو عرف هيقتلني ويعلقني ع باب القصر
..هو انا فعلاً هعلقك ع باب القصر بس ليه
لفوا البنتين وبصوا ل صقر بخوف الي كان واقف عند باب الاوضه وقرب منهم :مالكوا واقفين زي التماثيل كدا ليه في اي
سيليا بتوتر :لاا لا لا ..هو ..هو بس
صقر باستغراب :انتي مالك عماله تهوهوي كدا ليه ..
سيلا بتوتر:هي قصدها اتخضت يعني لما دخلت حضرتك فجاه
صقر بهدوء:امممممم ..ماشي هعديها
بص ل سيلا ..انتي لسه متعرفنيش ..بس خليكي واثقه اني مش داخل دماغي كلامكوا دا ..المهم انا يمكن مسمحليش الفرصه اني اقعد واتكلم معاكي بس لسه قدامنا وقت نتكلم براحتنا ..هسيبك دلوقتي ترتاحي
انا جيت بس اطمن عليكوا .تصبحوا ع خير
سيلا وهي جواها احساس غريب ناحيه صقر :وانت من اهله
خرج صقر و سيلا بصه عليه لحد ما خرج وسرحت
سيليا بصتلها باستغراب وبتلوح بايديها قدام وشها وهزتها : ي حجه ..انتي روحتي فين
سيلا فاقت من سرحانها وبصتلها :هاا بتقولي حاجه
سيليا رفعت حاجبها :انتي سرحانه فين ..دا ابويا ..هو اه وسيم وبعضلات وطول بعرض لكن دا خط احمر
سيلا اتحرجت من كلامها :انتي بتقولي اي لا طبعاً ..دا اد ابويا ..بس انا مش عارفه ليه فيه حاجه حساها ناحيته ..يعني حنيته والدفا الي في كلامه دا وكمان احساسي بالامان وانا وسطكوا ..دي حاجه محستهاش قبل كدا
سيليا هزت راسها بتفهم :اهااا ..معلش ي قلبي فهمتك غلط
ع العموم انا عايزاكي تعتبري البيت بيتك ..براحتك زي ماانتي عايزه
سيلا ابتسمت بهدوء:ماشي
خدت شاور وخرجت مددت ع السرير ب راحه وسكينه ..لكن رن فونها ابتسمت وخدته وخرجت في التراس
سيلا وهي مبتسمه : لحقت اوحشك ولا اي
مازن ابتسم :انتي بتوحشيني كل ثانيه حتي وانتي معايا بحس انك وحشاني
سيلا ابتسمت باعجاب :امممممم عارفه انا كلام المخطوبين دا وبعد الجواز بيبقي فيه كلام تاني
مازن ضحك بقوه :ههههههههه... بقا كدا يعني انتي تعرفي عني اني بغير كلامي ..او برجع فيه
بس ع فكره الكلام دا انتي الي بايدك تغيريه وانتي الي بايدك تخليه مستمر
سيلا سندت ع سور التراس :امممم ازاي بقاا
مازن : يعني مثلاً لو لقيت دلع و حب وحنان ..هتلاقي احلي كلام واحلي حب واحلي رومانسيه ..لكن لو لقيت نكد وهم هتلاقي نكد عليكي وع الي خلفوكي
سيلا بحده خفيفه:مازن ..ملكش دعوه بأهلي
مازن :سيلا ..اتكلمي بطريقه احسن من كدا وانتي هتلاقيني مبغلطش
بس ماشي ي ستي مش هجيب سيره اهلك
المهم قوليلي حصل معاكي اي حاجه بعد ما مشيت
سيلا :لا محصلش هو بس استاذ صقر دخل واطمن علينا ومشي
مازن نفخ بضيق :انا مش مرتاح ل راجل دا ..رغم ان سمعته كويسه ..بس نظراته غريبه مش مريحاني ..بس هو لولا اني مجبر ع كدا عشان تبقي في حمايه انا كنت خدتك خبيتك من العالم كله
سيلا ابتسمت بخجل ..:ربنا يخليك ليا ي حبيبي ..بس متقلقش عليا ..هنا امان جداً مفيش نمله تقدر تدخل او تخرج غير بأذن ..والحراس كتير جداً
مازن :مانا شوفت كل دا و دا الي طمني ..وانا هحاول اسرع في الموضوع واخلصه
المهم انتي خلي بالك من نفسك واي حاجه عايزاها قوليلي عليها اجبهالك ..واي حفله ليكي هنا تعرفيني بيها وانا هأمنهالك كويس
سيلا :حاضر ي حبيبي ..بس انت خلي بالك من نفسك وطمني عليك
مازن :حاضر ..يلا تصبحي ع خير
سيلا : وانت من اهله
♥️♥️♥️♥️♥️♥️♥️♥️♥️♥️♥️
سمعت خبط ع الباب وهي كانت قاعده ع السرير وماسكه الفون بتقلب في صورهم سوا ..اتعدلت وهي بتردف :ادخل
دخلت اسيل وقربت منها وقعدت قصادها ع طرف السرير :هتفضلي قاعده كدا ع طول ..
اسيا استغربت:حضرتك عايزاني اعمل اي
اسيل :الي عايزاكي تعمليه انا كلمتك فيه بدل المره الف ..
اسيا اتنهدت ووقفت بزهق وبعدت :ي ماما حضرتك عارفه رأي ..انا مش هينفع اقرب منه تاني ..كفايه الي حصله بسببي
اسيل وقفت وقربت منها وواقفه وراها :وانا قولتلك مليون مره دا مش بسببك ..وبصراحه بقاا ي اسياا ..انتي جبانه ..بتهربي بدل ما تواجهي
دايماً اي مشكله انتي بتهربي وهو بيواجهها ويقرب منك عشان عايزك وبيحبك
اسيا لفت وبصتلها :طب مانا بردوا بحبه ي ماما
اسيل :مش بالكلام ي اسيا ..الي بيحب بيسند ويتمسك
مانا ياما واجهتنا مشاكل انا وباباكي وكنا جنب بعض ومسبناش بعض لحظه
اسيا : ي ماما حضرتك وقتها مكنش فيه الي يبعدك عن بابا
لكن انا طنط مش طيقاني ومش عايزاني ادخل بيتها ..هدخل بالعافيه انا
اسيل :لا متدخليش بالعافيه بس ردي ع الاقل ع مكالماته متبعديش كدا خالص يفتكر انك زهقتي منه ورمتيه في عز ازمته
متعمليش نفسك الضحيه وتجري وتقولي دي مش عايزاني ..بس هو عايزك ..هو بيحبك ومتمسك بيكي ..متبقيش بعد ما قولتيله انا جنبك ومش هسيبك ..فجاه يصحي يلاقيكي مش موجوده واختفيتي
اسيا هزت راسها بتفهم وهي عارفه ان كلام مامتها كله صح لكن هي مش عارفه تعمل اي ..فضلت ساكته ومش عارفه ترد تقول اي
اسيل فضلت انها تسيبها تفكر مع نفسها بعد ما قالتلها كل الكلام الي كان المفروض يتقال
♥️♥️♥️♥️♥️♥️♥️♥️♥️♥️♥️♥️♥️♥️♥️♥️
في غرفتها قاعده مستنياه زي كل يوم ما بيجي ويقعدوا يتكلموا مع بعض ..وبعد ثواني سمعت صوت الباب وهو بيتفتح بصت عليه بلهفه ووقفت ..ابتسمت بسعاده لما شافته وهو كمان ابتسم وقفل الباب وراه بهدوء وقرب منها ب حب :وحشتيني اوووي ..انا بقيت بستني الليل عشان نعرف نتكلم براحتنا من غير مراقبه حد
ليان ب لمعه حب في عينيها : وانا كمان ..مبقتش بعرف انام غير لما اشوفك واتكلم معاك
خدها ايهم وقعدوا ع طرف السرير :انتي مش متخيله انا بحبك اد اي ي ليان
مكنتش اعرف اني هحبك اووي كدا ..
بس اعمل اي فيكي الي بقيت حاسس انك سحرتيلي ..بيمرر ايديه ع شعرها بنعومه وصوت اشبه بالهمس وهو بيقرب من شفايفها :كل حاجه فيكي بتجذبني وبتخليني مش قادر اقاوم
ليان بتدوب من كلامه واحساس التوهان في عينيه بتقرب من غير ما تحس لكن فجاه فاقت ووقفت بسرعه وتوتر :لااا
ايهم غمض عينيه بغضب لكن بيحاول يتحكم في اعصابه ويداري غضبه
وقف وهي واقفه بضهرها ليه وهو بملامح هاديه قرب منها وهو بيستشعر عنقها وبيدفن راسه جواه وايديه محاصره خصرها بنعومه : ليه بس ي حبيبتي ..انتي مش بتحبيني وانا بحبك ..وقريب هتبقي مراتي
ليان بضعف وخوف بعدت عنه :لا ي ايهم لما اكون مراتك ..لكن دلوقتي انا مش حاسه اني اي حاجه بالنسبالك طول ما موجوده مونيكا دي
ايهم بيتحكم في اعصابه وقرب منها تاني وبيحاول يضعف تماسكها وبيمرر ايديه ع كتفها برقه :بس انتي عارفه مونيكا بالنسبالي اي ..انا بس معاها عشان مرضها ..ومينفعش اكلم العيله دلوقتي خالص وهما عارفين اني ع علاقه ب مونيكا كلهم هيرفضه
ليان لفتله بحزن : واي الحل دلوقتي
ايهم ابتسم بمكر وقرب اكتر ومحاوط خصرها وبص في عينيها :الحل ان احنا نتجوز عرفي من غير ما حد يعرف ..واول ما يتحل الموضوع هتقدملك من اول وجديد
ليان شهقت بفزع : عرفي!! انت بتهزر ي ايهم ..لا طبعاً انا مستحيل اعمل حاجه زي كدا
ايهم بهدوء ورومانسيه : ي حبيبتي دي حاجه كدا وكدا بس عشان اعرف اقربلك براحتي وانتي مراتي ..لكن لو مش عايزاني خلاص براحتك
بعد ايهم عنها وهو بيصطنع الزعل
ليان كانت محتاره بين حبها ليه وبين مبادئها الي مستحيل تتخلي عنها وهي خايفه ع باباها لو عرف ..قربت منه بحزن :انا عايزاك ي ايهم و بحبك بس مش هقدر اعمل حاجه زي كدا
ايهم بجديه مصطنعه: تبقي مش عايزاني ي ليان ..مش عايزه حبي ولا ضعفي معاكي ..انتي الوحيده الي مبانش ضعفي غير معاها ..والوحيده الي قولتلها الكلام دا ..انا لو عايز الي في دماغك دا كنت روحت لأي بنت وهتعمل كدا من غير جواز ولا اي حاجه ..لكن انا بحبك انتي وعايزك انتي ..لكن انتي مش قادره توافقي ع حاجه بسيطه زي دي
وعشان كدا انتي من انهارده بنت عمي وبس
ليان بخوف انو يبعد عنها بعد مصدقت انو قرب : لا ي ايهم عشان خاطري انا بحبك والله ..
ايهم :بتحبيني يبقي توافقي ع الي قولتلك عليه
ليان دمعت بغزاره :مش هقدر ..والله مش هقدر
ايهم بجديه :تمام ..عن اذنك
خرج ايهم برا الاوضه وهي اترمت ع السرير وانفجرت من العياط
♥️♥️♥️♥️♥️♥️♥️♥️♥️♥️♥️
دخل الاوضه وهو حاطط ايديه في جيبه وماشي بخطوات واثقه زي عادته ..وبص عليهم كانوا غرقانين في النوم ..بص حواليه في الاوضه وقرب من التراس وفتح الستاير ودخل الضوء ع عينيهم ..ومغمضين عينيهم بازعاج واردفت سيليا : ي ماما اقفلي الستاير انا انهارده اجازه عايزه انام
تحدث بصوت قوي : ودا مين الي سمحلك ان انهارده اجازه
سيليا فتحت عينيها وبصوت فيه النوم : جدو
فهد بسخريه:اه ي اختي جدو .. تحدث بجديه. انتي خدتي ع الدلع ولا اي
قومي يلا قدامك خمس دقايق تكوني جاهزه
سيليا وقفت بتسرع : حاضر حاضر ثواني وهكون جاهزه
فهد رفع حاجبه بقوه : انتي لسه واقفه قدامي
جريت سيليا ع الحمام ..اما سيلا فا كانت لسه بتفوق وبتتمطع : صباح الخير
فهد شبح ابتسامه ظهرت عليه وقرب منها وقعد جنبها ع طرف السرير : صباح النور ..انتي طبعاً لسه جديده مش واخده ع الجو والقوانين الي في البيت ..بس مش مشكله سيليا هتعلمك كل حاجه
سيلا باستغراب : قوانين!
فهد بثقه : طبعاً البيت دا فيه قوانين ..ومواعيد للفطار والغداء والعشاء وكمان النوم ..يعني وقت تصحي فيه ووقت تنامي فيه مش فوضي هي
سيلا ابتسمت : حاضر
فهد بيرتبلها شعرها الي كان منعكش من اثر النوم ..:طب يلا قومي صحصحي وفوقي كدا ..وشوفي لو هتروحي اي مشوار تعرفيني قبلها عشان اكون مجهزلك الحراسه
سيلا بتمسح ع شعرها بحرج: مش مستاهله حراسه ..انا مازن هيوصلني
فهد :لا احنا معندناش الكلام دا لما يكون خطيبك رسمي وييجي يطلبك مني
وقتها ييجي ياخدك ويوديكي براحته وكمان هيبقي معاكي عربيه حراسه
سيلا حمحمت باحراج: حضرتك عارف مازن ليه دماغ لوحده مبيحبش حد يفرض عليه حاجه ..
فهد بثقه : الا انا ..متأكد انو هيعمل اي حاجه عشانك ..والي خلاه وافق انك تقعدي هنا مش هيبقي صعب عليه انو يجيب اهله وييجوا يتقدمولك رسمي ولا انتي مش معتبرانا اهلك .وانا ولي امرك
سيلا بخجل : اكيد بعتبر حضرتك كدا ..انا ربنا يعلم من اول ما دخلت البيت حسيت بالامان اد اي ..كأنه بيتي بالظبط
فهد :هو بيتك فعلاً ي سيلا ..وقف بجديه.المهم زي ما قولتلك اي مشوار تبلغيني قبلها مش مسموحلك تخرجي من غير مااعرف
سيلا هزت راسها بطاعه : حاضر
مشي فهد وخلال دقايق كانت خرجت سيليا من الحمام ولبست
ودخلت سيلا خدت شاور ولبست بردوا ونزلوا الاتنين ع الفطار
وكان الكل متجمع حتي ليان لانها عارفه ان مينفعش وجبه الفطار بذات تغيب عنها عشان محدش يشك في حاجه ...وكانت طول الفطار بتبص ل ايهم بحزن وهو كان متجاهلها ..وبيتكلم مع مونيكا وبيأكلها
سيلا وسيليا كانوا بيتنمروا عليهم ويضحكوا ..لكن حمحم صقر بقوه خلاهم سكتوا ومتكلموش
صقر كان بيأكل سيلا وبيحطلها الاكل في طبقها وكل الي ع السفره ملاحظين اهتمامه بسيلا خصوصاً رغد الي كانت حاسه بالغيره وسيليا بردوا ..لانها بتحب ابوها جداً وهو دايماً كان اهتمامه بيها هي وبس ومتقبلش ان حد ياخد اهتمامه غيرها ..
سيليا بضيق وقفت : انا شبعت
صقر بصلها باستغراب : انتي لحقتي كلتي حاجه
سيليا :الحمدلله
صقر كان فاهم انها مضايقه فا مسك ايديها بهدوء وحنيه : طب اقعدي
قعدت سيليا وبدأ صقر يأكلها زي ما بيأكل سيلا ..وهي مبسوطه
اما سيلا فااتحرجت لانها حست ان سيليا اضايقت من اهتمام صقر بيها وهي مش عارفه سبب الاهتمام دا اي ولا حتي هو عارف
خلصوا فطار وكل واحد راح شغله واتبقت هي في القصر مع غرام وچيسي وتالا و مونيكا
خرجت سيلا في الجنينه وبتتمشي وهي شايفه حواليها الحراسه الي منتشره في كل مكان
قربت من حمام السباحه وقعدت وهي بتبص للفراغ وسرحانه ..لكن فاقت من سرحانها لما قعدت غرام قصادها
غرام بحنيه : سبحان الله ..كأني قاعده قصاد حفيدتي بالظبط
سيلا ابتسمت بخجل : اهلاً بحضرتك
غرام ابتسمت : الاختلاف بينكوا يعتبر في الشخصيه ..انتي شكلك هادي عكس الشعنونه بتاعتنا
سيلا ضحكت :ههههههه . شكراً لحضرتك بس هو انا مش هاديه اووي يعني ..هو بس عشان لسه مش واخده ع الجو
غرام وهي مبتسمه : ماشي ي ستي ..هو كلها شويه وتاخدي ع الجو
المهم كلميني عنك شويه
قضوا وقت يتكلموا
♥️♥️♥️♥️♥️♥️♥️♥️♥️♥️♥️♥️♥️
قلم قوي نزل ع وشها وقعت ع الارض من قوته ..وهو بيبصلها بغضب :وانتي ازاي تسمحيله انو يدخل اوضتك ويحصل كل دا
مغفلانا كل دا ي ليان واحنا منعرفش
و انا الي فاكرك نسيتيه خلاص ومبقتيش بتفكري فيه
ليان دموعها نزلت في اقل من ثانيه وحاولت تقف وهي بتبص في الارض ومش قادره ترفع عينيها في وشه : انا اسفه ي جدو ..انا عارفه اني غلطت بس انا محتجالك جنبي اووي ..انت الوحيد الي هتقف جنبي ومش هتسبني
انا تفكيري محدود وع ادي ..عشان خاطري خليك جنبي ..انا قلبي واجعني اووي
انهارت ليان من العياط وشريف خدها في حضنه بيطبطب عليها وهو مازال متعصب واردف بقوه : خلاص اهدي ..انا جنبك ..والكلب دا هعلمه الادب وهربيه كويس اوووي ..واضح ان قعدته في امريكا نسته الاصول والادب
بعدها عن حضنه لكن لسه قريبه وبصلها : من انهارده انتي الي هتتجاهليه خالص ومش هتبيني انك زعلانه او مضايقه
ليان هزت راسها وهي وشها غرقان بالدموع : حاضر
شريف مسح دموعها بهدوء:خلاص يلا اغسلي وشك واطلعي كملي شغلك وهتيجي معايا مشوار نروح نظبطك كريمات وحاجات تنور الوش كدا
ال الراجل هو الي بينور الست ال ..امال الماسكات دي راحت فين
ليان ضحكت غصب عنها وسط دموعها وهو ابتسم ..راحت تغسل وشها ورجعت كملت شغلها وكان ملاحظ هاشم تغيرها الايام الي فاتت وكمان تغييرها انهارده ..وبعد ما شافها خلصت شغل قرب منها بهدوء وبصلها : مالك ي ليان ..انتي متغيره بقالك كتير بس متكلمتش عشان كنت بشوفك مبسوطه لكن انتي انهارده باين انك زعلانه
ليان بهدوء :مفيش ي هاشم ..انا بس زهقت من الشغل شويه
هاشم مكنش مصدق كلامها : رغم اني مش مصدق بس ماشي هسيبك براحتك لحد ما تكوني محتاجه تتكلمي وقتها هتلاقيني موجود
ليان ابتسمت مجامله : شكراً ي هاشم معلش انا همشي عشان متأخرش عن اذنك
مشيت ليان وهاشم سرحان بيفكر فيها ..مش عارف هو ليه مهتم وليه مركز معاها برغم انو عمره مااهتم او ركز مع بنت ..كان بيقضي اسبوع او اسبوعين وبيزهق ويسيبها ..لكن دي مش حاسس بزهق ..حاسس انو منجذب ليها
شريف كان خارج من مكتبه في نفس الوقت وشاف هاشم وهو كان بيتكلم معاها وهي مشيت وبتيجي ناحيه المكتب خدها شريف ومشي واردف وهو بيشاور ع هاشم بعينيه: هو الواد دا مضايقك في حاجه
ليان هزت راسها بالرفض :لا خالص دا شخص كويس ومحترم جداً
شريف رفع حاجبه باندهاش:هااشم
ليان استغربت:اه هاشم
شريف :سبحان الله ..قادر ع كل شئ
ركبوا العربيه ..واتحركوا ل بيوتي سنتر كبير
وصلوا ودخلوا البيوتي سنتر وشافته من بعيد صاحبه البيوتي سنتر وابتسمت بترحيب وقربت منه :معقوله شريف بيه بنفسه هنا
اهلاً اهلاً ي فندم
ابتسم شريف وسلم عليها :ازيك ي هانيا
هانيا بابتسامه:بخير طبعاً ي باشاا
بصت ل ليان ..دي بنتك مش كدا
شريف ضحك:هههههه لا مش لدرجه دي حفيدتي ليان
هانيا :معقوله ي باشاا دا انت سنك ميديش كل دا
بس هي بردوا زي القمر ..
ليان ابتسمت : ميرسي
شريف :المهم ي هانيا ..انا عايزك تظبطهالي من كل حاجه ..عايز وشها منور ميبانش باهت ولا يبان عليه زعل خالص
هانيا قربت منها وهي مبتسمه : دا مين دا بس الي يخلي القمر دا يزعل
متقلقش ي شريف بيه ..هخليهالك زي القمر بصت ل ليان
تعالي معايا ي لولو
بصت ليان ل شريف وهو ابتسم بحنيه :يلا ي لولو
انا همشي بقاا ي حبيبتي لان انتي لسه قدامك وقت كبير
ومشي فعلاً شريف وليان دخلت مع هانيا
♥️♥️♥️♥️♥️♥️♥️♥️♥️♥️♥️
الكل متجمع ع العشاء ماعدا الكرسي بتاعها فاضي ..بص فهد ل يامن : امال فين ليان لحد دلوقتي ..مش المفروض مخلصه شغل من بدري
يامن بهدوء:اه بس هي عندها مشوار هتخلصه وتيجي متقلقش ي خالو
دخلت والكل كان بيتكلم مع بعضه ..قربت منهم وكانت الصدمه من حظهم كلهم بلا استثناء لانها مش بس عملت ماسكات تنور وشها
تالا بدهشه:انتي قصيتي شعرك
ليان ابتسمت :اه اي رايكوا
YOU ARE READING
قصائد الحب (الجزء الثالث من احببت عنادك)
Romanceقصيده بتحكي وتعبر عن حالتها وقت فرحها ووقت حزنها وقصيده هتعبر فيها عن وجعها. وخوفها وقلقها والي هيقدر بوجوده يطمنها ...... ( دي اول قصه ) واحده الظروف هتبقا اكبر منها وهيجي هو الفارس ويدافع عنها ويحميها من كل الي بيحاولوا يأذوها هيكون سندها وهيك...
