عشق لسه احساسها بالتعب مخفش لكن كان لازم تتجاهل التعب بعد الي سمعته منه وصدمتها من كلامه :انت بتقول اي ..انا متجوزتش حد
انس ببرود :لا احنا اتجوزنا امبارح ..ومهما قولتي او اتكلمتي محدش هيصدق ..ابسط حاجه هيقولوها بتعملي اي هنا في شقتي
عشق بغضب وباين ع صوتها البرد وكمان مناخيرها الحمرا حتي الصداع كانت بتحاول تتغاضي عنهم : هقولهم الحقيقه طبعاً ..انت الي جبتني هنا وانا مش في وعي
الدكتور الي كشف عليا اكيد هيقول
انس ضحك بسخريه : هههههه قصدك شادي صحبي ..لا دا كارت خسران دا صاحبي واي حاجه هقولهاله هيقولها
انسي مفيش مفر ..انتي مراتي عرفي
عشق بغضب :انت الي تنسي الكلام دا..الجواز دا باطل لان ولا فيه شهود ولا انا موافقه
انس بيتمشي في الاوضه وهو حاطط ايديه في جيبه بثقه : قولتلك محدش هيصدق كلامك ..وهما زمانهم دلوقتي قالبين الدنيا عليكي ..
عشق استوعبت ان فعلاً اكيد بيدوروا عليها بتبص حواليها تشوف الفون لكن ملقتهوش وهو فهم الي بيدور في راسها
انس بيخرج الفون من جيبه: بتدوري ع دا
عشق جريت عليه وخدته من بعصبيه لكن لقته مقفول اتعصبت اكتر :متزفت مقفول
انس : فيه شاحن جنب السرير
بصت عشق جنب السرير وحطت الفون ع الشاحن ورجعت بصتله وقربت منه وهي بترفع ايديها بتحذير : بقولك اي تنسي الكلام الي بتقوله دا
وبعدين لما انت عايز تتجوزني مطلبتنيش ليه من بابا ..ليه تعمل الاسلوب الرخيص دا
انس مسكها من دراعها وبيضغط بقوه وغل : لاني مش هتجوزك عشان سواد عيونك ...انا لسه النار الي جوايا متطفتش ..ومش انا الي اسيب حقي واسكت
النار الي جوايا دي مش هتحرق حد غيرك ي عشق
والانتقام هيبدأ من اول ما تخفي ..هسيبك اليومين دول ترتاحي وتستوعبي الي قولته وبعدها هقولك هعمل اي وانتي هتنفذيه والا الورقه دي هتوصل لشغلك واهلك
زقها بعيد عنه وخرج وهي مصدومه من كميه القسوه الي في عينيه
والطريقه الي بيتكلم بيها ..وجواها لاول مره احساس بالخوف منه
هي الي عمرها ما خضعت او استسلمت لحد ..حاسه بالخضوع ناحيته وكأن تهديده فعلاً خوفها
فاقت من صدمتها ع صوت فونها وكأن الشخص مستني ان الفون يتفتح و رن ع طول ..مسكت الفون وكان باباها ردت وصوتها باين عليه التعب والضعف :الو
يزن بغضب لكن نابع من قلق كبيير لدرجه انو مخدش باله من نبره صوتها :انتي فين ي عشق ..من امبارح مختفيه .سبتي الفرح وروحتي فين
عشق بتحاول تمنع دموعها من النزول وجواها خنقه مش طبيعيه : لما اجي هحكي لحضرتك كل حاجه ..انا في شغل دلوقتي هخلص وهاجي لحضرتك
يزن حس بقلق من نبره صوتها : طب انتي كويسه ..مال صوتك
اتشد الفون من يزن وكانت جوري وهي هتموت من القلق ودموعها ع خدها : الو ..ايوا ي عشق ..انتي كويسه ي حبيبتي
حصلك حاجه احكيلي
عشق بضعف وكأن صوت مامتها فجرت قنبله جواها من الدموع وبتمنع صوتها حد يسمعه واتكلمت بصوت اشبه بالطبيعي : انا كويسه ي ماما
متخافيش ..هاجي وهحكي لحضرتكوا كل حاجه
جوري قلبها واجعها ع بنتها ومش مطمنه ولا مستريحه ..حاسه بحاجه بنتها بتخبيها عنها لكن فضلت تستني لما تيجي :ماشي ي حبيبي خلي بالك من نفسك وتعالي بسرعه ..
عشق :حاضر
قفلت بسرعه بعد اخر ذره تماسك جواها انهارت وعيطت جامد ..مش عارفه الدنيا بتاخدها ع فين تاني ..مش عارفه انس ناويلها ع اي ..خايفه منه لكن مينفعش تبين خوفها قصاده ..لازم تبين قوتها ..لازم تعرفه ان القرار الي خده هيبقي اسوا قرار خده في حياته
مسحت دموعها لكن قلبها مش مطاوعها تقسي زي ما هو قسي وقلبها بيبرر انو حقه لانها اذته
لكن عقلها كان ليه رأي تاني ..عقلها بيتمرد ولازم متضعفش ولا تخضع
لان عمرها ما كانت كدا
دخلت الحمام غسلت وشها كويس حتي من الميك اب وخرجت خدت فونها وطلعت برا الاوضه كان هو قاعد وحاطط رجل ع رجل وبيدخن سيجارته ببرود
اتجاهلته وماشيه ناحيه الباب لكن وقفها وهو بيرميلها مفاتيح :مفاتيح عربيتك اهي هتلاقيها تحت البيت
خدت المفاتيح في صمت وخرجت برا الشقه ورزعت الباب بقوه وراها وهو بيضحك ع طفولتها
♥️♥️♥️♥️♥️♥️♥️♥️♥️♥️♥️♥️♥️
YOU ARE READING
قصائد الحب (الجزء الثالث من احببت عنادك)
Romanceقصيده بتحكي وتعبر عن حالتها وقت فرحها ووقت حزنها وقصيده هتعبر فيها عن وجعها. وخوفها وقلقها والي هيقدر بوجوده يطمنها ...... ( دي اول قصه ) واحده الظروف هتبقا اكبر منها وهيجي هو الفارس ويدافع عنها ويحميها من كل الي بيحاولوا يأذوها هيكون سندها وهيك...
