قصائد الحب (الجزء الثالث من احببت عنادك)

البارت 8

وصلت الشركه قبل المعاد الي متفق عليه وطلعت مكتب باباها ودخلت
يزن باستغراب :غريبه اول مره تيجي من غير ماابعتلك
عشق بضيق :مانا للاسف ادبست وكان لازم اجي
يزن رفع حاجبه :نعم ي اختي
عشق ضحكت غصب عنها وقعدت قصاده ع الكرسي :سوري يعني ي بابا مقصدش
انا بس مستأذنه بسبب المهمه اصلاً لان انس المفروض ميعرفش اني ظابط
وهو جاي الشركه عشان عازمني ع الغداء فا كان لازم اجي قبله عشان ميشكش
يزن هز راسه بتفاهم:اممممم والاستاذه لولا انها ادبست مكنتش هتقولي اصلاً
عشق :لا طبعاً عليك ي زيزو انت تعرف عني اني بخبي حاجه
يزن :لا ي اختي ما دا الي مستغربه وبعدين سي زفت عازمك ع الغداء ليه
عشق رفعت اكتافها بحيره:معرفش ..بس حاجه كويسه انا كدا ممكن اطلع بمعلومات اسرع وادق
يزن اتنهد وسند بضهره ع الكرسي :لسه مصممه ع الي في دماغك ومقتنعه بيه ماانتي روحتي وشوفتي بنفسك وكمان الشحنه خدناها وكانت في السليم
عشق :بس لسه عندي شكوك ي بابا ومتأكده ان انس هيقدر يساعدني
يزن :بلاش ي عشق ..بلاش تستغلي حد لصالحك انا مربتكيش ع كدا
عشق :انا مش بستغل دا شغل وبعدين هو الي لازقلي فا استنفع انا بقاا
يزن بقله حيله:براحتك انا تعبت منك اصلاً ومن دماغك الناشفه دي
عشق غمزته وهي بتقف ورايحه ناحيه الباب وبصاله :طلعالك ي كبير
فتحت الباب وبعتت لباباها بوسه في الهواء وبتخرج خبطت في جسم صلب وقوي
عشق بألم وهي بترجع ورا ومغمضه عينيها ومشافتش الي قدامها :اااااه. انت غبي مش تفتح ..اااه
شالت ايديها وكانت انفها بتنزف بصت قدامها وشافته اتعصبت اكتر. هو انت ..انت ي ابني حد مسلطك عليا ورايا ورايا
انس ببرود :ماانتي لو بصه قدامك مكنتيش اتخبطتي مش ذنبي انك غبيه
عشق بغضب وهي حاطه ايديها ع انفها:هي مين دي الي غبيه ي متخلف انت مش كفايه السبب في الدم دا
انس بسخريه:ي حرام كل دا دم
عشق اتعصبت:انت بتتريق
انس :امال عايزاني اقولك اي وانتي هبله كدا ..روحي ي شاطره اغسلي وشك ووقفي النزيف
عشق بتدبدب ع الارض بغيظ وبتضغط ع اسنانها :واحد مستفز
دخلت عشق الحمام ويزن باصصلهم وهو كاتم ضحكته ع شكل عشق الغاضب وطريقتهم في الخناق
يزن ضحك:انتوا بتفكروني بنفسي زمان كنت زيكوا كدا
نفس الخناق
انس ابتسم وقرب منه وقعد ع الكرسي :وفي الاخر اتجوزتوا
يزن بثقه:انت شايف اي
انس :انا شايف انكوا جبتوا واحده مجنونه متقلش عن الي في مستشفي العباسيه
عشق خرجت وسمعت كلامه وبصتله بغضب :هي مين دي الي متقلش عن الي في مستشفي العباسيه ي الي مش عارفين يفرقوا بينك وبين سيد قشطه بسبب ضخامتك دي
انس ابتسم ببرود :مش احسن مااهرب من سرايا المجانين
وانتي مش محصله الاطفال حتي بحجمك دا
عشق بتدبدب في الارض بغيظ وبصت ل باباها ورجعت بصتله :بابا خليه يبطل استفزاز
يزن كاتم ضحكته ومش قادر يتكلم ودا عصبها اكتر :حتي انت ي بابا
انس ببرود :يلا بينا عشان منتأخرش
عشق بعند:انا مش جايه معاك في حته
مشيت عشق ناحيه الباب خطوات وفجاه اترفعت عن الارض. ع كتفه وشعرها مغطي وشها وبتحاول تفلت من قبضته لكن مش عارفه بسبب احكامه لمسكها :عااااااا سبني ي حيوان. ..عاااا. نزلني
انس لف وبص لباباها بهدوء :احنا اسفين طبعاً ع الازعاج دا بس اعمل اي هي الي اضطرتني لكدا انا مش بحب اكرر كلمتي مرتين
قال كلامه وخرج وسط ذهول يزن والموظفين وصراخها وضربها فيه
خرج برا الشركه وركبها العربيه وشاور للامن يمسكوا الباب عشان متحاولش تفتحه وركب الناحيه التانيه وربطها بحزام الامان واتحرك وهي بتصرخ وتزعق طول الطريق
عشق بغضب ونرفزه:انت معندكش دم بقولك نزلني ي بارد
ي مستفز ..عاااااااا والله هصوت والم عليك الناس واقولهم خاطفني
عااااااااا
انس حط ايديه ع ودانه بانزعاج:بس الله يحرقك طرشتيني بطلي
عشق بتصرخ اكتر :لاا مش هبطل وهفضل اصرخ لحد ما تفكني وتسبني. عااااااااااااااااا
فجاه اخرستها قبله قويه وعنيفه منه بعد ما وقف العربيه خلتها مذهوله وثابته زي الصنم
وبايديه طلع شريطه لزق وحطها ع بوقها بعد ما بعد عنها وهو مبتسم بمكر واتحرك تاني بالعربيه وهي بين صدمتها ونظرات غاضبه منها لكن مش عارفه تتحرك بسبب انها متكتفه
انس بمكر:كان لازم يعني اخرسك بطريقتي مانا قولتلك اسكتي ي بنت الحلال من الصبح
عشق بغضب :اممممممممممم ممممممممم
انس :تؤتؤ مش هفكك هخليكي كدا لحد ما نوصل ومتقلقيش انا حاجز المطعم لينا بس يعني مهما صرختي محدش هيبقي موجود يسمع صريخك
بعد وقت وصل قدام مطعم شيك وفاخر وقف وبصلها بتحذير :هفكك بس عارفه اي حركه غدر هقتلك فاهمه
عشق هزت راسها ببرائه وفكها فعلاً وبحركه سريعه لكن قدر يتفاداها حاولت تضربه بالبوكس بصلها ومبتسم ببرود :لا ي حلوه مش انا الي بنت تمد ايديها عليه ولا اتخلقت ولا لسه هتتخلق الي تفكر تمد ايديها عليا
بيضغط ع ايديها وهو بيلويه ورا ضهرها. انا لحد دلوقتي هادي صدقيني بلاش تشوفي الوش التاني عشان مش هيعجبك
خليني لطيف وهادي كدا معاكي ونقضي السهره كويسين
عشق بتتألم وبصتله بغضب :السهره دي تقضيها مع اي واحده غيري
وسيب ايدي بدل مااكسرهالك
انس بتحدي :انا مستني تكسريهالي ي عشق
عشق بألم :سيب ايدي ي انس
انس ساب ايديها واتنهد بهدوء:يلا انا مش هتحايل عليكي كتير ولا تحبي اشيلك
عشق فتحت الباب وبتخرج وهي بتمتم بغيظ:شالتك عقربه ي بعيد
انس خرج برا العربيه وبصلها :كنتي بتقولي حاجه
عشق بتضغط ع اسنانها :مبقولش
انس قفل باب العربيه وقرب منها :اه بحسب
مسك ايديها وحطها بين ايديه ودخلوا المطعم وقعدوا وبدأ فرقه الكمان في العزف والجو كان هادي وشاعري جداً وبرغم كل دا متنكرش انها اعجبت بالمطعم والهدوء الي فيه
فاقت ع لمسه ايديه بثقه ورقه:تسمحيلي بالرقصه دي
قبل ما تعترض او تمانع كان واخدها لرقص ..قربها لحضنه ولف ايديه ع خصرها بثبات وثقه وباصص في عيونها بنفس الثقه في لمساته وحضنه وحركاته
عشق بصاله وهي مستغربه استسلامها ليه وهي الي عمرها مااستسلمت ولا خضعت لحد مهما كان ..دايماً بتنفذ الي في دماغها وعنيده لدرجه كبيره
لكن دا قدر يكسر عنادها وتمردها حتي لو قدام نفسها وقدر يكسر الحاجز الي طول عمرها بتبنيه ومتنكرش انها اعجبت بيه وبطريقته الواثقه والجديه
انس مبتسم بثقه وبيتمايلو ع نغمه الكمان:هتفضلي بصالي كدا كتير. عارف اني وسيم وشخصيه الكل يحبها بس الجمال مش كل حاجه
عشق اتغاظت من عجرفته :لا ع فكره انت واخد مقلب في نفسك اووي انا مش معجبه بيك ولا حاجه انا بس نفسي اخلص من التدبيسه السوداء دي
انس بنفس الثقه الي عمره مااستغني عنها :يبقي مش هتخلصي لان انا قولتلك لما بحط حاجه في دماغي مش بسيبها وبعدين متنكريش انك معجبه بيا انا بردوا اتحب
عشق بصتله بسخريه ومردتش لان فعلاً كلامه صح لكن مش عايزه تعترف ب دا حتي قدام نفسها
♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️
وقفت قدام الاوضه لثواني وبتفتح بالمفتاح لكن قبل ما تفتح شخص سحبها من وراها وهو كاتم بوقها ودخل الاوضه الي قصادها وهي بتحاول تصرخ
وكتم صرختها ببوسه قويه وعميقه وهو محاصرها بعضلاته عند الباب ومن بين شفايفه همس بغيظ وهو يضغط ع خصرها:تفتكري ممكن اعمل فيكي اي دلوقتي
اميره كانت مذهوله من الي حصل في ثواني وبتاخد نفسها بقوه وبصاله باستغراب :هو انا عملت اي
ادم الصقها بجسده بقوه وحده :مين سمحلك تركبي عربيه مع ناس متعرفيهاش وتيجي لحد هنا من غير ما تقوليلي
اميره مستغربه :هو مش انت الي بعتهم وقولتلهم يعملوا كدا
ادم غمض عينيه بغيظ من تفكيرها :وانا لو عايز اعمل كدا ابعتلك حراس ..ليه متجوزه سوسن عشان اسمح ان مراتي تركب مع رجاله
اميره بقلق:امال مين دول
ادم بضيق :دول تبع الزفته الي اسمها ريناد ومتفقه مع الزفت التاني ايهاب
اميره بدهشه وخوف :معقوله
ادم :اه معقوله وكويس اني وصلت في الوقت المناسب
اميره :وانت عرفت مكاني ازاي
ادم رفع حاجبه بقوه :هو انتي بتكلمي مهندس ...ريناد مكالماتها متراقبه كلها
عشان كدا قررت اسبقهم بخطوه واستغل دا لصالحي انا
ضغط ع خصرها بضيق ..بس متوقعتش ان الاستاذه هتركب العربيه
كمل بتحذير  عارفه لو حصل واتحركتي من غير اذني تاني هقتلك ..ومتخرجيش من الاستديو غير لما انا اجي
اميره قلبها بيدق بخوف و رعب واترمت في حضنه :انا مش عارفه اقولك اي ..بس انا اسفه ..مش هتكرر تاني
ادم بعدها عن حضنه وابتسم بحنيه :يعني ينفع كدا بوظتي المفاجاه ..ع فكره مش هسمح ابداً بأي اعذار انهارده
انا عامل كل دا عشانك ..فا هتقوليلي خايفه او زعلانه
هقتلك
اميره ابتسمت غضب عنها :عملت اي بقاا عشاني
ادم بعد وشاور بايديه ع الغرفه :تقدري تشوفي بنفسك
اميره بدات تاخد بالها من الغرفه وشايفه البلالين ع الحيطه
واسمها بشكل متزين ع الحيطه بردوا وورد احمر ع الارض وع السرير بشكل قلب وفي النص حرفها
وشوكلاته حواليه دخلت وهي بتبص للاوضه بانبهار ونسيت اي خوف في اللحظه دي مبهوره بشكل وجمال الاوضه والاهم مفاجئته ليها
اميره بانبهار :الله ي ادم ..كل دا عشاني انا
ادم انحني بجسده وشالها بخفه وبصلها وابتسم:طبعاً ي عيون ادم
فاكره انك انتي تعملي مفاجاه وانا لا
اميره باحراج :مانا مفاجئتي باظت
ادم بحب:بس دي بقا مش هسمح انها تبوظ ابداً وهاخدك من هنا ونقضي اجمل شهر عسل مع بعض
اميره بسعاده:انا مش مصدقه بجد
حاسه اني بحلم ..معقوله عوض ربنا يكون كبير بالشكل دا
انت كتير عليا اووي ي ادم
ادم ابتسم بحب :انتي تستاهلي اكتر من كدا ي اميرتي
قرب من السرير ومددها بهدوء وشغل ميوزك مختارها مخصوص ليها
اميره ابتسمت وقامت من ع السرير :طب انا هدخل اخد شاور لان شكلي مبهدل
ادم قرب منها وبيفك ازرار بلوزتها بهدوء :مش هسمحلك تعملي اي حاجه انهارده
انتي انهارده ملكي انا ..كل حاجه انا الي هعملها
حتي الشاور هناخده سوا
بيمرر ايديه بإريحيه وهو بيفك بلوزتها بمنتهي الهدوء والرقه