قصائد الحب (الجزء الثالث من احببت عنادك)

البارت 18

بيعاملها بجفا وجمود طول الوقت وكان خلاص فاضله ايام ويخرج من المستشفي
وفي وسط ما كلهم متجمعين وقاعدين حواليه بيهزروا ويتكلموا سمعوا خبط ع الباب ودخل ادهم بابتسامه هاديه واسيا قربت منه وحضنته وسلمت عليه
وقرب من عمر وهو مازال مبتسم بعد ما سلم ع الموجودين : عامل اي ي بطل
عمر بهدوء:الحمدلله ي اونكل
ادهم سحب كرسي وقعد قدام عمر واتغيرت ملامحه للجديه :احنا قبضنا ع الي ضرب عليك نار
الكل انتبه ل ادهم وحمزه قام بجنون :هو مين
ادهم بصله بهدوء:اهدي ي حمزه وامسك اعصابك ..الموضوع مش زي ماانتوا متخيلين ..اصلاً عمر مكنش المقصود
الي كان المقصود. بص ل اسيا وهي استغربت واردفت :حضرتك باصصلي ليه ..هو انا الي كنت مقصوده
ادهم بأسي:للاسف اه ي اسيا ..انتي الي كنتي مقصوده
عمر باستغراب وقلق ع اسيا :يعني اي هي المقصوده انا مش فاهم حاجه ..هو مين اصلاً الي عمل كدا وكان يقصد اسيا ليه ..هي عملت اي
ادهم :هي مش هو ..الي عملت كدا بنت مش ولد ..وتعرفكوا كويس اووي وانتوا كمان تعرفوها
عمر وهو بيحاول يحافظ ع اخر ذره تماسك جواه  :ممكن حضرتك تقولنا هي مين وبلاش الغاز
ادهم اتنهد بهدوء:چيرمين
الكل اندهش خصوصاً عمر واسيا الي بصوا لبعض بذهول مش مصدقين انها ممكن توصل للمرحله دي ممكن كرهها توصلها انها تقتل
اكيد قصدها كان القتل الي مش مجرد اذيه وخلاص ..اكيد لسه منسيتش تارها
بس كل مره كانت بتبقي بسيطه وبتعدي ع خير وبيقدروا يكملوا ..لكن المرادي هي دمرت حياته وضيعت مستقبله الي عاش سنين بيبنيه وبيحلم بيه ..وكل دا بسبب كرهها ليهم والي قدست حياتها كلها عشان تأذيهم وتبعدهم عن بعض ..اكيد مفيش كره يوصل لدرجه دي
فاقوا من صدمتهم ع صوت حمزه وهو بيسال ادهم:وانتوا اتاكدتوا من الموضوع دا ازاي
ادهم :بصراحه الي ساعدنا في الموضوع دا كان دكتور مالك الي لاحظ حاجه غريبه لما لقي شخص كل شويه بيجي يسال عن حاله عمر بس مبيطلعش يزوره وعشان كدا كلمني وقالي وعشان كدا سيبت مخبرين في المستشفي بس من غير ما حد يلاحظ عشان الشخص دا لو خاف هيهرب ومش هنعرف نمسكه وكمان من خلال التحريات والكاميرات الي كانت عند الريسبشن تحت عرفنا معلومات عنه وقدرنا نمسكه قبل ما يهرب
ولما اعترف قال ع الي وزته يعمل كدا وكانت هي چيرمين وقدرنا نقبض عليها وعرفنا منها كل حاجه واتاكدنا ان كلامها صح لان هي لسه لحد دلوقتي بتحب عمر ومستحيل هتأذيه ..هي كل الي عايزاه ان اسيا تبعد عنه وعملت محاولات كتير وفشلت فا لجأت للقتل عشان تتخلص منها ويفضالها عمر
اسيا بتسمع الكلام دا وهي في حاله ذهول مش قادره تصدق ودموعها الي غرقت وشها وهي مصدومه وبتتكلم بهيستريا   :يعني انا السبب في الي حصله ..كنت انا المقصوده ..ياريتني كنت انا الي اتقتلت وهو مكنش جراله حاجه
عمر لف راسه ليها بغضب :انتي بتقولي اي ..انتي غبيه دا قضاء وقدر
اسيا بصتله بجنون :بس انت اتأذيت بسببي ..مستقبلك ضاع وحلمك كمان بسببي انا ..اكملت بحزن وندم.  ياريتني كنت بعدت عنك من زمان مكنش حصلك كل دا ..ياريتني كنت رفضت لما جيت اتقدمتلي
انت اتاذيت كتير اووي بسببي واستحملتني كتير
انت مش مضطر لكل دا
حمزه بيحاول يسيطر ع اعصابه وهو مش مستحمل كل دا :اسيااا مش وقته الكلام دا ..عمر زي ما قالك دا قضاء وقدر ..والقدر اختاره هو
متحمليش نفسك ذنب مش ذنبك ..