My Ex-Boyfriend's Comeback

Chapter 24

"Good morning everyone!"

Sabay-sabay kaming napatingin sa kakagising lang na si Papa. Kinukusot niya pa kasi ang mata niya habang naglalakad pababa ng hagdanan.

"Good morning Honey!" Si Mama na ngayon ay nakalapit na kay Papa at nabigyan na ito ng morning kiss.

"Good morning Dr. Agustin!" Masayang bati ni Mich kay Papa.

"Kuya sino siya? Kapatid ba ni Sydney?" Tumingin si Sydney sa akin. Nginitian ko lamang siya. Napag usapan kasi namin ni Drew na sabay naming ipapakilala si Sunny sa family side niya mamayang breakfast, kaya naman inanyayahan ni Mama at Papa ang pamilya ni Drew para dito na mag breakfast sa bahay.

"Sila Mom and Dad nga pala, susunod na lang daw sila. May dinaanan lang sila."

Tumango na lamang si Drew sa sinabi ni Michelle.

"Breakfast is ready!" Masayang sabi ni Grace na may suot-suot pang apron at may hawak rin siyang sandok.

"Sinong may sabi sa'yo na pwede ka nang magtrabaho Grace?" Taas kilay na tanong ko sa kanya. Ang batang ito talaga! I told her not to force herself in working, lalo na't hindi pa rin magaling ang sugat niya...pero heto't nagtrabaho na pala kaagad.

"Sorry ate! Hindi naman talaga ako nagtrabaho e, tumingin lang ako kila Manang Fe...diba po manang?" Talagang kinunchaba niya pa ang mayordoma dito sa bahay.

"Hay naku!" Napapailing ko nalang na sinabi. Kaagad naman siyang nag peace sign sa akin.

"Sige na, pumunta na kayo sa dining area. Hihintayin ko na lang dito sa sala si Madam Helen at Chairman Alfred."

Sumang-ayon naman si Papa sa sinabi ni mama kaya nauna na kami sa dining area.

"Ate ako na magpapakain kay Sunny." Pagboboluntaryo ni Grace, ngunit tumanggi ako.

"Hindi na Grace. Maupo ka na lamang d'yan, sasabay kang kumain sa amin." Seryoso at nakangiti kong sabi sa kanya.

"P-po? Pero po family breakfast niyo---"

"You're part of the family Grace. Malaki ang utang na loob ko sa'yo." Putol ko sa pagsasalita niya.

"Ang bait-bait niyo naman ate."

"Anong year mo na nga pala?" Tanong ko sa kanya. Nahihiya siyang tumingin sa mga mata ko.

"Freshman po sana," sagot niya.

"Really? Wow. Napagdesisyonan kong pag-aralin ka na lang since bata ka pa naman. Kung gusto mo, sasamahan kitang mag-enroll sa pinakamalapit na University this coming second sem?"

"Talaga po ate Sydney?" Tumango ako sa kanya.

"Thank you po! Thank you so much po."

"You're always welcome. Besides, you're a sister to me."

"I'm proud of you." Dumako ang tingin ko kay Drew na nakaupo sa tabi ko.

"I'm falling for you harder each day." Dagdag niya pa na nagdulot ng kakaibang sensasyon sa katawan ko.

"Kayong dalawa ba ay nagkabalikan na?" Biglang singit ni Michelle. Nagkatinginan kami ni Drew at sabay na natawa sa tanong ni Michelle.

"Kailangan pa ba naming magkabalikan? Sa pagkakatanda ko kasi, hindi naman kami naghiwalay." Nakangusong sabi ni Drew.

"Hindi ka d'yan!" Pagtutol ko sa sinabi niya.

"Naroon si Michelle no'ng huli nating kita. Ngayon tatanungin kita Michelle, nakipag break ba si Sydney sa akin?"

Natatawang umiling si Michelle sa tanong ng kuya niya.

"See? Hindi tayo naghiwalay."

"Oo na!" Natatawa kong sagot. Paano ba naman kasi, pinagkaisahan na naman nila ako.