My Ex-Boyfriend's Comeback

Chapter 24

One Big Happy Family

--

"Good morning Dadda!" Mabilis na tinungo ni Sunny ang kinaroroonan ng Dadda Andrew niya. Natawa na lamang ako sa ginawa niyang pagkalas sa pagkakawak ko para mapuntahan ang Dadda niya.

"Good morning princess!" Masiglang bati sa kanya ni Drew pabalik. Nakangiti niya ring kinarga si Sunny at hinalikan sa pisngi nito.

Ang saya-saya nilang panoorin na nagkukulitan. Tila isang napakagandang tanawin ang natatanaw ko ngayon, at naghahatid ang tanawing tinatanaw ko ngayon ng hindi maipaliwanag ng kasiyahan sa aking puso.

"So, you're a momma now huh? Take note, napakaganda at napakabait pang bata ng anak mo. Manang-mana siya sa'yo,"

Nakangiting komento ni Mama habang pinagmamasdan si Sunny at Drew na nagkukulitan.

"Good morning, Ma." Hinalikan ko si Mama sa pisngi pagkatapos ay binigyan siya ng isang mahigpit na yakap.

"Hays. Ang anak ko talaga, napaka sweet pa rin hanggang ngayon." Nangingiting wika ni Mama. Tinawanan ko na lamang si Mama.

"Mama, thank you." Bigla kong sinabi. Kumunot ang noo ni mama.

"Thank you para saan?" Naguguluhan niyang tanong. Bahagya akong tumawa bago siya sinagot.

"Thank you for bringing me to this world. Kung hindi dahil sa inyo, marahil ay hindi ko 'to nararanasan lahat. Ang pagkakaroon ng isang napakaganda at napakabuting anak---kagaya ng sinabi niyo."

"Sus ikaw talaga!" Bahagya akong pinalo ni Mama dahil sa sinabi ko. Tila isang teenager si mama na kinikilig. I just laughed and hug her again.

"Tao po!" Sabay kaming napalingon ni Mama sa pinanggalingan ng boses sa labas ng pintuan.

Nanlaki ang mga mata ko nang makita ko roon si Michelle, ang bestfriend ko!

"Mich!" Dali-dali ko siyang nilapitan at sinalubong ng yakap. "Halika, pasok ka." Pagpapatuloy ko sa kanya sa loob.

"Nagtatampo ako sa'yo!" Nakanguso niyang sabi ng tuluyan na siyang makapasok sa loob ng bahay.

"Ilang araw ka nang walang paramdam! Bestfriend ba talaga ako sa'yo?" Parang bata niyang sabi. Bahagya akong natawa sa inaakto niya ngayon.

"Ito naman, 'wag ka nang magtampo." Panunuyo ko sa kanya. Nag cross arms siya at tila pinag-iisipan niya pa ng mabuti kung magtatampo pa ba siya o hindi na.

"Hmm...sige na nga." Pareho kaming natawa sa sinabi niya.

"Hi hija." Nakangiting bati sa kanya ni Mama.

Biglang nanlaki ang mga mata ni Michelle at bahagya ring umawang ang bibig niya ng makita niya si Mama.

"Dra. Agustin?" Tumango si Mama sa kanya.

"B-bakit po kayo narito?" Biglang lumapit si mama at kinuha ang kamay ko.

"She's my daughter." Nakangiting sabi ni mama. I smiled to Michelle.

"Oh my God!" Napahawak siya sa sintido niya. Marahil dahil hindi siya makapaniwala.

"Ang liit talaga ng mundo. Akalain mo nga naman, si Sydney po pala 'yong matagal niyo nang hinahanap na anak? God!"

Bigla niya kaming niyakap ni Mama.
"Dra. I'm happy for you po. Masaya ako para sa inyo ni Doc Agustin." Dagdag niya pa.

"Salamat hija."

"Michelle," Buhat-buhat ni Drew si Sunny ng lumapit sila sa amin.

"Sila Mom and Dad?" Palinga-lingang tanong ni Drew kay Michelle nang hindi niya makita ang mga magulang niya.