My Ex-Boyfriend's Comeback

Chapter 6

Weird
___

"Momma!" Kaagad gumuhit ang ngiti ko sa aking labi nang salubungin ako ng anak ko.

"Wow! You look stunning with your dress, Momma!" Puri niya sa suot ko. Wari isang propesyonal na siya habang sinusuri ito. Natawa na lamang ako sa ginawa niya.

"Aww. Thank you, baby." I kissed her on her cheeks. Pinisil ko rin iyon.

"Momma, teacher wants us to bring family picture. Dapat daw magkakasama 'yong Baby, Mommy, and Daddy!" nakangiting sabi ni Sunny.

Nagkatinginan kami ni Grace sa sinabi ni niya. Para akong natuyuan ng tubig sa lalamunan dahil hindi ako makapagsalita.

"Uhm, Baby Sunny?" Tawag ni Grace sa atensiyon ng anak ko.

"Yes po, ate?" she asked excitedly.

"Si ate Grace na lang 'yong mag-aasikaso ng pinapagawa sa 'yo ni teacher, ha? Kasi look oh, pagod si momma." mahinahon na sabi ni Grace kay Sunny.

Nakuha yata ni Grace ang dahilan ko kung bakit ako natahimik, kaya siya ang gumawa ng paraan para mailayo si Sunny sa pagtatanong tungkol sa ama niya.

Alam kong darating kami sa puntong ito, na magtatanong si Sunny kung sino ang tatay niya. Subalit hindi pa ako handa. Hindi ko alam kung paano ko ipapaliwanag sa kanya ang sitwasyon namin, ang tungkol sa ama niya.

"Oo nga po, 'no? Sige po momma, mag-rest na po kayo. I love you!" Nakangiti niyang sabi. Kaagad niya rin akong niyakap ng mahigpit kaya muli akong napangiti.

"Okay, baby. Magbihis lang si Momma, ha? Then after, susubukan nating gawan ng paraan 'yan—"

"Huwag na po ate, ako na ang bahala kay Sunny. Keri ko na 'to!" sabi ni Grace.

"Thank you, Grace." Nginitian ko siya bilang pasasalamat.

Habang nagbibihis ay hindi ko maiwasan ang hindi isipin ang mga nangyari kanina.

Bakit gano'n umasta si Andrew?

Ang dami kong tanong, ngunit hindi ko alam ang sagot o kung may sagot nga ba.

Nag shower ako para mapreskuhan ang katawan ko. Grabe, nakakapagod ang araw na 'to, not physically but emotionally. Itutulog ko na lang siguro 'to.

Kinabukasan, maaga akong dumating ng opisina. This is my third day as an employee of Paradise Corp.

Dumiretso ako sa upuan ko, sa harap ng table ni Engineer Claveria. I check my wrist watch, it's already 8: 00 AM. I wonder kung papasok pa ba 'yong Boss ko?

Kanina pagdating ko ay kinuha ko na kaagad 'yong schedule ng appointments niya. Hindi naman masyado busy 'yong schedule niya. May meeting sila ng board member mamayang alas dyes.

Nang bumukas ang pintuan ay kaagad akong napatayo. Pumasok do'n si Andrew. Iba 'yong aura niya ngayon. Marahil tama nga ang sinabi kahapon ni Miss Michelle, na dala lang ng kalasingan ni Andrew 'yong mga pinagsasabi niya kahapon.

"Wear this." Seryosong sabi ni Andrew sabay nilapag niya sa ibabaw ng table ko ang isang malaking paper bag.

"An-ano po ito?" takang tanong ko.

"Your new uniform." Tipid niyang sagot pagkatapos ay tumalikod na siya sa akin at dumiretso sa siya sa table niya pagkatapos ay naupo sa kanyang swivel chair.

"Ano po? Eh, bago lang 'tong uniform ko—"

"I'm the Boss here, Sydney. Ibig sabihin, lahat ng sasabihin ko ay susundin mo. No more questions and buts." Magrereklamo pa dapat ako pero inunahan niya na ako. Like, seriously?