ဧကရာဇ်ဗျူဟာ [Di Wang Gong Lue]

အခန်း - ၈၉ (ထျဲန်းချန်ရှားဆိုတာ ဘာလဲ)

"ဒါလေးစားချင်တာကိုများကွာ၊ ကိုယ် လာဝယ်ပေးရင် ရပြီလေ ။ ဘာလို့ ကိုယ်တိုင်ကိုယ်ကျ အပြင်ထွက်စားရတာလဲ"

"အခန်းထဲမှာနေရင်း စိတ်အိုက်လာလို့ ....လေကောင်းလေသန့် ထွက်ရှူတာ"

"နေမကောင်းဖြစ်နေတာလေ....အိမ်ပြန်ရောက်သွားပြီး အဖျားပြန်တက်မှာ မကြောက်ဘူးလား"

ချူယွမ်က ဟင်းရည်တစ်ဇွန်း ခပ်သောက်လိုက်ကာ ဆိုလာ၏။

"ယောင်အာက ပြောတယ်၊ မီဆွာခေါက်ဆွဲပြုတ်က ရောဂါဘယအားလုံးကို ပျောက်ကင်းစေတယ်တဲ့"

"....."

"မင်းရော စားချင်လား၊ ငါ ဝယ်ကျွေးမယ်လေ။ ငါ့မှာ ပိုက်ဆံတွေ အပုံလိုက်ကြီး ပေါတယ် "

သွမ့်ပိုင်ယွဲ့ ရယ်ရမလား ငိုရမလားမသိတော့။ ထို့နောက် ချူယွမ်အတွက် ဝတ်ရုံတစ်ထပ် ခြုံလွှမ်းပေးလိုက်သည်။

***

ရွက်ကြွေရာသီအနှောင်း ဆောင်းဟေမာန်အစမို့ ရာသီဥတုက အတော်အေးစိမ့်နေသည်။ ထို့အပြင် ပင်လယ်ကမ်းစပ်ဒေသ ဖြစ်နေပြန်သည်မို့ လေတစ်ခါတိုက်တိုင်း အအေးဓာတ်က လှိုက်ခနဲ တက်တက်လာတတ်သည်။

ချူယွမ်လည်း ခေါက်ဆွဲပြုတ်ပူပူနွေးနွေးကို အကုန်စားပြီးသည့်နောက် ထရပ်ပြီး အိမ်ငယ်လေးထံ ပြန်လည်လျှောက်လှမ်းလာ၏။

"ရှစ်ဇီ ပြောပြသေးတယ်၊ မင်း မနေ့က ချိုးကျီဆီ သွားပြီး စစ်မေးသေးတယ်ဆို

သွမ့်ပိုင်ယွဲ့က ခေါင်းညိတ်ပြလိုက်သည်။

"အင်း၊ အကုန်နီးပါး ဝန်ခံပြီးသွားပြီ"

"တိမ်သလ္လာကန္တာတောင်ထွဋ်ရှိတဲ့နေရာရောလား"

"အင်း၊ ကျင်နျဲန်ရဲ့ပြောစကားနဲ့ ဆက်စပ်မှုရှိတယ် ၊ ကိုယ်တို့ခန့်မှန်းထားတာတွေနဲ့လည်း အတော်လေးကိုက်ညီတယ်။ သူ လိမ်ပြောတာ မဟုတ်လောက်ဘူး"

"သူက ဘာလို့များ ချက်ချင်းကြီး ဝန်ခံထွက်ဆိုရတာလဲ ။ မင်း သူ့ကို အကျိုးအမြတ်တစ်ခုခု ပေးလိုက်သေးလား​"

"အင်း၊ သူ့ရဲ့ကြီးမြတ်လှတဲ့ ဂုဏ်သတင်းနဲ့အလဲအလှယ်လုပ်လိုက်တာလေ"