قصائد الحب (الجزء الثالث من احببت عنادك)

البارت 10

بعد وقت فتحت عينيها والدكتور بيعلقلها المحاليل بصت حواليها وهي بتفتكر الي حصل وشافته واقف جنب الدكتور وبيكلمه واستوعبت انها في المستشفي
الدكتور :واضح انها اتعرضت لصدمه شديده مقدرتش تتحملها
وكمان واضح انها مكلتش من الصبح فا دا سببلها الاغماء
وانا علقتلها محاليل وباذن الله تبقي احسن
نائل وهو قلقان عليها:باذن الله ي دكتور
خرج الدكتور وهو بصلها ورسم ملامح الجديه وقرب منها وقعد ع الكرسي قصادها :حمدلله ع السلامه
مريم مش بترد ودموعها نازله بصمت ع خدها وبتبعد عيونها عنه
نائل :انا مقدر حالتك دلوقتي بس انتي الي اضطرتيني لكدا ي مريم
بس العتاب دلوقتي ملهوش لازمه ..واضح اننا اتسرعنا في علاقتنا
مريم بوجع وصوت متحشرج :لو سمحت سبني لوحدي
نائل كان موجوع عليها وفي نفس الوقت منها .حاسس بجرح في رجولته بسبب رفضها ليه وطريقتها الي فعلاً بينتله انها مش عايزاه :ماشي ي مريم انا هسيبك براحتك
خرج نائل وبمجرد خروجه انفجرت من العياط الي كانت حبساه وهو موجود ..حاسه بوجع قلبها وهو بيتعصر من الالم والوجع الي حاسه بيه ..دفنت وشها في المخده وبتصرخ بصوت مكتوم بتصرخ وتصرخ بتطلع خنقتها ووجعها
مش قادره تصدق انو باعها بالسهوله دي وافتكرت كلام صاحبتها انو لو بيحبها هيستحمل ..لكن اكتشفت انو مش بيحبها لانو مستحملش

واقف برا وسامع صوت عياطها وصراختها المكتومه وموجوع نفسه يدخل ياخدها في حضنه ويطبطب عليها ويقولها مش هسيبك ..بس هي الي باعته ومشترتهوش ..سمعت كلام غيرها واتصنعت شخصيه غير شخصيتها

انك تتصنع شخصيه دي اول مرحله لتدمير العلاقه ..الي حبك ..حبك بشخصيتك ..بعيوبك ومميزاتك ..فااوعي تتصنع تتصنع شخصيه مش بتاعتك ..اول مراحل الحب واساسها هي الاهتمام والامان والحنان ..والي اتراجعت عنها مريم وحرمته منها وبتبعد وتعمل فجوه بينهم ..لحد ما كبرت ..هي الي ادت فرصه لشيطان يدخل بينهم ويمنع حبهم لبعض
♥️♥️♥️♥️♥️♥️♥️♥️♥️♥️♥️♥️♥️

في مكان ع البحر قاعدين وبيبصوا للبحر بشرود كل واحد بيفكر في حاجه غير التاني انس بصلها بهدوء:ساكته ليه
عشق بحيره وهي بصه للبحر:بفكر
انس :طب ما تقوليلي بتفكري في اي يمكن افكر معاكي
عشق بصتله:طب ما تسيبك مني وتحكيلي عنك شويه حابه اسمعك
انس :رغم ان المفروض العكس ..المفروض انتي الي تتكلمي وانا اسمعك بس ماشي ي ستي هحكيلك عني
عشق :ماشي
انس بدأ يتكلم عن نفسه ويحكيلها وهي مستمتعه وهي بتسمعه ومستغربه الراحه الي حاسه بيها ناحيته رغم كرههم لبعض لكن حابه علاقتهم الي اتحولت ل صداقه احسن من عداوه لكن ي تري بعد ما يعرف انها كدبت عليه هتفضل علاقه الصداقه ولا هتتحول لعداوه كل دا كان تفكيرها وقلقانه من الموضوع
خلص انس كلامه وبيبصلها وشافها سرحانه ..استغل الفرصه ودقق في ملامحها وعينيه ع شفايفها نفسه يقطف منها الي يروي عطشه ..ومستغرب انجذابه ليها وهو عمره ما فيه واحده حركت حاجه جواه غيرها
قرب منها وهو مغمض عينيه ومنجذب لسحر شفايفها
عشق بتلقائيه خدت بالها من قربه وانحنت بضهرها لورا بخجل واحراج وهي عمرها ما كانت دي رده فعلها مع حد حاول يتعدي حدوده معاها
انس حس انها بعدت فتح عينيه وحمحم بحرج وبعد :احم
تحبي تتمشي شويه
عشق بخجل:اه ياريت
وقفوا وبيتمشوا وهما ساكتين مش عارفين اخر السكوت دا اي وهو جواه بيعنف نفسه ع ضعفه قدامها وهو مقدرش يمنع نفسه من انو يقرب
خد نفس قوي ورجع لقوته وثباته:مش حابه تتكلمي عن نفسك
عشق بتوتر:هتكلم اقول اي ماانت عارف كل حاجه عني
انس :انا كل الي اعرفه شغلك وساكنه فين وبنت مين
بس كدا
عشق :وهو مفيش فعلاً غير كدا
انس:يعني انتي مش مرتبطه
عشق :لا محصلش
انس ابتسم وهي استغربت :مالك مبسوط بعد ما عرفت انو لا ليه
انس بلامبالاه مصطنعه : عادي
طب مفكرتيش انك ترتبطي
عشق :لا الحقيقه الموضوع مجاش في بالي
انا اه اتقدملي كتير بس كلهم بيطلبوا اني اقعد من الشغل عشان كدا برفض
انس :لدرجادي بتحبي شغلك
عشق :اكيد والا مكنتش اشتغلته
انس :ومش ممكن تستغني عنه عشان حد بتحبيه
عشق :هو لو بيحبني مش هيخليني استغني عنه لانو حبني وهو عارف اني بحب شغلي ومقدرش اسيبه
وكلمه اني هخليها تسيب الشغل وهي طالما بتحبني هتوافق انا وقتها هرفض لاني هكتشف انو محبنيش
انس :وليه متقوليش انو بيحبك وبيغير عليكي وميحبش انك تتعاملي مع رجاله
عشق :ممكن احترمه في النقطه دي وهقدر دا جداً
بس بردوا المفروض يثق فيا ويثق اني حاطه حدود مستحيل حد يقدر يتعداها
انس:مش موضوع ثقه ..موضوع انك هتتعاملي مع راجل ..هتكلميه وتتعاملي معاه ..هتسلمي عليه هتضحكوا وتهزروا في وقت البريك ..كل دا
عشق :كل شغل فيه تعاملات وانا طالما حاطه حدود وواثقه من نفسي خلاص ..المهم اني مش هقبل اني اسيب شغلي
انس:وهتقبلي انك تسيبيه هو
عشق :هو الي سابني طالما حط الشغل عائق بينا
انس:بس الراجل بيحب انو يكون رقم واحد في حياه مراته او حبيبته
عشق:وهو هيكون فعلاً رقم واحد
انس :ازاي وانتي فضلتي الشغل عليه
عشق :مش بفضل بس الاجبار مش بحبه
لكن لو وافق انا وقتها ممكن اجي ع نفسي عشان ارضيه
وطالما بحبه يبقي هيكون رقم واحد بلا منازع
انس :هتقدري توفقي بين الجواز والشغل
عشق :هقدر
انس :بس هتبقي مسئوليه كبيره
عشق :هتعود عليها طالما بحبه وانا الي اختارت
انس:امممممم طب جربي اساليني كدا
عشق :محبتش قبل كدا
انس ابتسم:محبتش قبل كدا بس واضح اني هحب قريب
عشق ابتسمت بخجل وبصت في الارض:ولا حتي ارتبط
انس:لا انا جاد جداً في شغلي وبكره التقصير في اي حاجه مهما كانت صغيره
ومليش في علاقات البنات والحاجات دي
عشق:مفيش بنت جذبت انتباهك قبل كدا
انس:فيه
عشق بفضول:مين
انس :لا دا سر
عشق بحزن:كنت فاكره اننا اصحاب وتقدر تقولي عادي
انس :انا اقدر اقولك بس مش دلوقتي وبعدين مش ملاحظه انا قولتي اصحاب واحنا دي اول مره نتكلم فيها بهدوء
عشق :عشان يعني كنا بنتخانق في الاول
انس:اه
عشق :ما هو بصراحه انت كنت لا تطاق ومستفز وبارد
انس ضحك:اي دا كلوا وبعدين اسمالله انتي الي كنتي ملاك
ماانتي بردوا كنتي
عشق بتحذير :هاااا
انس غمزها بثقه:كنتي زي القمر
عشق اتكسفت :احم ميرسي
انس :طب احنا هنفضل نتمشي انا زهقت
انا بفكر في حاجه مجنونه معايا ولا اي
عشق باستغراب :حاجه اي
انس بيبص للبحر وبصلها وهي بصتله بدهشه بعد ما فهمت قصده:اوعي تقول انك عايزنا ننزل البحر
انس هز راسه بتأكيد :ايوا
عشق :لا طبعاً مستحيل انا مش عامله حسابي ع مايوه
انس :هي دي مشكلتك ..طب ي ستي محلوله اهو محل نشتري منه وكمان اجبلك بتاع الشمس دا عشان بشرتك
عشق بتفكير:اممممم طيب ماشي
راحوا المحل واشتروا المايوه وصن بلوك
بعد وقت كانت جاهزه وهو بردوا جهز وقرروا يعملوا سباق
وكانت السرعه والمهاره من نصيب انس لكن الخفه من نصيبها هي
كان هو اسرع ومسابق عنها وهي بتحاول تلحقه بتصميم وتحدي
وصل عند النقطه الي متفقين عليها وبيبص يشوفها وصلت لفين لكن مش موجوده بيبص حواليه في كل مكان مش موجوده
قلق ونزل تحت المايه وبيعوم ويرجع وبيبص فوق وتحت وجواه قلق عليها وبينادي :عععععععشششق
عمر القلق والخوف ما عرفوا طريق لقلبه اول مره يقلق ويخاف بالشكل دا كان زي المجنون بيدور عليها تحت المايه وفوقها وهو بيرجع نفس الطريق الي عاموه لكن ملهاش اثر
بيبص من فوق لمحها عند نقطه نهايه السباق وهي بتضحك وبصوت عالي :انا الي كسبت
انس اتعصب وبيعوم ناحيتها بجنون وغضب لحد ما وصلها :انتي كنتي فين
عشق بتضحك ومش واخده بالها من عصبيته:هههههه عملت فيك مقلب عشان اكسب
انس بغضب وتلقائيه:انتي غبيه يعني انا هموت من القلق وبدور عليكي وانتي كل همك انك تكسبي
عشق بطلت ضحك وبصتله باستغراب :تموت من القلق عليا ! ليه حد قالك اني طفله وبعدين انا محدش يزعقلي بالطريقه دي
انس بعصبيه:انا ازعق براحتي مش كفايه مستهتره وتافهه
ودي حقيقه انا شايف طفله قدامي واحده كل همها انها تكسب حتي لو ع حساب مين
عشق اتعصبت من شخطه فيها:اي الاڤوره دي
انا كل الي عملته اني وصلت وانا تحت المايه فين بقا كسبت ع حساب مين وانا مسمحلكش تتكلم معايا بالطريقه دي عن اذنك
خرجت عشق برا المايه ودخلت غيرت هدومها كان هو بردوا غير هدومه
شافته وهو واقف عند عربيته وساند عليها اتجاهلته وكملت لكن وقفها ومسكها من ايديها بثبات:اركبي
عشق زقت ايديه بغضب:مش هركب وياريت متتعداش حدودك بعد كدا اظاهر اني غلطت لما اعتبرتك صديق
انس بيحاول يتحكم في اعصابه وبيعصر قبضه ايديه بثبات وهو بيضغط ع اسنانه بحده:اركبي ي عشق مش هنتكلم في الشارع
عشق :ولا في الشارع ولا في اي مكان
ملكش دعوه بياا
انس:لا ليا ي عشق واتزفتي اركبي بدل مااركبك غصب عنك
عشق بغضب :وانا عايزه اشوف هتر
قاطع كلامها قبل ما تكمله كان شايلها وركبها العربيه وهي بتخبط فيه وتضربه وركب بسرعه واتحرك
عشق بزعيق وصراخ :وقف العربيه انا عايزه انزل
انس بيسوق بسرعه اكبر:مش هوقف زفت وبطلي صداع بقاا انتي اي ي شيخه بالعه راديو
عشق بغضب:اه بالعه راديو وعندي استعداد ابلعك انت كمان لو موقفتش العربيه ونزلتني
انس ببرود:اتكلمي ع قدك ي شاطره
عشق اتغاظت ومسكت دراعه وعضته
انس بيزق ايديه من سنانها وبصلها بغيظ:اااه ي بنت العضاضه
عشق بتشفي :احسن
انس وقف العربيه ع جنب وكتف ايديها بغضب :اهدي بقا والا قسماًبالله ي عشق رد فعلي مش هيعجبك ابداً
بطلي شغل العيال دا واعقلي شويه
عشق خافت من غضبه وزعيقه ليها وهي الي عمرها ما خافت من حد غمضت عينيها بخوف
انس اضايق انو خوفها ساب ايديها وبعد وهو بيمسح ع وشه وشعره بهدوء :انتي الي عماله تستفزيني كل مره
فيها اي لما تكوني هاديه زي اي بنت
عشق بضيق:لاني مش زي اي بنت ومبحبش حد يقارني بأي بنت ..انا دي شخصيتي وحابه نفسي كدا
وياريت تتفضل تروحني وابعد عني بقاا ي اخي
انس بثبات:ماشي ي عشق
اتحرك انس بالعربيه وهي جواها خوف وتردد انو ينفذ كلامها رغم انها الي طلبت بس مش عايزاه يبعد لكن كبريائها مانعها انها تقول كدا
♥️♥️♥️♥️♥️♥️♥️♥️♥️♥️♥️♥️♥️♥️