يالشعور العذب مدري ياعذابي

40

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 40 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌺🍃

شاف قارورة مويا بجنب طاولتها سحبها بدون مقدمات وارتشف منها ممكن تريح الحريقه والنيران اللي بقلبه من الضيق  رمى القاروره و
نظرَ بالسرير الابيض اللي كان متوسط الحجم مو بالكبير ولا بالصغير ...!
ارتجفت كل خلايا جسمّها ، امتلت العبره داخلها ، تركز بصرها على ملامحه الحزينه والميته ..!
تاكدت ان الحزن مغربلُه ومضيّع لياليه من داعب مسامعها صوته اللي قاتله الحزن بعد ماثبّت يدها وسط شعرُه : تعبت من الثبات بخاطري أنهار. ، رجعّي اللي راح ارجعّي عذبه الصغيره بس الليله ، ‏كل شئ قد مضي معك اتذكره بكل تفاصيله ياعذبه، ولا يغرك لو بدا لك جسمي سليم، ‏والله ان جسمي سوار للمقبرة ...!
•
•
الشرطَه . جوف . •
هي عارفه ان اللي قاعده تسويه غلط ...!
لكن استغلّت معرفة اهلها انها بالمستشفى ومناوبتها راح تطول الليله بانها تروح لضامر وتحدد مصيرها معاه
هي تبيه وهو يبيها ، لازم يعطيها سبب يقنعها ويجبرها تترك تعب سنين لجلُه ...!
نزلَت من السياره وطاحت عينها على عمها مخلد وزوجتُه عباير اللي كانوا طالعين من المخفر واللي جايبهم لهالمكان اكيد ولدهم "ضامر" اللي هي جايه عشانُه ...!
عباير ومخلد اللي كانوا عارفين سايق جوف وسيارته وتاكدوا اكثر من مروا من عند السياره واستوقفتهم جوف : شلونَك ياعمي ؟،.!
عباير اللي لفت عليها قبل لايرد مخلد : وبعد لك عين؟.لك عين تجينُه وتشوفينُه ؟.والا جايه تتشمتين فيه ؟،مو انتي السبب انتي اللي رميتيه بهالمكان حسبي الله عليك من بنت لكن الشرهه مو بعليك على ولدي الدايخ اللي طايح فيك ..
مخلد بحده : عباير ووجع اقصري لسانك واذلفي للسياره لاتشوفك عيني ...!
عباير : ايه ايه حيلك فيني انا ، والآفه هذي اللي كل بلاوي ولدك من تحت راسها ماتكلمها ومرخي حيلك عليها حسبي الله بس ذا اللي اقدر اقوله ...!
وانسحبت من المكان بسرعه لسيارة زوجها اللي تبعد عنهم امتار بسيطه ...!
مخلد باحراج وضح عليه : اعذريني يابنيتي . وامسحيها بوجهي ، وماعليك من كلام ناقصة العقل هذي ص
قاطعته جوف بهدوء : ماعليه ياعمي ماهو شيء جديد مو هي من صغري ماتبيني تعودّت ..! ماهو هذا موضوعنا ..."باهتمام دافق" ضامر ؟.شصار فيه؟.
مخلد اللي كان منحرج ويتوعّد عباير بداخلُه : يومين ان شاء الله ويرخصونَه ، ماهو مطوّل ، دفعت فلوس للمدير لجل يتنازل عن القضيه وبعد عناء تنازل عنها ، وضامر ساكت وماينطق بحرف عجزنا معُه ...!
جوف اللي تنهدت وحسّت روحتها له ماراح تجيب نتيجة دامه مازال على سكاته وكلام عباير صحى جروحها من جديد : طمنتني ياعمي الحمدلله، ويكون بعلمك ياعمي ضامر ماأعتدى على مدير المستشفى اللي اشتغل فيه اعتدى على مدير مستشفى ثاني بلّغ زوجتك لاتحمّلني الذنب...!
•
•
نوايا ...!
قفلت الجوال ورميتُه وتحاول تلتقط انفاسها من الخوف اللي دبّ بقلبها وبدا يتلاشى بعد ماقفلَت منُه ...!
شدت على بجامتها رجعت شعرها على ورا وبدت تدعي من كُل قلبها ان هالمكالمه تكون الاولى والاخيره لها مع وافي اللي جاهله نواياه لها ...!
•
•
وافي ...!
خزّن رقمها بجوالُه بعد ماحفظه بعقله وقلبه وحفره داخل صدرُه قبل مايحفظه بجوالُه ...!
تنهد براحه وابتسم وهو رايق كونُه راح يختم يومُه فيها
حرّك لبيتُه اللي يسكنُه هو واختُه اللي بالاول ثانوي
نزل من سيارته وشماغه على كتفُه قابله عيال الحاره اللي يبغضهُم وما مر يوم الا وتهاوش معاهم ...!
لكن الليله هذي مختلفه بالنسبه لوافي الليالي اللي مضت كانت خاليه من نوايا اما الليله هذي راس مالها صوت نوايا
كبرّ عقله ووسع بالُه ومالُه مزاج يضيع روقانه بالنزاعات معاهم
اتّجه للبيت وجلس عند اخته اللي كانت بالصالَه وتذاكر مادةالتوحيد بكل اريحيه كونها ماده سهله
جلس بجنبها وهو رايق ومرتاح ومحد يضاهي سعادته لليوم داعب مسامعه كلام اخته له : وافي ..؟!
وافيي اللي كان جالس بجنبها : لبيه ، ..!
اختُه " هيام" اللي ابتسمت لردُه : وافي ميسم ، ليه تركتها ؟،.حرام البنت تبيك ...!
وافي اللي صد بضيق اللي فسخ خطبتُه فيها من درى انها مو نوايا اللي يبيها ميسم البنت اللي دلّه وضاح لها وكذب عليه فيها بانها هي نوايا : مالله كتب نِصيب ، الله يهنيها مع غيري ...!
هيام بحزن لحالة ميسم اللي كانت معاها بالمدرسة وتكبرها بسنتين : يعني قررت خلاص ؟،.وافي ترا والله البنت زينه وانا اعرفها وابيها تجي البيت عندنا ...!
وافي اللي سرعان ماتذذكر نوايا ومر طيفها قدامُه تسللت طرف ابتسامه لشفايفه : راح تجيك اللي تونسك وتونسنّي ادعي بس ان الله يكتبها من نصيبي ، ...!

🌺📚 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺