يالشعور العذب مدري ياعذابي

البارت 15

🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 15 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🍃

حس بطيفها يعدّي من قدامه بوهن ماله مثيل ...!
نزلت من الباص وثواني واختفت عن عينه ...!
ضرب مقود السيارة لاكثر من مره بقهر وغبنه عظيمه نظر بالبيت وصدّ للجهه الثانيه وحرّك الباص واختفى بيت صدود من قدام عينُه ...!
•
•
جوف ..!
: دكتور هذا مريضه نايم الحين ...!
جوف اللي هزت راسها بالموافقه للممرضه اللي اختفت عن عينهم تنهدت جوف بتعب وعينها مثبته على جمر اللي مثبت يده وسط شعره وشاد عليه وحالته مالها مثيل : وش اللي وداك غرفتي ياجمر ؟.ليه مادقيت علي ؟.البنت بغت تموت ...!
جمر اللي صاد للجهه الثانيه نظر بجوف وبصوت حاد : جوف علامك ؟.مو انتي اللي قلتي لي تعال ؟.حتى اتصلت عليك كثير ومارديتي ...!
جوف اللي غمضت عيونها بقوه من تذكرت ان جوالها كان صامت وماكان معها تركته بغرفة عذبه ...!
قاطعها صوت جمر الضايع وواضح على ملامحه التعب : البنت ليه صرخت ؟. ليه هلعت مني هالكثر ؟.انا ماسويت لها شيء ...!
جوف : رجال غريب عنها وماقد شافتك الا من التلفزيون الظاهر لانها تحب المباريات يعني اكيد راح تخاف منك..!
جمر هز راسه بلا ومغمض عيونه : لا لا البنت فيها شيء ثاني ، غمض عيونه بقوه ورجع بباله صوتها : صوتها ياجوف صوتها صوتها ..!
جوف باستغراب وذهول من حالته اللي تبدلت : وش فيه صوتها ؟..علامك يا جمر ؟.
جمر ومشاعر تدافعت داخله جاهل سببها
ثبت يده على اذنه : الصوت مو غريب علي ياجوف صح تغير عن اللي ببالي بس مو غريب ياجوف مو غريب مسامعي قد مرها ..!
جوف ومو عارفه وش ترد لانها استصعبت عليها فهم حالة اخوها الغريبه ...!
جمر كمل بنفس مستوى الصوت المنخفض والهامس واللي فيه حنين وتعب : وش اسم هالبنت ياجوف ؟.وش اسمها ؟،
جوف بتوتر من حالته : وش تبي باسمها ياجمر ؟.وش تبي فيها هي ؟.
جمر ماسك راسه بقوه : ماتدرين عن شيء ياجوف ماتدرين عن شيء صوتها ، عيونها ،....
تذكر الجدايل اللي كانت تنرمى عليه ..،
تذكر العبارات الصغيرة اللي تتوسط الضفاير ..!
ريحة الضفاير اللي تجتاحه للنخاع واللي ماكان يعرف من مين مصدرها ؟.
وش اسمها ياجوف ؟.تكفين وش اسمها ؟.
جوف ومثبته انظارها على جمر اللي مغمض عيونه بعنف ويده مثبته على اذانه وكانه مضيّع شيء وجالس يبحث عنّه حالته كانت قريبه للغرابه : عذبه ، عذبه عمران ال ...بنت مؤذن مسجد بحارة الحُور ...!'

—
جرت خطواتها المستعجله ناحيتُه واسمه يصدر من صوتها المتوتر من شكله وردة فعله المُخيفه وتحاول تلحقه : جمر ،.انتظر ياجمر وين رايح ...؟'
جمر اللي كان متّجه ناحية الغرفه بخطواته الثقيله والمتهالكه مصوّب انظاره الحاده ناحية الغرفه تمتم بصوت مكتوم ومُخيف : عذبة الوجه ، تذكرين هاللقب ؟.هذي صاحبته يا جوف هذي  كانت تنام بحضني  هذي كانت اقرب من أنفاسي شلُون الحين تهلع مني هالكثر ؟.!'
جوف بذهول وتوتر هادر ماله مثيل من تذكرت كلام جمر عن البنت اللي رفض يقول اسمها بس علمها باللقب : جمر هي حدّها فيك قبل ١٢ سنه يعني من زمان مو شايفتك أكيد راح تخاف منك هذا اذا عرفتك اصلا اكيد ماتعرفك ...!
جمر واقتربَت خطواته من الغُرفَه والا ينفذ اللي بباله : ايه مايخَالف اعرّفها بنفسي قضينا ياجُوف ...!'
اتّجه ناحية الغرفه ، دفّ الباب بيده بعنف ،
عقلُه مو مستوعب هالفكرَه ...!
خلايا مخُه تلفت ...!
من ساعة شوفتُه لعدسة عينها الرماديه وصوتها اللي يترنن باذنُه وهو متأكد ان ذاكرته ماتخونه وطيفها ما مرّ قدامه من عبث ...!
شافها جالسه على السرير ودافنَه وجهها بمخدتّها اللي بحضنها ، ورجعت ضفرت شعرَها من جديد ماتقدر تستغني عن هالتسريحَة ...!
فزت من مكانها من شافت اللي واقف عند الباب رجعت خطوه متوترة للخلف بنفس الوقت اللي خطى جمر خطوة واسعه لناحيتها ...!
رجعت لها الحاله المزعجَه ، دبّ الخوف بقلبها ، رغم انها كانت متعطّشه  لجيته من سنين وسنين وسنين ، لكن ماتدري ليه من تشوفه يبدا ينقلب حالها ، وتتوتر ارتجفت شفايفها ومرّت نفضه قويه ارتعش منها جسمها
شدّت على ستارة الشباك اللي وراها وتهز راسها بنفي وعينها انسالت منها الدموع ...!
جمر اللي اتّجه ناحيتها وبدون أي مقدمات وبدون أي تردد تقدم لناحيتها سحبها من يدها ومن كم ثوبها الابيض خصيصاً اصطدمت على صدرُه تمتم بابتسامه يطمنّها مثل عادته القديمه لها : انا ميت من اللهفَه ياعذبَة الوجه ، أنا عايش على التذكار يا أم الجدايل ...!

#يتـــــــــــــــــــــــــــبع....

🚫  يسعدنا مشاركة الرواية ولكن لا نبيح ولانحلل حذف توقيع القناة 🚫

🌸📚 📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸