يالشعور العذب مدري ياعذابي

البارت 8

🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 8 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌸🍃

كمل ابوه بفخر / والله انك كفو ، خليت جمهورك ينام وهو مرتاح ياولدي انا قلت مالها الا انت ،
انت ولدي يعني اكيد انك راح تفوز ...
جمر اللي مامنع نفسه انه يضحك بضحكته الرنانه المميز فيها / والكورة وش دراها اني ولدك يايبه ؟.
ابوه ابتسم كمل / مو بشغلي انت ولدي يعني لازم تفوز ما اقبل بالخسارة ...
جمر اللي هز راسه باسى والضحكة مرتسمه على شفايفه من مزح ابوه اللي اوقات يقلب جدّ ...
شاف فناجين الشاي والقهوه نظر فيها لثواني لف على ابوه / الا يبه جوف وجاهر وينهم ؟.بعدهم نايمين؟.
ابوه وعينه على الجريدة / راحوا لدواماتهم يبه تو من ربع ساعه الظاهر ..،
جمر اللي هز راسه ب ايه مد يده لفنجانه ويده تثبتت عليها وبدا يرتشف منها وعقله مشغول بامور كثيرة ...
•

الطب النفسي . غرفة رقم ٢٢.
•
رجعت ضفايرها للخلف ، شدت المخده لحضنها ، وغرقانه بعالم خاص فيها هيأته بنفسها ...
حست بالباب ينفتح اتجهت بنظرها ناحيته لمحت بنت كبيرة بالسن نوعا. ما بيدها منشفه وملمع زجاج
•
•
مسحت الطاوله بهدوء واطراف الكرسي اتجهت ناحية التلفزيون الشغّال على اعادة لمباراة ليلة امس ، التلفزيون مخصص للقنوات الرياضيه فقط ...
سحبت المنشفه وبّخت من ملمع التنظيف اللي يتوسط يدها الثانيه بدت تمسح بخفيف داعب مسامعها صوت المريضه اللي خلفها ...
لفت ناحيتها ودب بقلبها الخوف من مريضات هالمشفى.
المريضه اللي كانت حاضنه المخده بقوه توسعت حدقة عينها من صار جسم العامله حاجز بينها وبين جمر اللي يشاركها الغرفه من ورا الشاشات .
وبصوتها الانثوي فيه رنة حدة خفيفه :خليه ، بعدي عنه ؟.لاتقربين منه ...وخري قلتلك وخري عنه .
العامله لفت عليها بخوف / بس انا لازم يمسح عشان يصير نظيف...
تسارع تنفسها وشدت المخده زيادة لحضنها / هو من يومه نظيف اطلعي برا ما بيك اطلعي لاتمسحين شيء ..
جسم انثوي جديد شاركهم الغرفه دخلت وصكت الباب فكت نقابها عشان تعرفها مريضتها الخاصه ارتاعت من صوت عذبه الشبه عالي من الصباح / عذبه حبيبتي صباح الخير ...وشفيك تصارخين ؟.
عذبه ماردت على الدكتوره وعينها الحاده مثبته على العامله ، شدت على ضفايرها وكانها تقتبس القوه منها / انتي ماتفهمين ؟.قلتلك بعدي من قدامه واطلعي برا لاتنظفين شيء ...
الدكتورة " جوف" ثبتت انظارها على العامله اشرت لها بتوتر بانها تطلع برا الغرفه ...
العامله بلعت ريقها شدت على اغراضها غادرت بهدوء من الغرفه ...
عذبه اللي ابتسمت من طاحت عينها على اعادة المباراة وعند لقطتها المفضلّه بالضبط ....
د . جوف اللي اتجهت ناحيتها / عذبه حبيبتي انتي معي ؟.
عذبه اللي نظرت بضفايرها اتسع مبسمها رجعت نظرت بجوف ونقلت نظرها للتلفزيون وهي مبتسمه ويدها على ضفايرها ...
جوف تنهدت براحة ، رجعت لحالتها الطبيعيه ...
مسحت على ظهر عذبه وعلى ثوبها الابيض وبابتسامه هاديه / ووش صار على لبسي ياعذبه ؟.نقصتيلي منه ؟.
عذبه اللي تقوست شفايفها وضاقت ملامحها من تغير البث من المباراة الى الاستوديو التحليلي لفت على جوف سكتت لثواني غمضت عيونها وهزت راسها بلا ...
جوف اللي اتسع مبسمها وهي ببالها ان الضيق الواضح على ملامحها بسبب انها ماجهزت لبسها ماتدري ان سبب ضيقتها خفي  اتجهت ناحية ركن الغرفه سحبت المكينه السوداء الصغيرة شدت قبضتها لثقلها عليها ثبتتها على سرير عذبه وجابت الكيس اللي فيه الاقمشه نثرته قدام عذبه / يا الله شوفي شغلك ابي تخلصين طلبيتي اليوم  يا أم الجدايل مثل ماتحبين نقولك عذبه أم الجدايل ....
عذبه اللي مجرد مانهت جملتها لفت عليها لمعت عيونها وارتجفت شفايفها شدت المخده لحضنها  ومسحت على ضفايرها وعينها التفت لاارادياً للتلفزيون ....

—
جسار بشبه ابتسامه : ١٠ ٩ ٨ ٧ ٦ ٥ ٤ ٣ ٢ ١ ...انتهى الوقت المحدد...ابهرينا يامدى ...
مدى الليي توترت تنهدت بعمق من سمعت جرس نهاية الوقت اللي اصدر من الاسمر الحاد ...
عضت على شفايفها بقوه وعينها مثبته على الطبق اللي جهزته ، هي متاكدة من الطعم لكن منظر الطبق كان أقل من العادي ، حسّت بتعرق شديد وهي متاكدة اهم معيار لاختيار الشيف المميز المنظر الجمالي للطبق ...
صحاها من اللي فيه صوت الشيف السوري الاشقر "فخري" مابدك تطعمينا اكلك يامدى والا شو ؟.
مدى اللي بلعت ريقها هزت راسها بايه مسكت الطبق بايادي مرتجفه اتّجهت ناحية الطاوله السوداء اللي يجلس خلفها الثلاث رجال ....
تنفسها تسارع، نظراتها الكئيبه مثبته على الطبق هذا مو مستواها هي تعرف تسوي احلى واكثر واقوى من كذا ليه الحظ دايم ضدها ؟.الحين وش راح يفهمهم اني اعرف اطبخ كل شيء واعرف ازين الطبق لدرجات لامتناهيه ؟.ليه حاطين وقت معين ؟.وليه وليه وليه ...؟

🌸📚 🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸