يالشعور العذب مدري ياعذابي

البارت 6

🌸🍃🌸🍃🌸
🍃🌸🍃🌸
🌸🍃🌸
🍃🌸
🌸 6 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌

ميثة بضيقة / الفطيرة خلصت ماكان ودي تخلص ابد ...
ليلى وعينها على المطبخ / مصيبه هالبنت توها ب ١٨سنه وتطبخ طبخ ولا احد يقدر ينافسها فيه ...
ميثه كملت /ايه والله الحق ينقال ياليلوه طبخها ياخذ العقل والله اني ضقت من خلصت فطيرتي ...
ليلى تنهدت بضيق وبنبرة حسد واضحة / اسكتي لاتسمعك لاتمدحينها ..سمعت انها بتشترك بمسابقة افضل شيف شيء چذي لازم ماتروح ياميثه راح تصير احسن منا والكل راح يحترمها وراح تصير مشهوره وراح تكون فوق فوق لازم نكسر مجاديفها نلعب بالجانب النفسي عليها راح اموت من القهر ان شاركت مدى بالمسابقه ياميثه..
•

الظهر . بيت مدى وامها ....
•
الحدّة كاسيه نظراتها وانتقلت لملامحها / والله طالت وشمخت يامدى انا اخر عمري يطلبوني المدرسه عشانك ؟.وش اسوي فيك ؟.علميني وش اسوي فيك ؟.قبل يومين حارقة مطعم رايحة تشتغلين فيه من وراي وامس عافسه لي المطبخ وحارقه كل المواعين ، واليوم تطلبني المدرسه لان حضرتك مسويه فطاير وموزعتها على خلق الله ومدمره الاولي والتالي ، فشلتيني اليوم قدام المديرة والمعلمات  ماعرفت وين اودي وجهي منهم ...
مدى اللي كانت منزله نظرها بالارض  تتوسط يدها شنطتها الرماديه الخاصه بالمدرسه و عينها تنتقل من اليمين لليسار وكانت ملامحها شبه هاديه .
امها كملت بذات النبرة الحاده والنظرات / لا وايش قال تبي تدخل مسابقة طبخ انتي وين والمسابقات وين ؟.هذي مسابقه عالميه بياخذونك انتي ؟.عشان تحرقين اكلهم واوانيهم ؟.
مدى اللي ارتفعت نظراتها وتركزت على ملامح امها ...
توسعت عينها وعقلها مو متقبل هالفكرة / يمه تكفين طلبتك الا هالشيء ، يمه تدرين ان روحي معلقه بالطبخ وابي اصير شيڤ عالميه ، يمه تكفين هذا حلمي لاتوقفين بطريقي ....
ام مدى بحزم مخيف ونبرة عصبية / اسكتي ولا كلمه ، تبغين تشتركين بهالمسابقه عشان تسودين وجهي هناك ؟.انتي هنا وجايبتلي بلوه ورا الثانيه اوديك هناك تفضحيني انتي ... بلا حلمك بلا همّ خلي بالك على دروسك واتركي هالخرابيط عنك والله يامدى ان سمعت طاري طبخ والا طاري مسابقه بهالبيت والله يامدى لاتشوفين شيء عمرك ماشفتيه فاهمه. ؟..
ومانتظرت من بنتها ردّ وصوت صراخها كان يتردد بالبيت مثل الصدى اتجهت ناحية غرفتها تاركة بنتها وراها ....
مدى اللي تقوست شفايفها من الضيق وشخصيتها المرحة والنشيطه اختفت اليوم وتحولت تماما ...
• •
‏ جرت خطواتها برا البيت واتجهت ناحية البيت الصغير المُلاصق لبيتهم واستقبلتها حديقه متوسطة المساحة وسطها رجال كبير بالسن جالس على كرسي متحرك ومتكي على عصاته وقدامه صينية فيها اكواب وفناجيل وثلاجات قهوه وشاهي ومكسرات وكم قطعة كيك ...
اتجهت ناحيته وقفت وراه وحاوطت رقبته بايدها وبصوت هادي عن غير المعتاد / وشلونه جدي حبيب القلب اليوم ؟..
الجد اللي لف عليها "جدها ابو ابوها المتوفي مدى وامها ساكنين عنده بما ان ابو مدى ولده الوحيد ومايبي مدى تختفي عن عينه بما انها حفيدته من ولده الوحيد من زوجته نجمه وله حفيده ثانيه بعد بتطلع بالبارتات  ويحبهم حد الثمالَه ، وتبادله مدى ضعف شعوره •
ابتسم وثبت يده على يدها اللي حول رقبته / دام بنتي وحفيدتي بخير غصب علي اكون بخير ..
مدى اللي لفت عليه / ياعلّني فدا عينك يابنتي اجلسي اجلسي والله اني مليت وانا جالس بروحي ...
مدى اللي جلست على العشب الاخضر عند رجوله وثبتت يدها وراسها على رجوله تمتمت بهمس / جدي انا متضايقه حيل وماعندي احد افضفض له اللي صار غيرك انت...
الجد توسعت عينه بلهفه وخوف / الله يشلّ الضيقه من قلبج يابنتي شبلاج؟.
مدى عدلت جلستها وبدت تتكلم بقهر عارم / جدي امي مو موافقه اشارك بمسابقة الطبخ اللي راح تبدا بعد اسبوع ...جدي انا راح اموت راح اموت ان مادخلت هالمسابقه
تكفى ياجدي تكفى اقنعها طلبتك ....
الجد مسح على شعرها بيهدي من ضيقتها لو لثواني وبابتسامه عذبه / لاتتضايقين يانظر عيني ابشري راح اكلمها وراح اخليها توافق بعد انتي عندج حلم وانا راح اساعدج  تقاتلين عشانه يابنيتي لاتخلين اي احد يكرهج بالطبخ يامدى ولا تخلين اي احد يزعزع ثباتج يابنتي خلج قوية وتوكلي على ربج وكل شيء راح يصير بخير بعون الله . •
ابتسامه ناعمه تتوسط شفايفها ، كلام جدها كان الداعم الاول والاخير لها ، جدها الوحيد اللي كان واقف معها ويشاركها كل شيء والوحيد اللي تاكد ان عندها شيء وفيها موهبه ولازم تظهرها للناس ...

🌸📚🖋
🍃🌸
🌸🍃🌸
🍃🌸🍃🌸
🌸🍃🌸🍃🌸