يالشعور العذب مدري ياعذابي

البارت 21

🌼🍃🌼🍃🌼
🍃🌼🍃🌼
🌼🍃🌼
🍃🌼
🌼 21 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌼🍃

مجاهد كمل : اللي بنندّه على اسمه يتفضل هو وطبقه للطاولة ...!جاهزين ؟.
تمتموا المشتركين باصوات مختلفه : ( يس شيف) ( اكيد) ( ان شاء الله )ومنهم من اكتفى بابتسامه مليانه بالشغف مثل حالة مدى ...!

فخري اللي كان ينظر بمدى من البداية وماطاحت عينه من عليها ابتسم : مدى ، تعيي لهون انتي وطبقك ...!
مدى اللي فزت بخوف من سمعت اسمها بلعت ريقها بتوتر من توجهت الانظار عليها وخاصه نظرات الاسمر الحاد اللي كان يلتزم الصمت طول المسابقه ويتشارك الكلام مع فخري ومجاهد لاوقات معينه ...!
اتجهت كل الانظار عليها مع علمهم المسبق بانها اصغر مشتركه بالمسابقه كل المشتركين تتراوح اعمارهم من ٢٥ وفوق الا هي اللي كانت تحت ٢٠ سنه ...!
مدى اللي كان يهتز الطبق بيدها من التوتر  وحست المسافه طويله بين طاولتها وبين طاولة لجنة الحكم ...!
ثبتت الطبق على الطاوله ورجعت خمس خطوات لوراء و تنتظر الرأي وحالفها الحظ بالزينه لان منظر الطبق كان جميل لدرجة مالها حدّ ...!
غمضت عيونها بقوه من شافت الشيء الصغير اللي باطراف الصحن ...!
مجاهد اللي نظر بجسار : بنبدا فيك ياشيف جسار اعطي مدى رايك مع اني مُتاكد ان مدى طورت اوي من نفسها ...!
جسار اللي كان متكتف نظر بمجاهد وابتسم له كرد لكلامه اتجه خطوات واسعه للطاولة اللي مثبت فيها الطبق نظر بمدى اللي متوتره وتفرك يدها بتوتر ملحوظ نظر بالطبق سحب الملعقه اللي بجنبه ودقق النظر بالطبق اللي كان معجبه المنظر جداً كون ان اهم شيء عنده المنظر الجمالي ثبت الملعقه بطرف الطبق لكن ثبتت تحركاته ، رفع حاجبه باستنكار للموقف نظر بمدى اللي حسّ بانها راح تنهار من التوتر وبدا جسمها يتعرق تمتم بصوت شبه مسموع : شعره ؟.شعره بالطبق ؟.شيف مجاهد عيد لها معايير الطبق المميز عيد لها اهمية النظافه بالطبق الظاهر انها ماتعرفها ،

•
نوايا ..!
كانت بالسيارة بطريقها للمدرسة
رجعت بذاكرتها لقبل يومين
مرّ ببالها الهديه اللي كانت من جدتها واللي كانت فستان تراثي من خياطة جدتها كونها حفيدتها الوحيدة بنت من بين اربع عيال ...!
الجده وعينها تلمع وهي تشوف جسم نوايا وانحناءات خصرها اللي مبينها الفستان اللي هي خيطته خصيصاً لنوايا : يازين زينك يانوايا يشهد الله انه انتي اللي زينتي الفستان ...!
نوايا اللي دارت بفستانها بعد مافلّت شعرها الاسود الكيرليي نظرت بجدتها وهي مبتسمه قربت عندها والتفت يدها حول نحر جدتها وضمتها : هذي بركات يدك ياجدة مابحياتي تمثّل علي فستان مثل الفساتين اللي تخيطيها لي ياجعلني ماخلا من هاليد ...!
داعب مسامعهم صوت رجولي بحت يشاركهم هواء الغرفه وبهيام : وياجعلني ما اخلا من هالزول وهالقامه وهالمبسم ...!
نوايا اللي التفتت لناحية الصوت اللي مرّ مسامعها طاحت عينها على اللي متكي قدام الباب وينظر فيها ومبتسم ...!
شهقت شهقه انسحبت من اخر وريد من قلبها ...!
تخبّت ورا كنب جدتها ومو واضح غير طرف فستانها وانفاسها تسارعت لدرجة لا محدودة ...!
الجدة اللي ابتسمت وفرحانَه ان واحد من احفادها واللي كان ولد عم نوايا شاف حفيدتها نوايا وهي بكامل زينها ...!
ولد عمها اللي يشاركها الغرفه اللي كان وضّاح تمتم بعد ماتخللت ابتسامه لشفايفه وشكلها ماغاب عن باله : حافظك حفظ يانوايا ماله داعي تتغطين عنّي لو تبيني ارسمك رسمتك ...!
نوايا اللي زاد توترها من كلامه وانقبض قلبها من صوته اللي كان قريب حيل ..!
الجدة بابتسامه : وضّاح ؟.وش تبي جاي هنا هاه ؟.
وضّاح اللي استند على الباب تنهد بهيام وهو ناسي اصلاً ليش جاء: ابد والله ياجدة بس هاللي وراك ماخلّت فيني عقل ، كان عندي عقل وبسببها قرّب يطير ...!
نوايا اللي ماكانت تشوف غير يد جدتها ترتجف بقوه من كلامه ومرت نفضه قويه ارتعش منها جسمها ...!
الجده وتبي وضاح ياخذ نوايا بأي شكل من الاشكال : ياولد عيب عليك شهالكلام ؟.استّح ...!ان صارت حليلتك ومن محارمك سوي فيها اللي تبيه ...!
وضاح : اخ بس يهاليوم ..."بس ماعليك ياجدة والله ماراح يكونون عيالي الا منّها ...!
•

صدود اللي كانت بالباص سمعت تمتمة البنات خلفها : دريتي ؟.بينقلونا مدرسة ثانيه لان مدرستنا نقلوا العيال فيها لان مدرستهم فيها صيانه .
: ايوه المشكله مو كل البنات يدرون يعني اللي كانوا غايبين الثلاث ايام اللي فاتت ماراح يدرون ...!
صدود اللي توسعت عينها بقلق عارم من تذكرت نوايا .. نوايا لها يومين مسافره واليوم بتداوم يعني ماتدري نوايا ماتدري ...!
__
—
دبي - الامارات ...!
مدى ...تكملة للحدث ...!'
•
وبدا جسمها يتعرق تمتم بصوت شبه مسموع : شعره ؟.شعره بالطبق ؟.شيف مجاهد عيد لها معايير الطبق المميز عيد لها اهمية النظافه بالطبق الظاهر انها ماتعرفها ، شعره يامدى ؟

🌼📚 🌼📚🖋
🍃🌼
🌼🍃🌼
🍃🌼🍃🌼
🌼🍃🌼🍃🌼