يالشعور العذب مدري ياعذابي

البارت 35

🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 35 ...

📚 😍 📃
📖 روايـــــــــــــة ✍🏼
{ يالشعور العذب مدري ياعذابي }

📖🖌 🌺🍃

جمر من سمع صوتُه عرفُه ظلّ على حالُه...!
جاهر بهدوئه القاتل ويعرف ازعاج اخوه : روح غرفتك ياجابر ...!
"جابر . ٩ سنوات"
جابر اتّجه ناحية جمر ومسكُه من يده بعد مانقل نظره بين جمر وجاهر : وش فيك ياجمر ؟.انت تعبان ؟.تكفى لاتتعب بكرة مباراتك لازم تفوز ...!
جمر اللي سمَع كلامه وابتسم بسخريه نظر بجابر اللي بجنبُه : ياليتني أتعَب يا جابر ياليت يصير شيء يجبرنيي ما العب المباراة باكر ...!
جاهر بهمس : تعوذ من ابليس شهالكلام. ؟.
جمر لف عليه ورجع نظَر بجابر اللي تمتم : تكفى ياجمر بكره لازم تفوز ان مافزت اصحابي بالمدرسه راح يخلونّي مضحكة وراح يقولون اخوك مافوز الفريق تكفى ياجمر انك تفوز
جمر نظر فيه ويده تمسح على ظهره وتتحسس بجامَة نومُه ومو عارف شلون يشرَح له ووش يقول لُه حاول يعتذر عن المباراة او يمرّض نفسه او يسوي اي شيء يجبره مايحضر المباراة لكن كان اصرار رئيس النادي والمدرب واصحابه اللاعبين واعضاء النادي انّه لازم يكون اول الحاضرين واول اللاعبين كونه باغلب مباريات النادي كان سبب الفوز بعد الله على يد جمر
جابر كمّل بفخر : من فزت الاسبوع اللي فات على نادي السامر صاروا كل العيال ينظرون فيني ويشجعوني من بعيد وكلهم يبغون يصيرون ربعي بس انا ما اعطيتهم وجه وسويت اني ثقيل .
جمر اللي ضحك بعز حزنُه وضيقتُه
جاهر اللي تطمن من شاف ضحكة جمر قام واقف وانسحب من الصاله بهدوء وترك جابر يسولف على راس جمر ويقنعُه ويشجعه انه يفوز بكرَه وهو جاهل النادي اللي بيلعب ضدُه جمر اي نادي ؟.
•
•
الطب النفسي ...!منر غرفه ٢٢
جوف نظرَت بالغرفه بتعب : وش صار بعد ؟.
العاملَه بترقب وهي تتكلم بحذر شديد : صندوق كبير تحت سريرها ومن جيت ابي امسحُه هبّت بوجهي وشوي وتذبحني يا الله سلمت منها ...!
جوف تردد كلام العامله ببالها تنهدت هزت راسها بايه : خلاص انتي روحي شوفي شغلّك انا اتصرَف ...!
العامله هزت راسها بايه وبيدها ممسحتّها والمنشفه وملمع الزجاج ...!
جوف اللي دخلت الغرفه وطاحت عينها على الجسد المغلّف بثوب ابيض وقدامها صندوق بني مزخرف بزخارف ذهبيه من على الجوانب ونظرات تايهه مثبتَه عليه : عذبَه حبيبتي انتي بخير. ؟.
عذبه التفّت بنظراتها الحاده والمرعبَه لناحية جسد جوف اللي يشارِكها الغُرفَه وبصوتها الحاد والتايه : المخلوقَه اللي هنا لاتعتب غرفتي مرهَ ثانيه والا راح تكون اخر مكان تطيح عينَها عليه ...!
جوف بعلامات تهدئة : تامرين امر ماعاد تدخل بس انتي اهدي ...!
عذبَه وتنفسها يتسارع : انا ماني بزر تسايريني بكلمتين والله اني اقولها صادقه ماراح تسلم مني ان دخلت وبدت تنبش باغراضي ...!
جوف : هي غلطانه وانا بنفسي راح اعاقبها ارتاحي انتي بس واهدي ...!
عذبه نظرت بملامح جوف المُسالمَه ورجعت نظرت بالصندوق اللي قدامها وهذا كان ردّها ...!
جوف اللي نظرَت بعذبه وتنفست براحه من حسّت انها هديت اتّجهت ناحية مكتبها وجلست على كرسيها الاسود سنّدت بظهرها على الكرسي من تذكرت بالخبر اللي وصلها ان مدير المستشفى اللي تشتغل فيه ماتاذى على يد ضامر ، يعني ضامر دخوله للسجن لسبب ثاني مسكت راسها بقوه من التفكير اللي زاحم خلايا بالها
مرّ مسامعها صوت هادي فيه نبرة استفسار : انا خلصت خياطَة اقصد خياطة القمصان ."وبتوتر" يعني يقدر يجي ياخذهم
جوف نظرت فيها ابتسمت مجرد مانتهت من جملّتها : يعني اقول له يجي ياعذبه ؟.
عذبه بلعت ريقها وتفرك يدها بتوتر : يعني يوقف عند الباب وياخذهم بس مايدخل الغرفَه
جوف ببرود : اجل خلاص انا اخذها معي واعطيها اياه .
عذبَه ومو عارفه شتسوي : اا يعني هو يجي يشوفها ازين عشان اذ ماعجبته اعدل عليها
جوف ابتسمت وسط تعبها : ان شاء الله بس هو بكرَه عنده مباراة من يخلص اقوله يجي
عذبه اللي نزلت نظرها لحضنها ويدها تفركها من التوتر بلعت ريقها وقلبها ينبض بقوه لاسباب عديده وسبب واحد قوي حيل بالنسبه لها وكلها تخصُ شخص واحد "جمر "
.
•
.
بيت الجدة " جدة نوايا "
•
الجدة وصار اللي خايفه منّه : تبي ؟.تبي تتزوج منو ياوضاح ؟.
وضاح ببروده : يعني ماتعرفين ياجدة ؟.من هي غيرها بنت العم ...!
الجدة طرى ببالها موقف نوايا بعد ماشافها وضاح ولمّح لها انه يبيها بجملته "ماراح يكونون عيالي الا منها" وبدت تسردُه لوضاح ...
•
الجدة بضحكة : ولد عمّك يبيك يانوايا اظن عارفه مايحتاج اقول ...!
نوايا فركت يدها بتوتر نظرت بالجدة وطرى ببالها جمر اللي ماهي بباله : بس انا ما ابيه ياجدة ،...!
الجدة تلاشت ابتسامتها بالتدريج : افا يانوايا ليه يابنيتي ؟.شايفه شيء عليه ؟

🌺📚  🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺