"အမိန့်တော်မြတ်အတိုင်းပါဘုရား"
"မြို့ထဲမှာ အရှုပ်အထွေးတွေပေါ်လာတယ်ဆိုတော့ တခြားကျန်တဲ့ မြို့သူမြို့သားတွေကိုလည်း သတိဝီရိယနဲ့နေဖို့ တိုက်တွန်းထားပေးပါ။ တစ္ဆေသရဲပဲဖြစ်ဖြစ် ဘာပဲဖြစ်နေနေ ဒီအချိန်ထက်စောပြီး ထသောင်းကျန်းတာလည်းမဟုတ်၊ နောက်ကျပြီးတော့မှ ပေါ်လာတာမျိုးလည်းမဟုတ် ။ ကိုယ်တော်မြတ်ရောက်လာတဲ့အချိန်ကျမှ တိုက်တိုက်ဆိုင်ဆိုင်ပေါ်လာတာဆိုတော့ တစ်ဖက်သားရဲ့ပစ်မှတ်က တိုင်းသူပြည်သားတွေကိုလား၊ ယာယီနန်းဆောင်ကိုလားဆိုတာတောင် သေချာ ပြောလို့မရသေးပေဘူး"
"မှန်လှပါ၊ ကျွန်တော်မျိုး နားလည်ပါပြီ ဘုရား။ ဒီကနေပြန်ရင် အရာရှိချိန့်ဆီကို သွားရောက် အကြောင်းကြားထားပါ့မယ် "
ချူယွမ် ခေါင်းညိတ်လက်ခံလိုက်သည်။ ထောင်လျဲန်တာထွက်သွားတော့မှ သွမ့်ပိုင်ယွဲ့ရှိရာဘက် ခေါင်းအနည်းငယ်စောင်းငဲ့လိုက်ပြီးမှ မေးလိုက်သည်။
"မင်းရော ဘယ်လိုထင်လဲ"
သွမ့်ပိုင်ယွဲ့လည်း ကန့်လန့်ကာနောက်မှ ထွက်လာရင်း -
"နတ်ဒေ၀တာတွေ စောင့်ရှောက်ဖေးမတယ်တို့ဘာတို့ကိုတောင် ဒို့နှစ်ယောက်ကို တကယ်ကူညီစောင်မခဲ့လို့သာ သုံးပုံပုံနှစ်ပုံလောက် ယုံပေးထားတာ။ တစ္ဆေသရဲဆိုရင် ကိုယ်တော့ လုံး၀ အယုံအကြည်မရှိဘူး။ ပိုပြီးသေချာတာတစ်ခုကတော့ သေဆုံးသူနှစ်ယောက်လုံးရဲ့အလောင်း အခြေအနေအရဆိုရင် လန်ဂျီးကျင့်ကြံခဲ့တဲ့ အရိုးဖြူမိစ္ဆာလက်သည်းသိုင်းနဲ့ တစ်ပုံစံတည်းပဲ "
ချူယွမ် မျက်နှာရှုံ့မဲ့သွား၏။
"အဲ့တစ်ယောက်က တကယ်ကြီး မသေသေးဘူးလား"
"သေချာပြန်တွေးကြည့်ရင် ဒီကိစ္စက ကိုယ် အမြစ်ပြတ်မရှင်းနိုင်ခဲ့တဲ့ လက်ကျန်ပြဿနာပါကွာ။ ဒါပေမယ့် စိတ်ချပါ၊ ဒီလောက်ရှုပ်တဲ့ အမှုမျိုးကို ဒေသန္တရ အာဏာပိုင်တွေလက်ထဲ ကိုယ်မထည့်ပေးပါဘူး"
"ဘယ်လိုလုပ်ပြီး မင်းကြောင့်ဖြစ်တဲ့ ပြဿနာလို့ ဖြစ်သွားရတာလဲ။ မင်းက ထျဲန်းချာ့ဂိုဏ်းချုပ်မှ မဟုတ်တာ"
YOU ARE READING
ဧကရာဇ်ဗျူဟာ [Di Wang Gong Lue]
RomanceDi Wang Gong Lue (or) Emperor's Strategy {Myanmar Translation} Author : Yu Xiao Lan Shan
အခန်း- ၅၀ (ကျင့်မလား မကျင့်ဘူးလားပြော)
Start from the beginning