SAIL WITH ME (On-going)

Chapter 19

CHAPTER 19

Nagising ako sa isang puting silid. Naamoy ko ang amoy hospital. Naalala ko ang mga nangyari kahapon. Napangiti na lang ako ng mapait.

May pumasok sa pinto. Si Lia.

"Gising ka na. Ayos na ba pakiramdam mo?" tanong niya at inilapag ang dala niyang prutas at bulaklak

"Oo, pero puso ko hindi" mapait akong ngumiti.

Nginitian niya na lang din ako. Alam kong pagod siya sa pagbabantay sa 'kin.

"Sila mommy at daddy nasaan?" tanong ko.

Natigilan siya ng sandali at umiwas ng tingin.

"Ah Aisha kasi ganto" napahawak siya sa batok niya "Ah ano kasi" kumunot noo ko dahil sa ikinikilos ni Lia.

"Ano?" taas kilay kong tanong

Magsasalita na sana siya ng biglang may pumasok. Si Zack.

"Oh Aisha kumusta na lagay mo?" tanong niya. As usual masaya ang boses niya

"Ayos lang ako nahimatay lang e" sabi ko

Tumingin ako kay Lia.

"Nasaan sila mommy?" tanong ko ulit

Nagkatinginan silang dalawa ni Zack.

"Sagutin niyo ko parang mga ewan. Baka nag-aalala na sila sa ckin" sabi ko napabuntong hininga si Zack.

"Aisha, 'wag kang mabibigla ah" sabi niya ang seryoso masyado

"Biglang bigla na ako sa mga nangyayari Zack namamanhid na ako. So, nasaan sila mommy? Gusto ko silang yakapin" sabi ko

"Wala na sila, Aisha" nakayukong sabi ni Zack.

"Prankster ka talaga, Zack" sabi ko "Panong mawawala sila mommy. Ano 'yun magic?"

"Naaksidente sila kagabi nung sinabi ni Lia na magpapakamatay ka. Nagmamadali sila at ang daddy mo ang nagdrive. Sa sobrang bilis ng pagpapatakbo nila, para maabutan at pigilan ka sa gagawin mo. Sumalpok sila sa isang truck at hindi nila nakayanan ang lakas ng impact nun. Sorry, Aisha" sabi ni Zack

Tumulo ang luha ko. Bakit ngayon pa? Bakit kung kailangan ko sila tsaka sila mawawala? Bakit nangyayari sa 'kin 'to? Mas trumiple ang sakit sobrang sakit. Kasalanan ko kung bakit sila naaksidente. Kung hindi lang ako nagsabi ng ganon.

"Hindi! Panaginip lang 'to!? Bakit!!??" sigaw ko. Tinanggal ko ang suwero na nakakabit sa kamay ko. Pinipigilan nila akong dalawa.

"Aisha, huwag mong tanggalin yan kailangan para bumalik ang lakas mo" sabi ni Zack

"Aisha please calm down! Please listen to me!" sabi ni Lia. Hinawakan niya mukha ko umiiyak na din siya.

"Ang sakit para akong tinarak ng milyong-milyong kutsilyo. Bakit nagsabay pa? Bakit kung kailan kailangan ko sila tsaka sila nawala? Kasalanan ko 'to" sabi ko at napasabunot ako sa buhok ko "Kasalanan ko lahat, Lia. Nagkulang ako bilang girlfriend, nagkulang pa maging anak. Lia hindi ko na kaya!hindi ko na kaya! Kung pwede lang mamamatay na lang rin ako" sa pangalawang pagkakataon humagulgol na naman ako. Biglang may naramdaman akong tumusok sa braso ko. Nagdilim na naman ang paningin, hanggang sa napapikit na ako.

Nagising ako at nandito pa rin ako sa silid na to. Sana panaginip na lang 'yun lahat. Naalala ko lahat ng nangyari sa araw na yon. Kaarawan ko ang pinakakinasusuklaman kong araw. Kung hindi dahil sa 'kin hindi ako hihiwalayan ni Darius at hindi mamamatay si Mommy at Daddy. Kasalanan ko lahat. Tumulo ang mga luha ko. Pinunasan ko ito nang may kumatok sa pinto. Bumakas ang pinto at pumasok sila.