ورد

جمال طفل

و عدى اربع شهور بعد جواز ورد و زين .. و حصل حاجه فرحت الكل .. ورد كانت حامل الكل فرح اوي و كانوا مستنيه من اول لما عرفوا و من غير ما يعرفوا ولد ولا بنت كانوا بيجيبوا لعب و هدايا و يتخانقوا على الاسم من دلوقتي .. و كانوا مبسوطين اوي .. كانوا بيعدوا الايام و الأسابيع و الشهور .. و جه يوم الولاده عدى تسع شهور في تشويق و مستنين المفاجأة ايه نوع الطفل حبوا يعرفوا في الولاده و جه اليوم المنتظر
(26/9/1984)
اتولد أجمل طفل في الدنيا
(زياد زين عبد الرحمن ناصر)
كان من جماله الناس كانت بتخاف تبصله علشان ميتحسدش كان واخد عيون ورد و ضحكتها شعر زين و مناخير زين ... كان الكل بيتخانق مين الهيشيله و يحضنه .. كانت ورد بتخاف عليه جدا .. الكل بدأ يحضروا للسبوع في ضحكه و محبه .. كانوا فرحانين بيه اوي .. و لما كان بيكبر أدام عنيها .. لما قال ماما كانت حاسه ان الدنيا بترقص حواليها و لما بدأ يسحف و يمشي لما كان بيجري في حضنها و يقولها ماما بحبك .. يوم دخوله المدرسه كان حلو اوي .. كان ورد و زين معاه و كانوا فرحنين اوي و خوفهم عليه كان كبير اوي كانوا كل يوم يودوه و يجبوه .. كانت فعلا ام و زوجه و اخت و صاحبه ابنه و مديره عظيمه كان العدل فيها ديما و الحب كان معاها علطول كلنا بنحبها محدش يقدر يكرهها ابدا
بنحبك.
*****