ورد

احلام و طموحات

و رجعت حياتها طبيعيه بحب باباها ليها و حب الناس كلها ليها بسبب ضحكتها الجميله و عنيها الصافيه زي البحر... اجتهدت في دراستها و شافت حياتها بكل فرحه.. بس ماماتها كانت في قلبها علطول عمرها ما نسيتها ولا هتنساها.. و زي كل بنت ليها احلام كتير و طموحات نفسها تحققها بس كان في اتنين بس المصدقين حلمها باباها و ليلى .. اكيد محدش عارف مين ليلى دي.. ليلى صاحبه ورد البتحبها و متقدرش تعيش من غيرها و كمان كانت عندها فريده صاحبتها بس هي عكس ليلى كانت حقوده و مبتحبش ورد و كانت ديما بتتريق عليها علشان مامتها ماتت و كانت بقول البت دي هتفشل في حياتها كلها .. و كانت بتغير منها اوي علشان الكل كان بيحب ورد.. كانت بتراهن الكل على فشل ورد.. بس ورد كانت بتحاول تعدي كل حاجه و تكمل عادي و تراهن الكل انها هتنجح.. و من أكبر أحلامها تكون أكبر مهندسة ديكور في مصر كان بتحب التنظيم و التخطيط لكل حاجه.. بس الكل كان بيقولها ملكيش مستقبل.. مستقبلك البتحلمي بيه ده هيخلص من قبل ما يبدأ اصلا.. بس كان في قلبها قوى  و أراده و صممت على حلمها و درست كويس و اجتهدت علشان حلمها و بس.. بس إحباط الكل ليها كان بيقتلها و كان بيوجعها علطول بس تشجيع ليلى و باباها هيقويها على الكل ديما.
******