ورد

احلام بريئة

و كلهم رجعوا لحياتهم الطبيعيه من جديد بس التغير انهم كانوا مع بعض.. ورد رجعت لشغلها و الموظفين كانوا فرحانين و مبسوطين اوي ان مديرتهم هترجع زي الاول و هيشوفوا ضحكتها كل يوم و عيونها الجميله كان الكل بيحبها كانت طيبه اوي حتى في شغلها كانت بتتعامل مع كل حاجه بقلبها كان قلبها كتير اوي.. كان أكبر حلم ليها و هي تعبانه انها تخف و بس دلوقتى أكبر حلم أن الشركه تكبر اكتر و عيلتها و أصحابها كانوا معاها في كل لحظة.. و حوريا قدرت تحقق حلمها و كانت بتضحك على كل الناس القالوا زمان هتفشلي ايه يعني رسامه واحده ماسكه ورقه و قلم و عماله تشخبط عالفاضي ايه يعني.. بس كملت رسمت و دخلت مسابقات كتير و كانز بتفشل و تنجح مكنتش بتتعب كان عندها هدف و كان لازم تحققه و فعلا فتحت أكبر معرض رسم في مصر و كان ناس من كل أنحاء العالم بيجوا علشان يشوفوا رسمها مصورين كتير يجوا علشان يصوروا اللوح و ينشروها في كل مكان و ماماتها كانت ديما بتدعمها بابا سبهم زمان و مشى و خد اختها التانيه معاه و ميعرفوش عنهم اي حاجه ماماتها كانت معاها ديما و كانت علاقتهم مش ام و بنتها دول أصحاب.... و زين نجح في حلمه بردو و حققه كان نفسوا يكون دكتور بيطري و فعلا بقى كده كان بيحب الحيوانات جدا و فتح مركز لرعاية الحيوانات الاليفه كان بيهتم بيهم كأنهم أولاده... كان عايش مع جدته في مصر علشان اهله كانوا في كندا هو كان عايز يكمل حياته هنا و نجح في ده و عاش في البلد البيحبها و مرتاح فيها.. كانوا مستنين يعرفوا حلم إسماعيل كانوا مستنين يوم تخرجه علشان يعرفوا و جهزوا لاسماعيل حفله بسيطه حلوه اوي كان فيها كل حاجه و الناس الهو بيحبهم َ بعد الحفله و لما الناس مشيوا قعدوا يضحكوا و يتكلموا و جه في نص كلامه حلمه نفسه يكون دكتور نفسي.. عايز يسمع الناس عايز يتكلم معاهم و يعرف مشاكلهم و يحاول يحلها و يديهم حلول و يرسم الضحكه على وشهم  بيحب الناس اوي و هو بطبيعته اجتماعي جدا.. و كانت أمه فرحانه بس مش بيه لوحده بيهم كلهم كانوا كلهم ولادها و ديما كانت بتقول
احفظهم يا رب.
*******