ورد

حب صافي

و قصه حب ورد و زين بتكبر اكتر كل يوم و ذكرياتهم الحلوه و الفرحه الفي عيونهم و هم مع بعض كانوا مجانين الاتنين بيعملوا كل حاجه تيجي في دماغهم ممكن بس تفرحهم و مكانهم المفضل الملاهي.. ايوه الملاهي كانوا بيضحكوا من قلبهم.. خرجوا يوم كلهم بس مرحوش الملاهي راحوا اسكندريه.. يوم جميل مع زحمة شوارع اسكندرية و قرار سريع احنا هنتجوز الكل اتفاجأ بس هم كانوا مستريحين و مبسوطين انهم هيعيشوا لآخر يوم في عمرهم مع بعض.. و فعلا حلمهم اتحقق و اتخطبوا و كانت الخطوبه متعبه بشكل.. الحصل كالآتي تجهيزات و فساتين و مكياج و قاعات و حاجات كتيره كانت متعبه بس مين اكتر حد تعب حوريا.. اتبهدلت معاهم كانت بتنظم كل حاجه و بتهتم بكل حاجه بتحصل و كانت فرحانه اكتر منهم كمان... و جه يوم الخطوبه فستان ورد اتغير و رحلها فستان غير العجبها... و بدلة زين اتقطعت.. و إسماعيل تعب..بس حلوا المشكله علشان طول ما الحب موجود مفيش حاجه بتوقفه ابدا.. اه تعبوا بس حلوا كل حاجه و فرحوا و ضحكوا و رقصوا و غنوا و عملوا كل حاجه و نسيوا تعب اليوم ده.. و عدى شهور و بدأت ورد و مرات ابوها الاخدت دور الأم الحنونه بشكل رائع و نجحت فيه و زين و عايلته يجهزوا للفرح و العفش و المطبخ و السجاد و الستاير و ألوان الشقه و ضغط و تعب للكل بس بالنسبه لورد و زين التعب كان بيخلص بمكلمة تليفون قبل النوم .... و جهزوا كل حاجه و تعبوا شهور طويله و جه قبل الفرح بشهر و نرجع لنظام الخطوبه من جديد الفستان و الشعر و المكياج و القاعات و آخر تجهيزات في الشقه و لازم كتب الكتاب الأسبوع ده علشان نلحق نفرش  و فعلا جهزوا لكتب الكتاب و شافوا المعازيم و عملوا كل حاجه و جه الفرح احلى يوم في حياتهم حلمهم اتحقق خلاص أكبر حلم حققوه.. كانت ورد زي الاميره في اليوم ده بفستانها الأبيض المنفوش و التاج على شعرها الزي الحرير و عيونها الصافيه زي صفاء البحر كانت جميله اوي.. الكل اتبهروا بجمالها و في كسوف و رقه قالت ورد شوية كلام و هو كان(ازيكوا.. ازيكوا كلكوا.. معلش انا بس عايزه اقول حاجه لأهم ناس في حياتي هبدا بأمي و ابويا انتو العلمتوني الحب عرفت منكوا ازاي احب انتو في قلبي طول الوقت اكيد انتو فيشفينا و سمعينا دلوقتى و اكيد فرحانين معايا قصه حبكوا هترجع بس هتكون بين زين و ورد و هتكمل .. مرات ابويا انا مش عارفه اقولك ايه بجد انتِ بجد اكتر واحده وقفتي معايا و خليتي بالك مني و كنتي امي في غيابها انا بحبك يا أمي....إسماعيل اخويا الصغير و صاحبي و كل حاجه ليا وقت تعبي مسبتنيش كنت طفل لسه.. مكنتش بستريح غير لو شيلتك في حضني و احكيلك و اعيط.. انت أعظم اخ في الدنيا فخوره انك اخويا.. حوريا حبي ليكي ميتوصفش كان نفسي يكون عندي اخت و بقى عندي اخت و سند و ضهر ليا وقت لما أقع ترفعني تاني أسراري كلها معاكي انتي الكملتي معايا لحد دلوقتي بين كل الصحاب الكانوا اسم و بس انتِ عرفتيني يعني ايه أصحاب عرفت يعني اضحك من قلبي في عز تعبي عرفت يعني ايه لما تعدي ساعه من غير ما اكلمك اتخنق و ازهق.. انا بحبك جدا..جينا لأهم واحد انت مش بس واحد حبيته انت من قبل ما تكون كده و انت سند ليا و اخ و اب و صاحب جدع كنت بتساعدني ديما كنا معايا وقت زعلي.. في تعبي دعمتني  وقت خوفي من المرض كنت بكلمك مكنتش عارفه ليه بس كان في حاجه في قلبي بتقولي كلميه هيفيدك هيطمنك هيحميكي.. معاك نسيت كل حاجه وجعتني و تعبتني عيشنا لحظات و ذكريات مش هتتنسي حبنا هيفضل قصه حلوه ديما احفدنا هيسمعوها.. انا بحبك في كل الحالات و انت قريب و انت بعيد و انت فرحان و انت زعلان و انت متعصب و انت بتضحك علطول بحبك.. ربنا يخليكوا ليا كلكوا و كل الموجودين انا فعلا بحبكوا من قلبي و حابه اشكر اي حد راهن على فشلي في حياتي و عايزه اقولكوا من غيركوا مكنتش هنجح).
*******